టాలీవుడ్ నేచురల్ స్టార్ నాని సినిమా సినిమాకు తన మార్కెట్ రేంజ్ ను మరో లెవెల్ కు తీసుకు వెళుతున్నాడు. శ్రీకాంత్ ఓదెల దర్శకత్వంలో రూపొందుతున్న ‘ద ప్యారడైజ్’ కోసం సుమారు 200 కోట్ల భారీ బడ్జెట్ పెట్టినట్లు ఇండస్ట్రీ టాక్. ఈ రోజుల్లో 200 కోట్లు ఖర్చు చేస్తున్నారంటే, బాక్సాఫీస్ వద్ద కనీసం 500 కోట్ల వసూళ్లు రావాలనేది మేకర్స్ టార్గెట్. ఆ స్థాయి వసూళ్లు రావాలంటే కేవలం సౌత్ మార్కెట్ మాత్రమే సరిపోదు. నార్త్ ఇండియాలో కూడా అదే రేంజ్ లో ఇంపాక్ట్ క్రియేట్ చేయాల్సి ఉంటుంది.
నిజానికి 500 కోట్ల క్లబ్ లో చేరడం అనేది ఒక పెద్ద సవాల్. ప్రస్తుతం తెలుగు రాష్ట్రాల్లో ‘ఆయా షేర్’ సాంగ్ తో క్రేజ్ వచ్చింది. ఐపీఎల్ మ్యాచ్ల్లో కూడా ఈ పాట మారుమోగుతుండటం సినిమాకు లోకల్ గా ప్లస్ అవుతోంది. అయితే, హిందీ బెల్ట్ లో మాత్రం ఇప్పటికీ నాని అంటే క్లాస్ హీరో అనే ఇమేజ్ ఎక్కువగా ఉంది. ‘దసరా’తో కొంత మాస్ ఇమేజ్ వచ్చినా, అది ‘పుష్ప’ లేదా ‘కేజీఎఫ్’ స్థాయికి ఇంకా వెళ్లలేదు. హిందీ ఆడియన్స్ కు నాని లోని పక్కా మాస్ యాంగిల్ ను బలంగా ప్రెజెంట్ చేయాలి.
ఒక ప్రాంతీయ కథ పాన్ ఇండియా లెవల్లో క్లిక్ అవ్వాలంటే అక్కడి నేటివిటీకి కూడా కనెక్ట్ అవ్వాలి. ‘ద ప్యారడైజ్’ లో ఉన్న ‘రా ఇంటెన్సిటీ’ నార్త్ ఆడియన్స్ కు నచ్చే అవకాశం పుష్కలంగా ఉంది. కానీ దాన్ని కేవలం ట్రైలర్లు, పాటలతో కాకుండా, అక్కడ కూడా భారీగా ఏదో ఒకలా ప్లాన్ చేసి ప్రమోట్ చేయాలి. 500 కోట్ల టార్గెట్ అందుకోవాలంటే ముంబై, ఢిల్లీ వంటి సిటీల్లో నాని స్వయంగా రంగంలోకి దిగి హైప్ క్రియేట్ చేయాల్సి ఉంటుంది. కేవలం సోషల్ మీడియా అప్డేట్స్తో ఆ టార్గెట్స్ ని అందుకోవడం కష్టం.
గతంలో ‘హిట్ 3’ వంటి సినిమాలు కేవలం సౌత్ లోనే మంచి ఫలితాన్ని ఇచ్చాయి. ‘ద ప్యారడైజ్’ విషయంలో ఆ తప్పు జరగకుండా మేకర్స్ జాగ్రత్త పడాలి. అనిరుధ్ మ్యూజిక్ ఇప్పటికే సినిమాకు హై రేంజ్ వైబ్ తీసుకొచ్చింది. ఈ మ్యూజిక్ మ్యాజిక్ ను నార్త్ ఆడియన్స్ లోకి మరింత లోతుగా తీసుకెళ్లాలి. సినిమా రిలీజ్ కు ఇంకా సమయం ఉంది కాబట్టి, నార్త్ ఆడియన్స్ పల్స్ పట్టుకునేలా ఏదైనా యూనిక్ గ్లింప్స్ లేదా అక్కడి మీడియా తో ఇంటరాక్షన్లు పెంచడం చాలా అవసరం.
ఆగస్టు 21న విడుదల కాబోతున్న ఈ చిత్రానికి ఓపెనింగ్స్ చాలా కీలకం. 200 కోట్ల బడ్జెట్ రికవరీ అవ్వాలంటే మొదటి రోజే పాన్ ఇండియా లెవల్లో గట్టి ఇంపాక్ట్ ఉండాలి. పుష్ప కంటే మించిన రా అండ్ రస్టిక్ విజువల్స్ ఈ సినిమాలో ఉన్నాయని ఇప్పటికే టీజర్ హింట్ ఇచ్చింది. అదే నిజమైతే హిందీ మార్కెట్ లో నాని ఒక కొత్త హిస్టరీ క్రియేట్ చేసే అవకాశం ఉంది. బడ్జెట్ కు తగ్గట్టుగా వసూళ్లు రావాలంటే ప్రమోషన్ల స్ట్రాటజీని మరో మెట్టు ఎక్కించాలి.
సనాతన ధర్మం అంటే అదేదో పెద్ద బూతు అన్నట్లుగా కొందరు నాయకులు చేసే కామెంట్లు హిందువులకు తీవ్ర ఆగ్రహమే తెప్పిస్తుంటాయి.…
వైసీపీ అధికారంలో ఉండగా.. ఆపార్టీకి చెందిన నాయకులు అనేక అక్రమాలకు పాల్పడ్డారన్న విమర్శలు ఉన్నాయి. మద్యం నుంచి ఇసుక దాకా,…
పెద్ది ప్రమోషన్లు చివరి స్టేజికి వచ్చేశాయి. ఇంకో వారం కన్నా తక్కువ టైం ఉండటంతో ఫ్యాన్స్ ఎగ్జైట్ మెంట్ పెరుగుతోంది.…
దక్షిణాది రాష్ట్రాల్లో ఇప్పటికే మూడు రాష్ట్రాల్లో అధికారం దక్కించుకున్న గ్రాండ్ ఓల్డ్ పార్టీ కాంగ్రెస్.. మరో రాష్ట్రంలో అధికార కూటమిలో భాగస్వామిగా…
రాష్ట్రవ్యాప్తంగా మహానాడు మహా వైభవంగా జరిగింది. ఆన్లైన్ వేదికగా నిర్వహించినప్పటికీ రాష్ట్రవ్యాప్తంగా అన్ని జిల్లాల్లోనూ నాయకులు, కార్యకర్తలు, పెద్ద ఎత్తున…
కోలీవుడ్ లో ఒక ఆసక్తికరమైన పరిణామం చోటు చేసుకోనుంది. తమిళనాడు ముఖ్యమంత్రి విజయ్ చివరి సినిమాగా చెప్పబడుతున్న జన నాయగన్…