Political News

ప్రొఫెసర్ తప్పు ఒప్పుకున్నారుగా!

ప్రముఖ రాజకీయ విశ్లేషకుడు, మాజీ ఎమ్మెల్సీ ప్రొఫెసర్ నాగేశ్వర్ తాను తప్పు చేసినట్టుగా ఒప్పేసుకున్నారు. జనసేనాని, ఏపీ డిప్యూటీ సీఎం పవన్ కల్యాణ్, ఆ పార్టీ పీఏసీ చైర్మన్, ఏపీ పౌర సరఫరాల శాఖ మంత్రి నాదెండ్ల మనోహర్ లు కేంద్ర హోం శాఖ మంత్రిని కలిసినట్లుగా ఇటీవలే నాగేశ్వర్ ఆసక్తికర వ్యాఖ్యలు చేసిన సంగతి తెలిసిందే.

ఈ సందర్భంగా జగన్ ను అరెస్టు చేయాలని పవన్ కోరితే… అందుకు నో చెప్పిన అమిత్ షా… చంద్రబాబు తమకు పార్ట్ టైం మిత్రుడని, జగన్ లాంగ్ టైం మిత్రుడని షా చెప్పినట్లుగా నాగేశ్వర్ వెల్లడించారు. ఈ వ్యాఖ్యలు గత కొన్ని రోజులుగా ఏపీ రాజకీయాల్లో పెద్ద చర్చకే తెర తీశాయి. అయితే గురువారం తాను చేసిన వ్యాఖ్యలను విత్ డ్రా చేసుకుంటున్నట్లు నాగేశ్వర్ స్వయంగా ప్రకటించారు.

ఓ తెలుగు న్యూస్ ఛానెల్ నిర్వహించిన చర్చలో పాలుపంచుకున్న సందర్భంగా ఈ అంశంపై నాగేశ్వర్ క్లారిటీ ఇచ్చారు. పవన్, నాదెండ్లపై తాను చేసిన వ్యాఖ్యలను పూర్తిగా ఉపసంహరించుకుంటున్నానని ఆయన చెప్పారు. ఈ విషయంలో ఎలాంటి బేషజాలు గానీ, ఎలాంటి శషబిషలు లేకుండా తాను చేసిన వ్యాఖ్యలను ఉపసంహరించుకుంటున్నానని ఆయన పేర్కొన్నారు.

ఈ విషయంలో తనకు ఓ వ్యక్తి ద్వారా సమాచారం అందిందని, ఆ సమాచారాన్ని పరిశీలించకుండానే తాను వాటిని అలాగే చెప్పానని ఆయన తెలిపారు. ఈ విషయాన్ని ఇక్కడితో ముగించాలని, తాను తన వ్యాఖ్యలను పూర్తిగా ఉపసంహరించుకుంటున్నానని ఆయన వ్యాఖ్యానించారు.

ఇదిలా ఉంటే… ప్రొఫెసర్ నాగేశ్వర్ తన వ్యాఖ్యలను ఉపసంహరించుకుంటున్నట్లుగా ప్రకటించిన వైనంపై జనసేన కూడా వేగంగానే స్పందించింది. ఇక్కడితో ఈ విషయాన్ని వదిలేద్దామని, ఇకపై జనసేన కార్యకర్తలు గానీ, నేతలు గానీ ఈ విషయాన్ని ప్రస్తావించరాదని ఆ పార్టీ కోరింది.

అంతేకాకుండా నాగేశ్వర్ ను సీనియర్ మోస్ట్ అనలిస్ట్ గా పేర్కొన్న జనసేన… ఇకపై ఈ తరహా సమాచారం వస్తే.. దానిపై మాట్లాడే ముందు తమ కార్యాలయాన్ని సంప్రదించాలని, తామే పూర్తి వివరాలను వెల్లడిస్తామని కూడా వెల్లడించింది. వెరసి నాగేశ్వర్ తన వ్యాఖ్యలను ఉపసంహరించుకోవడం, దానిని జనసేన స్వాగతించడంతో ఈ వ్యవహారం ఇక ముగిసినట్టేనన్న వాదనలు వినిపిస్తున్నాయి.

This post was last modified on May 21, 2026 10:02 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

2 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

4 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

4 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

5 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

5 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

6 hours ago