పాన్ ఇండియా బాక్సాఫీస్ దగ్గర ఇప్పుడు అత్యంత ఆసక్తి రేపుతున్న క్రేజీ ప్రాజెక్ట్ లలో స్పిరిట్ ఒకటి. అయితే ఈ ప్రతిష్టాత్మక సినిమాకి సంబంధించి అధికారిక అప్డేట్స్ కంటే అనధికారిక లీకులు ఎక్కువగా బయటకు రావడం ఇప్పుడు చిత్ర యూనిట్ కు పెద్ద తలనొప్పిగా మారింది. సాధారణంగా సందీప్ తన సినిమాల విషయంలో చాలా సైలెంట్ గా ఎవరికీ ఏమాత్రం క్లూ ఇవ్వకుండా వర్క్ చేసుకుంటూ వెళ్తాడు.
కానీ స్పిరిట్ విషయంలో అలా జరగడం లేదు. షూటింగ్ ఎక్కడ జరుగుతోంది, నెక్స్ట్ షెడ్యూల్ ప్లాన్ ఏంటి లాంటి కీలకమైన విషయాలు రెండు రోజుల ముందే సోషల్ మీడియాలో దర్శనమిస్తున్నాయి. ఎంత సెక్యూరిటీ పెట్టినా కూడా ఈ రేంజ్ లో సమాచారం బయటకు రావడం ఆశ్చర్యం కలిగిస్తోంది. ప్రభాస్ కు ఉన్న కల్ట్ మాస్ ఫాలోయింగ్ తో లొకేషన్స్ స్పాట్స్ ముందే తెలిస్తే ఆయా ప్రాంతాల్లో ఫ్యాన్స్ ను కంట్రోల్ చేయడం చిత్ర యూనిట్ కు చాలా కష్టమవుతుంది.
వేలాదిగా జనాలు అక్కడికి చేరుకుంటే షూటింగ్ కు అంతరాయం కలగడంతో పాటు, ఎవరైనా వాళ్ల స్మార్ట్ ఫోన్ల ద్వారా యాక్షన్ సీన్స్ రికార్డ్ చేస్తే పరిస్థితి మరింత చేయిదాటిపోతుంది. నెట్టింట ఈ మధ్య ఇలాంటి లీక్స్ వల్ల చాలా పెద్ద సినిమాలు ఇబ్బందులు పడ్డాయి. ఇక్కడ అసలు సమస్య అంతా ప్రభాస్ సరికొత్త లుక్ చుట్టూనే తిరుగుతోంది. ఒక పవర్ ఫుల్ పోలీస్ ఆఫీసర్ గా ప్రభాస్ ను ఒక కొత్త అవతారంలో చూపించడానికి వంగా టీమ్ రేయింబవళ్లు కష్టపడుతోంది.
ముఖ్యంగా ఆ ఫస్ట్ లుక్ తో అభిమానులకు సాలిడ్ కిక్ ఇవ్వాలని ప్లాన్ చేస్తున్నారు. కానీ ఈ అజాగ్రత్త వలన ఆ లుక్ లీక్ అయితే మాత్రం మేకర్స్ క్రియేట్ చేయాలనుకున్న అసలైన ఇంపాక్ట్ పూర్తిగా దెబ్బతింటుంది. తన సినిమాల కంటెంట్ ప్రమోషన్స్ విషయంలో సందీప్ రెడ్డి ఎప్పుడూ ఒక పక్కా వ్యూహంతో అడుగులు వేస్తుంటాడు. ఆడియన్స్ కు ఏ టైమ్ లో ఎలాంటి ట్రీట్ ఇవ్వాలో అతనికి బాగా తెలుసు. కానీ సొంత టీమ్ లోని కొందరి నిర్లక్ష్యం వల్ల ఈ తరహాలో ఇన్ఫర్మేషన్ బయటకు వెళ్తుంటే మాత్రం ఈ డైరెక్టర్ కచ్చితంగా సీరియస్ యాక్షన్ తీసుకోవాల్సిన సమయం ఆసన్నమైంది. ఈ లీకుల మూలాలు ఎక్కడున్నాయో కనిపెట్టి కఠినంగా వ్యవహరిస్తే తప్ప షూటింగ్ ప్రశాంతంగా జరగదు.
This post was last modified on June 4, 2026 11:52 pm
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…