Movie News

ఇవేం పాటలు జగపతి బాబు గారు

సీనియర్ నటుడు జగపతిబాబు కెరీర్లో ఎక్కువగా చేసినవి ఫ్యామిలీ ఓరియెంటెడ్ సినిమాలే. 90వ దశకంలో ఆయన చేసిన ‘శుభలగ్నం’ సహా పలు చిత్రాలతో కుటుంబ ప్రేక్షకుల్లో, ముఖ్యంగా లేడీస్‌లో మాంచి ఫాలోయింగ్ సంపాదించాడు. ఐతే హీరోగా అవకాశాలు తగ్గిపోయి ఖాళీ అయిపోతున్న టైంలో ఆయన ‘లెజెండ్’ మూవీతో విలన్ అవతారం ఎత్తాడు. ఆపై విలన్‌గానే కాక క్యారెక్టర్ రోల్స్‌తోనూ మెప్పిస్తూ సాగిపోతున్నారు. ‘పటేల్’ లాంటి చిత్రాల్లో అప్పుడప్పుడూ లీడ్ రోల్స్ చేసినా పెద్దగా ఫలితం దక్కలేదు.

ఐతే ఇప్పుడు జగపతి లీడ్ రోల్‌లో ‘వదలా’ అనే సినిమా వస్తోంది. ఒకప్పుడు ‘మనోహరం’లో జగపతికి జంటగా నటించిన లయ ఇందులో ఆయన సరసన నటించడం విశేషం. ఐతే ఇందులో ఇంకో అమ్మాయి పాత్ర కూడా ఉంది. జగపతి ఇందులో వయసుకు తగ్గట్లే మిడిలేజ్డ్ రోల్‌లో కనిపించనుండగా.. అంత పెద్ద వయస్కుడిని ప్రేమించే టీనేజీ అమ్మాయి పాత్రలో హృతిక శ్రీనివాస్ నటించింది.

‘వదలా’ అనే టైటిల్ చూస్తే ఇదేదో దయ్యం క్యారెక్టర్ మనిషిని వదలా అని అంటున్నట్లు అనిపిస్తుంది. కానీ ఇక్కడ కథ వేరు. తన కంటే వయసులో చాలా పెద్ద వాడిని ప్రేమించి, నిన్ను వదలా అంటూ తన వెంటపడే అమ్మాయి స్టోరీలా ఉంది. ఈ కాన్సెప్ట్‌కు తగ్గట్లే జగపతి, హృతికల మీద ఒక రొమాంటిక్ టచ్ ఉన్న పాటను కూడా తీశారు.

సాల్ట్ అండ్ పెప్పర్ లుక్‌లో జగపతి చాలా స్టైలిష్‌గా కనిపించగా.. నిన్ను వదలా అంటూ ఆయన వైపు కసిగా చూసే అమ్మాయిగా హృతిక కనిపించింది.

కానీ రెండు క్యారెక్టర్ల మధ్య ఏజ్ గ్యాప్ అదీ చూస్తే.. ఈ కాన్సెప్ట్ మన ప్రేక్షకులకు ఏమాత్రం ఎక్కుతుందో అన్న సందేహాలు కలుగుతున్నాయి. ముఖ్యంగా జగపతికి ఉన్న ఇమేజ్ దృష్ట్యా ఆయనకు ఇలాంటి పాత్రను ఇవ్వడం, ఇలాంటి కాన్సెప్ట్‌లో నటింపజేయడం కరెక్టేనా అన్న ప్రశ్నలు తలెత్తుతున్నాయి.

ఐతే కేవలం ప్రోమోలు చూసి ఒక అంచనాకు రాలేం కాబట్టి.. సినిమాలో ఇంతకుమించి, భిన్నంగా ఏమైనా చూపించి దర్శకుడు మెప్పిస్తాడేమో చూడాలి. ఆకెళ్ల వి.కృష్ణ రూపొందించిన ఈ చిత్రాన్ని సీనియర్ నిర్మాత తమ్మారెడ్డి భరద్వాజ.. కిషోర్ నాయుడుతో కలిసి నిర్మించారు.

This post was last modified on May 20, 2026 7:23 pm

Share

Recent Posts

డిగ్రీల కంటే చేతి వృత్తులకే విలువ ఎక్కువ – ప్రధాని మోదీ

డిజిటల్ యుగం వెళ్ళిపోయి ఏఐ శకం మొదలైంది. పలకా బలపం స్థానంలో ట్యాబులు, ల్యాప్ ట్యాపులు వచ్చినప్పటి నుంచి టెక్నాలజీదే…

9 minutes ago

శర్వానంద్‌కి ఓపెన్ గ్రౌండ్ దొరికేసింది

కొన్నిసార్లు అనుకోని అదృష్టాలు కలిసి వస్తాయి. శర్వానంద్ ప్రస్తుతం అదే ఎంజాయ్ చేయబోతున్నాడు. నవంబర్ 12 విడుదల కావాల్సిన భోగి…

3 hours ago

ఆ పాటకు 40 నిమిషాలు… ఈ పాటకు 19 నెలలు

తెలుగు లిరిసిస్టుల్లో వేటూరి సుందరరామ్మూర్తి, సీతారామశాస్త్రిలది వేరే లెవెల్. దశాబ్దాల పాటు తెలుగు పాటను అత్యున్నత స్థాయిలో నిలబెట్టిన ఘనత…

3 hours ago

అనుమానాలు తీర్చేసిన వృషకర్మ

డిసెంబర్ 4 విడుదల కావాల్సిన వృషకర్మ వాయిదా పడే అవకాశాలు ఎక్కువగా ఉన్నాయని వచ్చిన వార్త అక్కినేని అభిమానులను ఆందోళనకు…

4 hours ago

దుల్కర్ సల్మాన్… ఏమిటీ విచిత్రం?

కలెక్షన్లు పక్కన పెట్టి కంటెంట్ మాత్రమే పరిగణనలోకి తీసుకుంటే.. దేశంలో నంబర్ వన్ ఇండస్ట్రీ మాలీవుడ్‌యే అంటే భిన్నాభిప్రాయాలు ఉండవు.…

4 hours ago

సుడిగాలి సుధీర్‌పై 15 కోట్లా?

‘జబర్దస్త్’ కామెడీ షోలో ఎన్నో ఏళ్ల పాటు ఒక టీంను నడిపించడం ద్వారా మంచి ఫ్యాన్ ఫాలోయింగే సంపాదించాడు సుడిగాలి…

4 hours ago