Movie News

తెలివిగా ప్లాన్ చేసుకుంటున్న జన నాయకుడు

జనవరి సంక్రాంతి పండక్కు రావాల్సిన జన నాయకుడు వాయిదా పడి మూడు నెలలు గడిచిపోయాయి. ఒక స్టార్ హీరో సినిమా ఫస్ట్ కాపీ సిద్ధమయ్యాక ఇంత ఎదురు చూడాల్సి రావడం గత కొన్నేళ్లలో ఇదే మొదటిసారని చెప్పొచ్చు. అప్పుడెప్పుడో బొబ్బిలిపులి, ఇద్దరు, బొంబాయి లాంటివి వివాదాలు ఎదురుకున్నాయి కానీ ఇప్పటి జనరేషన్ అలాంటివి చూసిన దాఖలాలు తక్కువ. ఆ లోటుని జన నాయకుడు తీర్చేసింది. ఇక అసలు విషయానికి వద్దాం.

చెన్నై వర్గాల కథనం ప్రకారం జన నాయకుడు విడుదలకు రెండు ఆప్షన్లు పెట్టుకుందట. మొదటిది ఎన్నికలు పూర్తవ్వగానే వదిలేయడం. అంటే ఎక్కువ గ్యాప్ లేకుండా థియేటర్లలో దింపేస్తారు. రెండోది ఏప్రిల్ 30 ఎంచుకోవడం. ఫలితాలు రాక ముందే రిలీజ్ చేయమని డిస్ట్రిబ్యూటర్లు కోరుతున్నారట. ఒకవేళ టివికె పార్టీ ఓడిపోయే పక్షంలో ఆడియన్స్ కి జన నాయకుడు మీద ఆసక్తి తగ్గిపోతుందని, ఓపెనింగ్స్ పరంగా రిస్క్ అయ్యే డేంజర్ ఉందని అంటున్నారు.

గెలిస్తే అదే జన నాయకుడుకి పెద్ద వరం అవుతుంది. కలెక్షన్లు పోటెత్తుతాయి. అధికారంలోకి వచ్చిన ఉత్సాహంతో జనం సినిమాని ఎక్కడికో తీసుకెళ్లి కూర్చోబెడతారు. ఇవన్నీ అలోచించి ఇంకో రెండు మూడు రోజుల్లో అనౌన్స్ మెంట్ ఇచ్చే దిశగా కెవిఎన్ సంస్థ రెడీగా ఉన్నట్టు వినికిడి. సెన్సార్ సర్టిఫికెట్ అందిన మరుక్షణం సోషల్ మీడియాని హోరెత్తిస్తారు. దీనికి సంబంధించిన ప్రణాళిక సిద్ధంగా ఉంచుకుని సెన్సార్ కోసం ఎదురు చూస్తున్నారట.

ఏప్రిల్ 24 తర్వాత సమస్య లేదు కానీ ఏప్రిల్ 30 అంటే మాత్రం ఆ టైంలో ప్లాన్ చేసుకున్న సినిమాలకు కొంచెం ఇబ్బంది అవుతుంది. తెలుగు వెర్షన్ వరకు టెన్షన్ లేదు. భగవంత్ కేసరి రీమేక్ కాబట్టి ఇక్కడి ప్రేక్షకుల్లో దాని మీద విపరీతమైన ఆసక్తి ఉండదు. కానీ మా ఇంటి బంగారం, స్వయంభు లాంటివి మల్టీ లాంగ్వేజెస్ ప్లాన్ చేసుకున్నాయి. వాటికి సమస్య అవుతుంది. సో వీలైనంత త్వరగా జన నాయకుడు రిలీజ్ డేట్ ప్రకటిస్తే మిగిలిన వాళ్లకు సానుకూలం అవుతుంది.

This post was last modified on March 31, 2026 8:21 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

6 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

6 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

7 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

7 hours ago