Trends

చివరికి స్మశానాలను కూడా వదలలేదు

అవినీతికి అడ్డూ అదుపు లేకుండా పోతోంది. తెలంగాణలో అవినీతి మరింతగా రాజ్యమేలుతోందని చెప్పక తప్పదు. రాష్ట్రంలో వరుసగా వెలుగు చూస్తున్న ఘటనలే ఇందుకు నిదర్శనంగా చెప్పాలి. తెలంగాణ రూపురేఖలను మార్చేసిన కాళేశ్వరం ప్రాజెక్టు దగ్గర నుంచి చివరికి స్మశాన వాటికల అభివృద్దిలోనూ అవినీతి చోటుచేసుకుంటున్న తీరు నిజంగానే కంపరం పుట్టిస్తోందని చెప్పక తప్పదు. ఓ స్మశాన వాటిక అబివృద్ధి పనుల్లోనూ లంచం ఇస్తే తప్పించి బిల్లులు మంజూరు చేయలేనని చెప్పిన ఓ అధికారి తాజాగా పట్టుబడ్డాడు. 

పెద్పల్లి జిల్లాలో మునిసిపల్ అసిస్టెంట్ ఇంజినీర్ గా పనిచేస్తున్న కల్లేపల్లి సతీశ్ కుమార్ మంగళవారం అవినీతి నిరోధక శాఖకు అడ్డంగా దొరికిపోయాడు. ఈయన గారు చేసిన ఘనకార్యం ఏమిటన్న విషయానికి వస్తే..మునిసిపాలిటీ పరిధిలో ఓ స్మశాన వాటికను రూ.12.28 లక్షల విలువైన పనులు జరగగా… ఆ బిల్లులు మంజూరు చేయాలంటే తనకు రూ.2 లక్షలు లంచం ఇవ్వాల్సిందేనని భీష్మించారట. ఇతర ప్రాజెక్టులు అయితే ఏమోలే అనుకోవచ్చు…చివరాఖరుకు స్మశానాలను కూడా వదలరా? అన్న భావనతో పనులు చేసిన కాంట్రాక్టరు ఆయన తీరుపై నేరుగా ఏసీబీకి ఫిర్యాదు చేశారు.

కాంట్రాక్టరు ఫిర్యాదుతో రంగంలోకి దిగిన ఏసీబీ అధికారులు… బాధితుడి నుంచి రూ.2 లక్షల లంచం తీసుకుంటున్న మునిసిపల్ అసిస్టెంట్ ఇంజినీర్ ను రెడ్ హ్యాండెడ్ గా పట్టుకున్నారు. ఈ దాడి అనంతరం ఏసీబీ అధికారులు నేరుగా ఏఈ గారి ఇంటిలో సోదాలు చేయగా… జమా లెక్కలు లేని రూ.32.31 లక్షల నగదు కూడా పట్టుబడిందట. వెరసి ఈ ఏఈ గారు పని ఏమిటన్న విషయాన్ని ఎంతమాత్రం పట్టించుకోకుండా… తాను అనుకుంటున్నట్లుగా రెండు చేతులా సంపాదించుకుంటూ సాగుతూ… స్మశానం లంచంతోనే పట్టుబడిపోయిన వైనం ఆసక్తి రేకెత్తిస్తోంది.

This post was last modified on July 14, 2026 3:36 pm

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

24 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

24 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

35 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

45 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

1 hour ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago