Movie News

మనం నెత్తిన పెట్టుకుంటాం.. మరి తమిళులు?

తమిళం నుంచి ఓ మోస్తరు స్థాయి సినిమా వచ్చినా తెలుగులో మంచి రిలీజ్ ఉంటుంది. థియేటర్ల సమస్య ఉండదు. ప్రేక్షకాదరణ కూడా అందుకు తగ్గట్లే ఉంటుంది. సూపర్ స్టార్ రజినీకాంత్‌ మొదలుకుని.. శివకార్తికేయన్ లాంటి యంగ్ హీరోల వరకు ఎంతోమందిని మన వాళ్లు ఆదరించారు. వాళ్ల సినిమాలను నెత్తిన పెట్టుకున్నారు.

ఇటీవల విజయ్ సినిమా ‘గ్రేటెస్ట్ ఆఫ్ ఆల్ టైం’ తెలుగులో ఎంత పెద్ద రిలీజ్ దక్కిందో తెలిసిందే. దానికి అర్ధరాత్రి 1 గంటకు, తెల్లవారుజామున 4 గంటలకు షోలు పడ్డాయి. మనవాళ్లు తమిళ చిత్రాలను ఇంతగా నెత్తిన పెట్టుకుంటుంటే.. తమిళులు మన చిత్రాలను ఎలా చూస్తున్నారన్నది చర్చనీయాంశం. ప్రేక్షకాదరణ దక్కాలంటే ముందు మంచి రిలీజ్ ఉండాలి. థియేటర్ల కేటాయింపు ఆశించిన స్థాయిలో ఉండాలి. కానీ ఈ విషయంలో అక్కడి ఎగ్జిబిటర్ల నుంచి సహకారం లభించదు.

రాజమౌళి, ప్రభాస్ సినిమాలను పక్కన పెడితే.. వేరే చిత్రాలకు తమిళనాట థియేటర్లు దొరకడం చాలా కష్టం. ‘దేవర’ సినిమాకు తమిళనాట మంచి బజ్ ఉన్నప్పటికీ థియేటర్ల సమస్య తప్పట్లేదన్నది తాజా సమాచారం. ఈ వారం కార్తి మూవీ ‘మెయ్యళగన్’ రిలీజవుతున్న సంగతి తెలిసిందే. అదేమీ భారీ చిత్రం కాదు. హైప్ మరీ ఎక్కువేమీ లేదు. దాంతో పాటుగా ‘దేవర’కు రీజనబుల్ రేంజిలో థియేటర్లు ఇవ్వచ్చు. కానీ ఈ చిత్రానికి సింగిల్ స్క్రీన్లు అసలే ఇవ్వట్లేదు. మల్టీప్లెక్సుల్లో కూడా ఆశించిన స్థాయిలో స్క్రీన్ల, షోలు లభించట్లేదట.

సినిమాకు హైప్ ఉన్నప్పటికీ థియేటర్లు చాలినంత స్థాయిలో దక్కకపోవడం వల్ల డిస్ట్రిబ్యూటర్ ఇబ్బంది పడుతున్నట్లు చెన్నై వర్గాల సమాచారం. అదే సమయంలో కార్తి చిత్రం తెలుగులోనూ విడుదలవుతోంది. ఏషియన్ మూవీస్ సునీల్ రిలీజ్ చేస్తుండడం వల్ల దానికి స్క్రీన్లు షోల విషయంలో ఇబ్బంది లేదు. సినిమా బాగుంటే మనవాళ్ల ఆదరణ ఎలా ఉంటుందో కూడా చెప్పాల్సిన పని లేదు. మనం వాళ్ల సినిమాలను ఇంతగా నెత్తిన పెట్టుకున్నా.. వాళ్లు మాత్రం మన చిత్రాలకు తమిళనాట ఎదగనివ్వకపోవడం అన్యాయమే కదా.

This post was last modified on September 25, 2024 5:07 pm

Share

Recent Posts

దిల్ రాజు.. రావిపూడి.. 2028 సంక్రాంతి

హిట్ మెషీన్‌గా పేరున్న అనిల్ రావిపూడి.. సంక్రాంతికి త‌న సినిమాను తీసుకొచ్చాడంటే అది బ్లాక్ బ‌స్ట‌ర్ అవ్వాల్సిందే. ఈ ఏడాది…

1 hour ago

తమన్ మనసు పెడితే…

రెండు వారాల ముందే ‘ఆదర్శ కుటుంబం’ సినిమా రిలీజైంది. ఆ చిత్రానికి ముందు అనుకున్న సంగీత దర్శకుడు హర్షవర్ధన్ రామేశ్వర్.…

3 hours ago

అమెరికా విమానాశ్రయాల్లో ఏం జరుగుతుంది?

అమెరికాలో శుక్రవారం విమాన ప్రయాణాలు ఒక్కసారిగా నిలిచిపోయాయి. ఫెడరల్ ఏవియేషన్ అడ్మినిస్ట్రేషన్ (FAA) దేశవ్యాప్తంగా విమానాల రాకపోకలను తాత్కాలికంగా నిలిపివేస్తూ…

3 hours ago

అమ‌రావ‌తికి ఒబెరాయ్.. దీని వెనుక పెద్ద స్టోరీనే ఉంది!

ఏపీ రాజ‌ధాని అమ‌రావ‌తిలో అనేక సంస్థ‌లు పెట్టుబ‌డులు పెడుతున్నాయి. ఇప్ప‌టికే ప‌లు సంస్థ‌లు వ‌చ్చేశాయి. ఆర్బీఐ వంటి బ్యాంకింగ్ సంస్థ‌లు…

5 hours ago

టాక్సిక్‌తో దిల్ రాజుకి లాభాలొచ్చాయా?

కేజీఎఫ్‌, కేజీఎఫ్-2 చిత్రాల‌తో పాన్ ఇండియా స్థాయిలో పెద్ద సూప‌ర్ స్టార్ల‌లో ఒక‌డిగా అవ‌త‌రించిన య‌శ్ నుంచి.. ఆ త‌ర్వాత…

10 hours ago

ఏఐ కంపెనీల్లో వారికి 5 కోట్లు

టెక్నాలజీ కంపెనీల్లో సాఫ్ట్‌వేర్ ఇంజినీర్లు, ఏఐ నిపుణులకు భారీ జీతాలు ఇస్తారని తెలుసు. కానీ ఇప్పుడు అమెరికాలోని కొన్ని ప్రముఖ…

10 hours ago