Political News

జగన్ గ్రీన్ సిగ్నల్ ఇస్తే…!

పులివెందుల‌లో జ‌రుగుతున్న స్థానిక ఎన్నిక‌ల పోలింగ్‌ను ప‌రిశీలించేందుకు వెళ్లిన జ‌గ‌న్‌కు అడుగ‌డుగునా ప‌రాభ‌వాలు ఎదుర‌య్యాయి. ఆయ‌న అడుగు పెట్టీ పెట్ట‌డంతోనే త‌న చిన్నాన్న వైఎస్ వివేకానంద‌రెడ్డి హ‌త్య కేసులో అప్రూవ‌ర్‌గా మారిన ద‌స్త‌గిరి ఎదురొచ్చారు. నీవ‌ల్లే మాజీవితాలు నాశ‌నం అయ్యాయంటూ.. ఆక్రోశించారు. వైఎస్ వివేకాను స్వ‌యంగా జ‌గనే చంపించాడ‌ని ఆరోపించారు. అనంత‌రం.. పులివెందుల‌లో ఎన్నిక‌ల అధికారులు కూడా జ‌గ‌న్‌ను అడ్డుకున్నారు.

త‌మ పార్టీ ఏజెంట్లు 80 మంది ఉంటే వారిని లోప‌లికి కూడా అడుగు పెట్ట‌కుండా ఎన్నిక‌ల క్ర‌తువును చేప‌ట్టార‌ని జ‌గ‌న్ ఆరోపించారు. టీడీపీ వాళ్లే రిగ్గింగ్ చేసుకుంటున్నార‌ని పేర్కొన్నారు. దీనిపై ఫిర్యాదు చేసేందుకు రిట‌ర్నింగ్ అధికారి కార్యాల‌యానికి వెళ్ల‌గా.. అక్క‌డ కూడా అధికారులు ఆయ‌న‌ను లోప‌లికి రాకుండా అడ్డుకున్నారు. దీంతో గంట‌కుపైగానే జ‌గ‌న్ రోడ్డుపై బైఠాయించారు. సుమారు 100 మంది కార్య‌క‌ర్త‌ల‌తో రోడ్డుపైనే కూర్చున్న జ‌గ‌న్‌ను ఎవ‌రూ ప‌ట్టించుకోలేదు. మ‌రోవైపు పోలింగ్‌కు వ‌చ్చిన జ‌నాల‌ను పోలీసులు సుర‌క్షితంగా బూతుల‌కు తీసుకువెళ్లి ఓటు వేయించారు.

మొత్తంగా పులివెందుల ప‌ర్య‌ట‌న‌లో తొలిసారి జ‌గ‌న్‌కు ప‌రాభ‌వం ఎదురైంది. ఈ ప‌రిణామాల‌పై స్పందించిన జ‌గన్‌.. తీవ్ర అస‌హ‌నం వ్య‌క్తం చేశారు. దాడులు చేయ‌డం త‌మ‌కు తెలియ‌దా? అని ప్ర‌శ్నించారు. తాను గ్రీన్ సిగ్న‌ల్ ఇస్తే.. త‌మ వారు దాడులు చేస్తార‌ని.. కానీ, అలా చేయ‌డం త‌న‌కు ఇష్టం లేద‌ని అన్నారు. ప్ర‌జాస్వామ్యాన్ని కాపాడుకునేందుకు తాము ప్ర‌య‌త్నిస్తున్నామ‌ని తెలిపారు. ఏజెంట్లు లేకుండా ప్ర‌జాస్వామ్యంలో ఓటు వేసే ప‌ద్ధతి ఎక్క‌డైనా ఉందా? అని ప్ర‌శ్నించారు. ప్ర‌తిదాడి చేయ‌డం పెద్ద ప‌నికాద‌న్న ఆయ‌న‌.. కానీ, వాటిని తాను అంగీక‌రించ‌న‌న్నారు.

ఎన్నిక‌ల‌ను స‌జావుగా జ‌రిపే ధైర్యం చంద్ర‌బాబుకు లేద‌ని జ‌గ‌న్ ఆరోపించారు. ప్ర‌జాస్వామ్యాన్ని ఆయ‌న ఖూనీ చేస్తున్నార‌ని అన్నారు. అన్ని వ‌ర్గాల ప్ర‌జ‌లు చంద్ర‌బాబు పాల‌న‌పై ఆగ్ర‌హంతో ఉన్నార‌ని.. ఈ విష‌యం ఆయ‌న‌కు తెలిసింది కాబ‌ట్టే ఇలా అడ్డంకులు సృష్టించి త‌న వారితో ఓట్లు వేయించుకునేందుకు వైసీపీకి ఏజెంట్లు కూడా రాకుండా చేస్తున్నార‌ని విమ‌ర్శించారు. ఇష్టారాజ్యంగా రిగ్గింగ్ చేస్తున్న‌ర‌ని విమ‌ర్శించారు. పోలింగ్ బూత్‌లోకి ఏజెంట్ల‌ను రాకుండా అడ్డుకుంటే ప్ర‌జాస్వామ్యం ఎక్క‌డిద‌ని ఆయ‌న ప్ర‌శ్నించారు.

This post was last modified on November 2, 2026 7:30 am

Share

Recent Posts

తిరుమల చరిత్రోలోనే అత్యధికం… 121 కిలోల బంగారం

ప్రపంచంలోనే అత్యంత ధనవంతుడైన శ్రీ వెంకటేశ్వర స్వామికి ఓ అపరిచిత భక్తుడు భారీ కానుక సమర్పించడం దేశ వ్యాప్తంగా చర్చనీయాంశమైంది.…

1 hour ago

డిగ్రీల కంటే చేతి వృత్తులకే విలువ ఎక్కువ – ప్రధాని మోదీ

డిజిటల్ యుగం వెళ్ళిపోయి ఏఐ శకం మొదలైంది. పలకా బలపం స్థానంలో ట్యాబులు, ల్యాప్ ట్యాపులు వచ్చినప్పటి నుంచి టెక్నాలజీదే…

2 hours ago

శర్వానంద్‌కి ఓపెన్ గ్రౌండ్ దొరికేసింది

కొన్నిసార్లు అనుకోని అదృష్టాలు కలిసి వస్తాయి. శర్వానంద్ ప్రస్తుతం అదే ఎంజాయ్ చేయబోతున్నాడు. నవంబర్ 12 విడుదల కావాల్సిన భోగి…

4 hours ago

ఆ పాటకు 40 నిమిషాలు… ఈ పాటకు 19 నెలలు

తెలుగు లిరిసిస్టుల్లో వేటూరి సుందరరామ్మూర్తి, సీతారామశాస్త్రిలది వేరే లెవెల్. దశాబ్దాల పాటు తెలుగు పాటను అత్యున్నత స్థాయిలో నిలబెట్టిన ఘనత…

5 hours ago

అనుమానాలు తీర్చేసిన వృషకర్మ

డిసెంబర్ 4 విడుదల కావాల్సిన వృషకర్మ వాయిదా పడే అవకాశాలు ఎక్కువగా ఉన్నాయని వచ్చిన వార్త అక్కినేని అభిమానులను ఆందోళనకు…

5 hours ago

దుల్కర్ సల్మాన్… ఏమిటీ విచిత్రం?

కలెక్షన్లు పక్కన పెట్టి కంటెంట్ మాత్రమే పరిగణనలోకి తీసుకుంటే.. దేశంలో నంబర్ వన్ ఇండస్ట్రీ మాలీవుడ్‌యే అంటే భిన్నాభిప్రాయాలు ఉండవు.…

6 hours ago