మోడీ ఎదుటే...మంత్రి.. మ‌హిళ చేయిప‌ట్టుకొని

మోడీ ఎదుటే...మంత్రి.. మ‌హిళ చేయిప‌ట్టుకొని

ప్ర‌ధాన‌మంత్రి న‌రేంద్ర మోడీ విచ్చేస్తున్నారంటే..పార్టీ నేత‌ల్లో ఉండే అటెన్ష‌నే వేరు. అందులోనూ ముఖ్య‌మైన స్థానంలో ఉన్న‌వాళ్లు స్పందించే విధానం కూడా భిన్నంగా ఉంటుంది. అయితే, త్రిపురలో ఓ మంత్రి మరో మహిళ మంత్రి పట్ల అసభ్యంగా ప్రవరించాడు. అదీ సాక్షాత్తూ ప్రధాని మోడీ పాల్గొన్న సభలోనే.  ఎదురుగా ప్రధాని మోడీ శంకుస్థాపనలో బిజీగా ఉంటే.. ఈయనేమో పక్కన నిల్చున మహిళా మంత్రిని వేధించాడు. ఈ ఘటన వీడియోలో రికార్డ్ అయింది. ఓ బాధ్యతయుతమైన హోదాలో ఉన్న వ్యక్తి  తోటి మహిళా మంత్రితో అసభ్యంగా ప్రవర్తించటం పట్ల వీడియో చూసిన వారంతా నివ్వెరపోతున్నారు.

వివ‌రాల్లోకి వెళితే.... అగర్తలలో జరిగిన ఓ కార్యక్రమంలో త్రిపుర సీఎం విప్లవ్‌ దేవ్‌తో పాటు పలువురు రాష్ట్ర మంత్రులు, బీజేపీ నేతలతో క‌లిసి ప్రధాని మోడీ పాల్గొన్నారు. ఈ కార్యక్రమంలో ప్రధాని మోడీ ఓ ప్రాజెక్టుకు శంకుస్థాపన చేస్తుండగా.. అక్కడే ఉన్న రాష్ట్ర క్రీడల శాఖ మంత్రి మనోజ్‌ కాంతి దేవ్‌ తన పక్కనే నిల్చున్న తోటి మహిళా మంత్రిని అసభ్యంగా తాకాడు.

దీనికి సంబంధించిన ఓ వీడియో సోషల్‌మీడియాలో వైరల్‌గా రావడంతో విషయం వెలుగులోకి వచ్చింది. మనోజ్‌ కాంతి దేవ్‌ను వెంటనే తొలగించాలంటూ ప్రతిపక్ష నేతలు డిమాండ్‌ చేస్తున్నారు. బీజేపీ నేతలు ఘటనను తోసిపుచ్చారు.  వీడియో అంతా బూటకమని కొట్టిపారేశారు. విప‌క్షాలు కావాల‌నే రాద్దాంతం చేస్తున్నాయ‌ని మండిప‌డ్డారు.

మంత్రి మనోజ్ కాంతి దేవ్ ప్రవర్తించిన తీరుపై పెద్ద ఎత్తున విమర్శలు వస్తున్నాయి. మహిళా మంత్రి సాంతనా చక్మా నడుముపై ఆయన చేయి వేయడం వీడియోలో స్పష్టంగా కనిపించింది. ఈ చర్యతో ఇబ్బందిగా ఫీలైన చక్మా.. వెంటనే ఆయన చేయిని నెట్టేశారు. ఇలాంటి మంత్రిని వెంటనే తొలగించాలని, లైంగిక వేధింపుల కేసు నమోదు చేయాలని ప్రతిపక్ష లెఫ్ట్ ఫ్రంట్ డిమాండ్ చేస్తున్నది. ఆదివాసీ యువ నేత అయిన సాంతనా చక్మాతో ఇంత పబ్లిగ్గా కాంతి దేవ్ అసభ్యంగా ప్రవర్తించారని, ఆయనను వెంటనే అరెస్ట్ చేయాలని లెఫ్ట్ ఫ్రంట్ కన్వీనర్ బిజన్ ధార్ డిమాండ్ చేశారు.

ప్రధాని, ముఖ్యమంత్రి వేదికపై ఉండగానే కేబినెట్‌లోని ఏకైక మహిళా మంత్రితో ఇంత దారుణంగా వ్యవహరించారని ధార్ విమర్శించారు. అయితే అధికార బీజేపీ మాత్రం వీటిని కొట్టి పారేసింది. దీనిపై ఆ మహిళా మంత్రి ఎలాంటి ఫిర్యాదు చేయలేదని, లెఫ్ట్ పార్టీలకు మాత్రం ఎందుకింత చెత్త రాజకీయాలు చేస్తున్నాయంటూ బీజేపీ ప్రతినిధి నబేందు భట్టాచార్జీ అన్నారు. కాగా,  ఈ ఘటనపై స్పందించడానికి మంత్రి కాంతి దేవ్ నిరాకరించారు.

 

రాజకీయ వార్తలు

 

సినిమా వార్తలు

 
Home
వార్తలు
ఫోటో గ్యాలరీ
English