భారతీయ సినీ చరిత్రలోనే బిగ్గెస్ట్ హిట్లలో ఒకటనదగ్గ చిత్రం.. ఇండియన్. కమల్ హాసన్ హీరోగా శంకర్ రూపొందించిన ఈ చిత్రం 1996లో విడుదలై సంచలన విజయం సాధించింది. ఆ సమయానికి సౌత్ ఇండియాలో అత్యధిక బడ్జెట్లో తెరకెక్కిన చిత్రమిది. వసూళ్లు కూడా అందుకు తగ్గట్లే వచ్చాయి. తెలుగులో భారతీయుడు, హిందీలో హిందుస్థాని పేరుతో అనువాదమై రెండు చోట్లా విజయవంతమైంది. ఇప్పుడు ఆ చిత్రానికి సీక్వెల్ రాబోతోంది.
ఐతే ‘ఇండియన్’ సినిమా చూశాక కమల్ తప్ప సేనాపతి పాత్రకు ఇంకెవ్వరూ న్యాయం చేయలేరని అనిపిస్తుంది. కొడుకు పాత్రలోనూ ఆయన అంత కన్విన్సింగ్గా నటించి మెప్పించారు. కానీ నిజానికి ఈ సినిమాలో కమల్ నటించాల్సిందే కాదు. సూపర్ స్టార్ రజినీకాంత్ను దృష్టిలో ఉంచుకుని శంకర్ ఈ కథ రాశాడు. ఆయన అందుబాటులో లేకపోవడంతో కమల్ను సంప్రదించారు. ఆయన ఓకే అనడంతో సినిమా పట్టాలెక్కింది.
ఇక్కడ ఇంకో ఆసక్తికర విషయం ఏంటంటే.. కమల్ కూడా ఒప్పుకోకుంటే శంకర్ దృష్టిలో ఇంకో రెండు ఆప్షన్లు ఉన్నాయట. తెలుగు స్టార్లయిన రాజశేఖర్, వెంకటేష్లతో ఈ సినిమా తీయాలని శంకర్ అనుకున్నాడట. ఈ విషయాన్ని ఓ ఇంటర్వ్యూలో ఒకప్పటి శంకర్ అసిస్టెంట్, తర్వాతి కాలంలో దర్శకుడిగా మారిన వసంత బాలన్ ఓ ఇంటర్వ్యూలో వెల్లడించాడు. కమల్ కూడా ఒప్పుకోని పక్షంలో రాజశేఖర్తో సేనాపతి పాత్ర చేయించి.. కొడుకు పాత్రను వెంకటేష్కు ఇవ్వాలని శంకర్ భావించాడట.
ఐతే కమల్కు ‘ఇండియన్’ కథ తెగ నచ్చేసి తండ్రీకొడుకులిద్దరి పాత్రలు తనే చేయడానికి ముందుకొచ్చాడు. ముఖ్యంగా సేనాపతి పాత్ర కోసం ఆయన పడ్డ తపన అంతా ఇంతా కాదు. దాన్ని అత్యద్భుతంగా పోషించడంతో ఆ పాత్ర జనాలకు విపరీతంగా నచ్చేసింది. సినిమా తిరుగులేని బ్లాక్బస్టర్ అయింది. ఇప్పుడు ఆలోచిస్తే రాజశేఖర్, వెంకటేష్ సేనాపతి-చందు పాత్రలకు న్యాయం చేయగలిగేవారా అన్న సందేహం కలుగుతుంది.
This post was last modified on July 9, 2024 6:59 pm
ఎప్పుడో ఆరేళ్ళ క్రితం రిలీజైన సినిమా. ఓటిటిలో వచ్చేసి అక్కడా మిలియన్ల వ్యూస్ సాధించుకుంది. ఇప్పుడు కొత్తగా రీ రిలీజ్…
సెప్టెంబర్ నెల సగానికి పైనే అయిపోయింది. ఇకపై ఆకాశమే హద్దుగా గేమ్ ఛేంజర్ నాన్ స్టాప్ అప్డేట్స్ ఉంటాయని దిల్…
యూత్ హీరో సుహాస్ కొత్త సినిమా గొర్రె పురాణం ఇంకో నాలుగు రోజుల్లో విడుదల కానుంది. ట్రైలర్ కూడా వచ్చేసింది.…
జనసేన పార్టీ నాయకుడు, ప్రముఖ సినీ కొరియోగ్రాఫర్ జానీ మాస్టర్పై పార్టీ వేటు వేసింది. ఆయనను పార్టీ కార్యక్రమాలకు దూరంగా…
కొన్ని నెలల క్రితం లాల్ సలామ్ అనే సినిమా ఒకటొచ్చిందనే సంగతే చాలా మంది సగటు ప్రేక్షకులు మర్చిపోయి ఉంటారు.…
స్టార్ హీరోలు నటించిన సినిమాలకు పాజిటివ్ టాక్ వచ్చి భారీ వసూళ్లు సాధించడంలో ఆశ్చర్యం లేదు. కానీ చిన్న బడ్జెట్…