Political News

స్థానిక ఎన్నికలు మీ భవిష్యత్తు

గత ఎన్నికల్లో రాష్ట్ర భవిష్యత్తు కోసం నేను పనిచేశాను. స్థానిక ఎన్నికలు మీ భవిష్యత్తు. మీ అవసరాల కోసం. అందుకే ఏ ఒక్క స్థానంలోనూ ఓడి పోకూడదు. అన్నీ స్థానాల్లో విజయం కోసం కృషి చేయండని ఉప ముఖ్యమంత్రి, జనసేన అధినేత పవన్ కళ్యాణ్ పిలుపునిచ్చారు. కాకినాడ గ్రామసభలో ఆయన ఎన్నికల శంఖారావం పూరించారు.

బలమున్న సీట్లలో పోటీ చేస్తామని ఆమధ్య పవన్ కళ్యాణ్ ప్రకటించిన సంగతి తెలిసిందే. అవసరమైతే కూటమి పార్టీలపై ఫ్రెండ్లీ పోటీ చేయాలని కూడా సూచించిన విషయం విదితమే. కానీ ఇప్పుడు కూటమి పార్టీలు పొత్తులతోనే పోటీకి వెళతారని స్పష్టం చేశారు. స్థానిక ఎన్నికల్లో జనసైనికులు పొత్తు ప్రకారమే పోటీ చేస్తారని తేల్చి చెప్పారు. జనసేన కోసం ఎంతగా కష్టపడతారో అంతే సీరియస్ గా టీడీపీ, బీజేపీ పార్టీల గెలుపు కోసం కృషి చేయాలని సూచించారు.

2014లో ఎలాంటి పదవులు ఆశించకుండా టీడీపీ విజయం కోసం జనసైనికులు పనిచేశారని గుర్తు చేశారు. గత ప్రభుత్వం స్కిల్ కుంభకోణం పేరుతో అన్యాయంగా చంద్రబాబును అరెస్టు చేసి జైల్లో పెట్టిందని చెప్పారు. అప్పుడు రోడ్ల మీదకు రావడానికి ఎవరూ ధైర్యం చేయలేదని, జనసైనికులు, వీర మహిళలు రోడ్ల మీదకు వచ్చి రాష్ట్రానికి భరోసా ఇచ్చారని చెప్పారు. ఇప్పటికే జనసేన కార్యకర్తలు, వీర మహిళలు చాలా త్యాగాలు చేశారని, ఇప్పుడు అధికార పదవులు చేపట్టే సమయం వచ్చిందని తెలిపారు.

ఉప ముఖ్యమంత్రి పవన్ కళ్యాణ్ ప్రకటనతో విపక్ష వైసీపీ గొంతులో పచ్చి వెలక్కాయ పడినట్లయ్యింది. ఏదో ఒక వంకతో కూటమి పార్టీలు విడిపోవాలని వైసీపీ ఎదురు చూస్తుంది. కూటమి దెబ్బ ఎలా ఉంటుందో గత అసెంబ్లీ ఎన్నికల్లో రుచి చూసిన ఫ్యాన్ పార్టీ ఇప్పటికీ కోలుకోక పోతోంది. ఉత్తరాంధ్రలో అయితే ఆ పార్టీ నాయకుల వలసలతో చావో రేవో పరిస్థితిలో వుంది. నిన్నా మొన్నటి దాకా ఒంటరి పోటీ అంటూ గొప్పలు చెప్పుకున్న వైసీపీ ఇప్పుడు పొత్తుల కోసం తహతహలాడుతోంది. ఇప్పుడు పవన్ కళ్యాణ్ పొత్తుల ప్రకారమే పోటీ చేస్తామని చెప్పడంతో స్థానిక ఎన్నికల్లో కూటమి విజయం లాంఛనమే అని చెప్పొచ్చు.

This post was last modified on October 12, 2026 10:30 am

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

3 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

4 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

4 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

5 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

5 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

6 hours ago