Movie News

సింగీతం మరణం… నాగిపై ప్రశంసలు

తెలుగు సినీ చరిత్రలోనే కాదు.. ఇండియన్ ఫిలిం హిస్టరీలోనే గ్రేటెస్ట్ డైరెక్టర్లలో ఒకరైన సింగీతం శ్రీనివాసరావు నిన్న రాత్రి తుదిశ్వాస విడిచారు. మయూరి, పుష్పక విమానం, విచిత్ర సోదరులు, ఆదిత్య 369, భైరవద్వీపం.. ఇలా ఎన్నో అద్బుత ప్రయోగాత్మక చిత్రాలను అందించిన సింగీతం.. చివరగా ‘సింగ్‌గీతం’తో మరోసారి తన మార్కు చూపించి వెళ్లిపోయారు. 94 ఏళ్ల వయసులో సినిమా తీసి మెప్పించడం అంటే చిన్న విషయం కాదు.

ఆ చిత్రం తర్వాత కూడా ఆయనేమీ సినిమాను వదిలిపెట్టలేదు. చివరి శ్వాస వరకు ఆయన సినిమానే జీవితంగా బతికారనడానికి సెప్టెంబరు 5న ‘ఎ ఫ్రూట్ కట్స్ ద నైఫ్’ పేరుతో ఒక స్క్రిప్టు గురించి తనకు సింగీతం మెసేజ్ పెట్టినట్లు దర్శక నిర్మాత నాగ్ అశ్విన్ వెల్లడించడమే రుజువు. సింగీతం వారి తపన గురించి ఇంతకంటే ఏం చెప్పాలి? నిన్న సింగీతం మరణవార్త తెలిసినప్పటి నుంచి తెలుగు సినిమా ప్రియులు ఆయన గురించి గొప్పగా మాట్లాడుతూ ఘన నివాళి అర్పిస్తున్నారు. సోషల్ మీడియాలో అద్భుతమైన పోస్టులు పడుతున్నాయి. సింగీతం లాంటి లెజెండరీ డైరెక్టర్‌కు ఘన నివాళే దక్కుతోంది. ఇందులో మేజర్ క్రెడిట్ నాగ్ అశ్విన్‌కే ఇవ్వాలనడంలో సందేహం లేదు.

తెలుగు వారు చాలామంది దిగ్గజాలను సరిగా గౌరవించుకోలేకపోయారని.. వారి లెగసీని సెలబ్రేట్ చేయలేదనే విమర్శలు ఉన్నాయి. ఆఖరికి గాన గంధర్వుడు ఎస్పీ బాలసుబ్రహ్మణ్యం చనిపోయినపుడు కూడా తెలుగువారి నుంచి సరైన ట్రిబ్యూట్ లభించలేదనే విమర్శలు ఉన్నాయి. చెన్నైలో స్థిరపడ్డ చాలామంది దిగ్గజాల విషయంలో ఇదే జరిగింది. కానీ సింగీతంకు మాత్రం చివరి దశలో సరైన గౌరవం దక్కిందంటే అందుకు కారణం నాగినే.

సింగీతం 90వ దశకం తర్వాత సరైన సినిమా తీయలేదు. ‘వెల్కం ఒబామా’ సహా చాలా సినిమాలకు తెలుగులో సరైన రిలీజ్ కూడా దక్కలేదు. సింగీతం సినిమాలు తీయడం మానేశాక అందరూ ఆయన్ని పూర్తిగా మరిచిపోయారు. ఆయన లెగసీ గురించి మాట్లాడ్డమే మానేశారు. ఇలాంటి టైంలో దశాబ్దాల కిందట తీయాలనుకున్న ‘సింగ్‌గీతం’ కాన్సెప్ట్‌కు ఇప్పుడు తన టీంతో కలిసి జీవం పోయడమే కాక.. స్వయంగా ఆ చిత్రాన్ని నిర్మించాడు నాగి.

అతను అసోసియేట్ కావడం వల్లే ఈ సినిమా మీద ప్రేక్షకుల్లో ఆసక్తి కలిగింది. మంచి రిలీజ్ కూడా లభించింది. విడుదల తర్వాత కూడా సినిమాకు మంచి స్పందనే వచ్చింది. తెలుగు ప్రేక్షకులు ఈ సినిమాను ఓన్ చేసుకుని.. సింగీతం లెగసీని సెలబ్రేట్ చేశారు. ఇప్పుడు ఆయన మరణ వార్త తెలిశాక కూడా ఇంతగా జనం స్పందిస్తున్నారంటే.. ‘సింగ్‌గీతం’ చిత్రంతో మళ్లీ ఆయన వార్తల్లో నిలవడం వల్లే.

మధ్యలో ఆ సినిమా రాకపోతే.. సింగీతానికి ఇలాంటి ట్రిబ్యూట్ ఉండేది కాదు. ఈ లెజెండరీ డైరెక్టర్‌కు ఘన నివాళి దక్కేలా చూడడంలో నాగి పాత్ర ఎంతో కీలకం అని చెప్పాలి. అందుకే సింగీతం ఘనతలను కొనియాడుతూనే.. నాగి మీద సోషల్ మీడియాలో ప్రశంసలు కురిపిస్తున్నారు తెలుగు నెటిజన్లు.

This post was last modified on October 8, 2026 7:34 am

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

3 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

4 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

4 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

4 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

5 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

5 hours ago