కుటుంబం ముందున్న అసలు ముప్పు

ప్యాన్ ఇండియా సినిమాలు వాయిదా పడటం సహజమే కానీ ఆదర్శ కుటుంబం ఏకే 47 లాంటి రీజనల్ మూవీ ఇంత ఆలస్యం జరగడం అభిమానులకు ఆశ్చర్యం కంటే ఎక్కువ షాక్ కి గురి చేసింది. అక్టోబర్ 2, 9 వదిలేశారు సరే ఇప్పుడు కొత్త డేట్ ఏంటనే దాని గురించి రకరకాల ప్రచారాలు జరుగుతున్నాయి. కొందరు అక్టోబర్ 30 అంటుండగా, నవంబర్ 20 కూడా పరిశీలనలో ఉందని ఇటీవలే తెలిసిన అప్డేట్. అదైనా అధికారికంగా ప్రకటించారా అంటే లేదు. దసరా తర్వాత చెబుతారట.

సరే ఇదంతా ఓకే కానీ కుటుంబం ముందు రాబోయే రోజుల్లో అసలు ముప్పు ఒకటుంది. పోస్ట్ పోన్ల వల్ల ఇప్పటికే బజ్ విషయంలో వెనుకబడిన ఈ ఫ్యామిలీ ఎంటర్ టైనర్ కి ఓపెనింగ్స్ అదిరిపోవాలంటే ఆ స్థాయిలో హైప్ సృష్టించాలి. ఈ విషయంలో టీమ్ బాగా వెనుకబడి ఉంది. ఎప్పుడో జనవరిలో వచ్చే తన సినిమా గురించి అనిల్ రావిపూడి ఎప్పటికప్పుడు అప్డేట్స్ ఇస్తూ హుషారు తెస్తుంటే ఇటు త్రివిక్రమ్ కనీస హడావిడి కూడా చేయకుండా మౌనంగా ఉంటున్నారు.

ఎంత వెంకటేష్ సినిమా అయినా సౌండ్ చేయకుంటే పనవ్వని పరిస్థితిలో ఉన్నాం మనం. కాకా మీద ఉన్నంత అంచనాలు విశ్వంభరకు ఎందుకు లేవంటే సమాధానం అందరికీ తెలుసు. మెగాస్టార్ ఇమేజ్ కన్నా ఎక్కువ కంటెంట్ మీద జనంలో ఉన్న ఆసక్తి బిజినెస్, ఓపెనింగ్స్ ని శాసిస్తోంది. ఇది ఆదర్శ కుటుంబంకు కూడా వర్తిస్తుంది. నారాయణమ్మ పాటకి రీచ్ బాగానే ఉన్నా మరీ సోషల్ మీడియాని ఊపేసే స్థాయిలో రెస్పాన్స్ తెచ్చుకోలేదు. ఇది ఒకరకంగా మైనస్సే.

ఇంకా బ్యాలన్స్ పాటలు వదలాలి. ట్రైలర్ సిద్ధం చేయాలి. ప్రీ రిలీజ్ ఈవెంట్ ఎక్కడ చేయాలనేది ప్లాన్ చేసుకోవాలి. థియేటర్ బిజినెస్ క్లోజ్ చేయాలి. ముఖ్యంగా పోటీ లేకుండా చూసుకోవాలి. ఇన్ని ఒత్తిళ్ల మధ్య సరైన డేట్ సెట్ చేసుకోవడం అంత సులభంగా లేదు. వెంకటేష్ చూస్తేనేమో జనవరి 12 విడుదల షూట్ లో యమా బిజీ అయిపోయారు. నాగవంశీ జైలర్ 2 హడావిడి తగ్గే దాకా ఫ్రీ అయ్యేలా లేరు. సో దగ్గుబాటి అభిమానులకు ఇంకొన్ని రోజులు ఎదురు చూపులు తప్పవు.