బాలీవుడ్లో శనివారం తీవ్ర విషాదం నెలకొంది. స్టార్ డైరెక్టర్ సంజయ్ గుప్తా హఠాత్తుగా చనిపోయారు. ఆయన వయసు 57 ఏళ్లే. మంచి మంచి సినిమాలు తీసిన ఆయన.. ఇప్పటికీ యాక్టివ్గా ఉన్నారు. అనారోగ్యం కూడా ఏమీ లేదు. అలాంటిది హఠాత్తుగా చనిపోవడం బాలీవుడ్కు పెద్ద షాకే. ఆయన చనిపోయిన తీరు అందరినీ విస్మయానికి గురి చేస్తోంది.
సంజయ్ గుప్తా..శుక్రవారం రాత్రి తన ఇంట్లోని బాత్రూంలో ఈయన జారిపడగా.. శనివారం ఉదయం వరకు ఎవరూ ఈయనని గమనించలేదట.
ఉదయం కుటుంబ సభ్యులు చూస్తే ఆయన మరణించినట్లు తెలిసింది. తలకు బలమైన దెబ్బ తగలడం వల్లే సంజయ్ గుప్తా చనిపోయినట్లు ప్రముఖ దర్శకుడు అశోక్ పండిట్ చెప్పారు. ఈ మేరకు ఆయన ఇన్స్టాలోనూ పోస్ట్ పెట్టారు.
వయసు మళ్లిన వాళ్లు బాత్రూంలో జారి పడి చనిపోయిన ఉదంతాలు ఎన్నో వింటుంటాం. ఐతే సంజయ్ది మరీ పెద్ద వయసు కాదు. ఆయన కాస్త ఎక్కువ బరువుంటారు. రాత్రి నిద్ర మధ్యలో బాత్రూంకు వెళ్లి జారి పడిపోయి ఉంటారని.. నిద్రపోతున్న మిగతా కుటుంబ సభ్యులు ఉదయం వరకు గుర్తించి ఉండరని భావిస్తున్నారు. సంజయ్ గుప్తా బాలీవుడ్లో ఎన్నో సూపర్ హిట్లు, బ్లాక్బస్టర్లు ఇచ్చారు.
1994లో విడుదలైన ‘ఆతిష్: ఫీల్ ద ఫైర్’ సినిమాతో సంజయ్ కెరీర్ మొదలైంది. తర్వాత ‘రామ్ శాస్త్ర’, ‘జంగ్’, ‘ఖౌఫ్’ లాంటి సినిమాలు తీశారు. 2002లో విడుదలైన మల్టీస్టారర్ మూవీ ‘కాంటే’.. సంజయ్కి పెద్ద బ్రేకిచ్చింది. స్టార్ డైరెక్టర్ అయ్యారు. షూటౌట్ అట్ లోఖండ్వాలా, షూటౌట్ అట్ వాదాలా.. దస్ కహానియా లాంటి సినిమాలు సంజయ్ గుప్తాకు గొప్ప పేరు తెచ్చిపెట్టాయి. దాదాపు మూడు దశాబ్దాల కెరీర్లో దర్శకుడిగానే కాకుండా రచయిత, నిర్మాతగానూ తనదైన ముద్ర వేశారు. చివరగా రెండేళ్ల క్రితం ‘ది మిరిండా బ్రదర్స్’ సినిమా తీశాడు సంజయ్.
This post was last modified on October 31, 2026 3:19 pm
కొన్ని కొన్ని ప్రకటనలు విని ఊరుకోవాల్సిందే!. కానీ, నాయకులు మాత్రం ఊదరగొడుతూనే ఉంటారు. తాజాగా ప్రపంచ ప్రఖ్యాత శబరిమల ఆలయాన్ని…
తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…
అన్ని విషయాల్లోనూ కాకపోయినా.. కొన్ని కొన్నివిషయాల్లో ప్రధాని నరేంద్ర మోడీ చూపే చొరవ ప్రశంసలు అందుకుంటోంది. తాజాగా ఫిలిప్పీన్స్ రాజధాని…
కేరళ రాష్ట్రానికి చెందిన నటుడు, ప్రస్తుతం కేంద్ర మంత్రిగా ఉన్న సురేష్ గోపి తన నోటికి పని చెప్పారు. బీజేపీ…
సీనియర్ హీరో గోపీచంద్ మొదట ‘తొలి వలపు’ సినిమాతో కథానాయకుడిగానే ప్రయాణం మొదలుపెట్టాడు కానీ.. అతడికి నటుడిగా మంచి పేరొచ్చింది…
సంగీత దర్శకుడిగా ప్రయాణం మొదలుపెట్టి.. నటుడిగా ఫుల్ బిజీ అయిపోయాడు విజయ్ ఆంటోనీ. ‘బిచ్చగాడు’ చిత్రంతో అతను తెలుగులోనూ మంచి…