స్వంత కుటుంబం సినిమా. కార్తికేయ నిర్మాతగా వ్యవహరించి పక్క భాషనుంచి ఫహద్ ఫాసిల్ ని తీసుకొచ్చి తీసిన మూవీ. పైగా బాహుబలి ప్రొడ్యూసర్లు ఆర్కా మీడియా ప్రొడక్షన్ పార్ట్ నర్. ఈ కారణాలు చాలు రాజమౌళి మద్దతు ఇవ్వడానికి. విడుదల ముందు వరకు డోంట్ ట్రబుల్ ది ట్రబుల్ ఈ ప్రివిలేజ్ బాగా వాడుకుంది. జూనియర్ ఎన్టీఆర్ ని ప్రీ రిలీజ్ ఈవెంట్ కు గెస్టుగా తీసుకొచ్చింది. మహేష్ బాబుతో ట్విట్టర్ లో చాంతాడంత రివ్యూ రాయించింది. ఇవన్నీ ప్రీమియర్ ముందు వరకు పని చేశాయి.
తీరా చూస్తే డోంట్ ట్రబుల్ ది ట్రబుల్ ఆశించిన పెర్ఫార్మన్స్ ఇవ్వడం లేదు. వీకెండ్ లోనూ బాక్సాఫీస్ వద్ద ఎదురీదింది. హైదరాబాద్ లాంటి మెయిన్ సెంటర్స్ మినహాయిస్తే మిగిలిన చోట్ల స్ట్రగులవుతున్న మాట వాస్తవం. కొన్ని చోట్ల తెల్లకాగితం డామినేషన్ స్పష్టంగా ఉంది. వారణాసి పనుల్లో చాలా బిజీగా ఉన్నప్పటికీ రాజమౌళి ఈ సినిమా ప్రమోషన్ల కోసం టైం కేటాయించారు. వినాయక చవితి లడ్డు వేలంలో పాల్గొనడం దగ్గర నుంచి సెలెబ్రిటిల షోకు ఇండస్ట్రీ పెద్దలు వచ్చేలా ఎన్నో చేశారు.
సరే ఫలితాలు ప్రతిసారి అందరి చేతుల్లో ఉండవు కానీ సినీ ప్రియుల మనసులో ఒక డౌట్ బాగా కొడుతోంది. పర్ఫెక్షనిస్ట్ గా పేరున్న జక్కన్న జడ్జ్ మెంట్ చాలా కరెక్ట్ గా ఉంటుంది. మర్యాదరామన్న లాంటి చిన్న చిత్రం నుంచి ఆర్ఆర్ఆర్ లాంటి గ్రాండియర్ దాకా ఆయన లెక్క ఏనాడూ తప్పలేదు. మరి డోంట్ ట్రబుల్ ది ట్రబుల్ స్క్రిప్ట్ జక్కన్నకు వినిపించినప్పుడు ఇందులో అన్ని హెచ్చుతగ్గులు ఉన్నాయని ఎందుకు గుర్తించాలేదని సగటు ప్రేక్షకుల ప్రశ్న.
చిన్న పిల్లల మీద సినిమాలు ఈ మధ్య రావడం లేదు. నిజమే. అంతమాత్రాన ఒక చిన్న పాపని పెట్టి సరైన కథా కథనాలు లేకుండా హాఫ్ బాయిల్డ్ ఎగ్ లాంటి మూవీ తీస్తే ఖచ్చితంగా తిరస్కారం ఉంటుంది. డోరేమాన్ కార్టూన్ సినిమాకు నిన్న మొన్న చాలా చోట్ల హౌస్ ఫుల్స్ పడ్డాయి. కానీ ట్రబుల్ అంత దూకుడుగా లేకపోవడం షాక్ కలిగించే విషయం. ఆదర్శ కుటుంబం వాయిదా పడింది కాబట్టి ఇంకో వీకెండ్ అవకాశం దక్కింది కానీ దాన్ని ట్రబుల్ ఏ మేరకు వాడుకుంటుందనేది వేచి చూడాలి.
This post was last modified on October 5, 2026 10:47 am
పిల్లలను పెంచడం తల్లి ఒక్కరి బాధ్యత మాత్రమేనా? పిల్లలకు ఆహారం పెట్టడం, డైపర్ మార్చడం, స్నానం చేయించడం వంటి పనులు…
బాహుబలి సహా కొన్ని సినిమాలు పాన్ ఇండియా స్థాయిలో ఘనవిజయం సాధించి తెలుగు సినిమాలకు మేలుచేశాయో, చేటు చేశాయో తెలియని…
తెలంగాణ కాంగ్రెస్ పార్టీ వ్యవహారాల కొత్త ఇన్ఛార్జ్గా బీఎం సందీప్ నియమితులయ్యారు. తాజాగా హైదరాబాద్కు వచ్చిన ఆ పార్టీ అగ్రనేత…
ఏపీలో కూటమి ప్రభుత్వం త్వరలోనే పూర్తిస్థాయిలో డిజిటల్ పాలనను అందించేందుకు సిద్ధమైంది. ఇప్పటి వరకు కూడా పాలన విషయాల్లో చాలా…
స్థానిక ఎన్నికల్లో పరాజయం తర్వాత.. వైసీపీలో మరింతగా సహాయ నిరాకరణ పెరిగిందా? నాయకుల తీరు మారుతోందా? అంటే.. ఔననే సమాధానమే…
ఏపీలో గ్రామ పంచాయతీ ఎన్నికల పర్వం ప్రారంభమైంది. మూడు విడతల్లో రాష్ట్ర వ్యాప్తంగా ఉన్న గ్రామ పంచాయతీలకు ఎన్నికలను నిర్వహించనున్నారు.…