టాలీవుడ్లో నంబర్ల గేమ్ గురించి ఎప్పుడూ ఆసక్తికర చర్చ జరుగుతూ ఉంటుంది. అభిమానులు ఈ విషయంలో సోషల్ మీడియా వేదికగా తెగ కొట్టేసుకుంటూ ఉంటారు. ఒకప్పుడంటే మెగాస్టార్ చిరంజీవి నంబర్ వన్ హీరో అనే విషయంలో చర్చ ఉండేది కాదు. కానీ ఇప్పుడు లెక్కలన్నీ మారిపోయాయి. తమ హీరో నంబర్ వన్ అంటే తమ హీరో నంబర్ వన్ అని ఫ్యాన్స్ గొడవ పడుతుంటారు. ఈ విషయంలో అగ్ర నిర్మాత సురేష్ బాబు తాజాగా ఆసక్తికర వ్యాఖ్యలు చేశారు. ఓ ఇంగ్లిష్ మీడియా సంస్థకు ఇచ్చిన ఇంటర్వ్యూలో ఈ నంబర్ల గేమ్ గురించి ఆయన మాట్లాడారు.
“ఎవరు బిగ్గెస్ట్ స్టార్ అనే విషయంలో ఎప్పుడూ ఒకేలా ఉండదు. టాప్ స్టార్లలో ప్రతి హీరోకూ భారీ ఫ్యాన్ ఫాలోయింగ్ ఉంది. కలెక్షన్లు దర్శకుడి మీద కూడా ఆధారపడి ఉ:టాయి. ఒక్కోసారి స్టార్ హీరోల సినిమాలు కూడా అనుకున్న స్థాయిలో ఆడకపోవచ్చు. అందుకే కలెక్షన్ల ఆధారంగా ఎవరు పెద్ద హీరో అనేది నిర్ణయించలేం.
తెలుగులో పవన్ కళ్యాణ్కు భారీ ఓపెనింగ్స్ వస్తాయి. ప్రభాస్ సినిమాలకు కూడా ఇప్పుడు అద్భుతమైన ఓపెనింగ్స్ వస్తున్నాయి. అల్లు అర్జున్ కూడా ఇలాగే మంచి స్థాయికి చేరుకున్నాడు. ప్రస్తుతం ప్రభాస్ దేశంలోనే పెద్ద హీరోనా అంటే చెప్పలేం. బాహుబలి, సలార్ మధ్యలో అతను నటించిన కొన్ని సినిమాలు అంచనాలను అందుకోలేదు. ఆంధ్రాలో పవన్ కళ్యాణ్కు అత్యధిక ఫాలోయింగ్ ఉంది. ఇప్పుడు పవన్ కళ్యాణ్ చిన్న దర్శకులతో సినిమా తీసినా భారీ ఓపెనింగ్స్ వస్తాయి. అలా అని ఏ సినిమా తీసినా చూస్తారని అనుకోకూడదు. ఎందుకంటే గతంలో ఆయన్నుంచి వచ్చిన ‘జానీ’ పూర్తిగా ఫెయిలైంది.
తెలుగులో వంద కోట్ల వసూళ్లు సాధించే హీరోలు చాలా మంది ఉన్నారు. ఇదే చర్చ కోలీవుడ్లోనూ ఉంటుంది. అజిత్, విజయ్, రజినీకాంత్లలో ఎవరు పెద్ద హీరో అనేది చెప్పలేం. ఐతే ఈ స్టార్లు సినిమాలు ఆపేస్తే ఏమవుతుందో అని కంగారు పడుతుంటారు. కానీ అంతటితో ఇండస్ట్రీ ఆగిపోదు. సూపర్ స్టార్లు సినిమాలు ఆపేస్తే లోకల్ హీరోలే స్టార్లుగా మారతారు’’ అని సురేష్ బాబు అన్నారు.
జనసేన అదినేత, ఏపీ డిప్యూటీ సీఎం పవన్ కల్యాణ్ పై తెలంగాణ మంత్రి పొన్నం ప్రభాకర్ సంచలన వ్యాఖ్యలు గుప్పించారు.…
మార్క్ ఆంటోనీ, గత ఏడాది అజిత్ తో వచ్చిన గుడ్ బ్యాడ్ అగ్లీ సినిమాలతో తమిళ దర్శకుడు అధిక్ రవిచంద్రన్…
జనసేన అధినేత, ఏపీ డిప్యూటీ సీఎం పవన్ కల్యాణ్ వ్యవహార తీరుపై ఇప్పటికే లెక్కలేనన్ని చర్చలు జరిగాయి. అటు సినిమాలు,…
ఇంట గెలిచి రచ్చ గెలవాలి అని ఒక సామెత. కొందరు మాత్రం రచ్చ గెలిచి, తర్వాత ఇంటికి వస్తుంటారు. శోభిత…
పెద్ది ఇప్పుడు రామ్ చరణ్ కెరీర్లో మరో చాలెంజ్ లాంటి ప్రాజెక్టు. RRR తర్వాత వచ్చిన గ్లోబల్ ఇమేజ్ని నిలబెట్టుకోవాలి.…
ఇది మార్కెటింగ్ యుగం. వస్తువైనా సినిమా అయినా దాన్ని జనంలోకి తీసుకెళ్లాలంటే ప్రచారం తప్పనిసరి. కంటెంట్ ఉంటే చాలు ఇంకేం…