సోషల్ మీడియాలో టాలీవుడ్ నెటిజెన్లు ఒక్కోసారి మహా విచిత్రంగా ప్రవర్తిస్తూ ఉంటారు. సున్నితమైన అంశాల మీద ఊరికే సాగదీస్తూ మా భాష గొప్పంటే మా భాష గొప్పని అక్కర్లేని డిబేట్లు చేస్తుంటారు. తాజాగా ప్యారడైజ్ నుంచి కొత్త పాట విడుదలయ్యాక మరోసారి ఈ రచ్చ మొదలయ్యింది. తెలంగాణ, ఆంధ్రప్రదేశ్ రెండూ తెలుగు రాష్ట్రాలే. అందులోనూ ఒకప్పుడు ఉమ్మడిగా ఉన్న విషయం మర్చిపోయి మేమంటే మేమంటూ గొప్పలు పోవడం ట్రొలింగ్ తో మొదలుపెట్టి ఎటెటో వెళ్తోంది.
ఆ మధ్య ఇడుపు కాయితం టైటిల్ మీద ఎంత రచ్చ జరిగిందో మళ్ళీ గుర్తు చేయనక్కర్లేదు. ఆన్ లైన్ వేదికగా చాలా డిబేట్లు జరిగాయి. ఇక్కడ గుర్తు పెట్టుకోవాల్సిన విషయం ఏమిటంటే ఏ సినిమా అయినా రెండు రాష్ట్రాల ప్రజలు ఆదరిస్తేనే సూపర్ హిట్ అవుతుంది. నేటివిటీ ప్రధానంగా ఈ మధ్య ఎక్కువ చిత్రాలు వస్తున్న మాట నిజమే. అవసరం కూడా. స్టార్స్ లేని బలగం కావొచ్చు, వంద కోట్లు వసూలు చేసిన దసరా కావొచ్చు ఇవన్నీ తెలంగాణ నేపధ్యాన్ని బలంగా ప్రెజెంట్ చేసినవి.
అలాని ఇంకో తెలుగు రాష్ట్రంలో ఆడకుండా పోలేదు కదా. కొన్ని ఏరియాల వసూళ్లలో హెచ్చుతగ్గులు ఉండొచ్చు కానీ ఓవరాల్ గా అవి ఎప్పటికీ చెప్పుకునే గొప్ప సినిమాలయ్యాయి. ఆంధ్ర బ్యాక్ డ్రాప్ లో తీసినవి బోలెడు ఆడాయి, ఆడుతూనే ఉన్నాయి. గోదావరి అందాలను వాడని దర్శకులని వేళ్ళ మీద లెక్కబెట్టొచ్చు. కథానుసారం రాయలసీమ, ఉత్తరాంధ్ర ప్రాంతాలను దర్శకులు తమ సబ్జెక్టుకు తగ్గట్టు టచ్ చేస్తూనే ఉంటారు. ఇది ఎప్పటి నుంచో ఉన్నదే.
టాలీవుడ్ స్థాయి పెరుగుతోంది. ఆర్ఆర్ఆర్ పాటకు ఆస్కార్ వచ్చింది. వారణాసి సినిమాకే రావొచ్చని వరల్డ్ ఫిలిం మేకర్స్ నమ్మకంగా ఉన్నారు. రాకా లాంటివి హాలీవుడ్ లోనూ సంచలనాలు నమోదు చేసే అవకాశముంది. మనతో పోటీ పడేందుకు హిందీ నిర్మాతలు ఒకటికి రెండుసార్లు ఆలోచిస్తున్నారు. మన దర్శకులతో పని చేసేందుకు అక్కడి స్టార్లు తాపత్రయపడుతున్నారు. ఇలాంటి సమయంలో ఒక్కటిగా ఉండటం మానేసి ఏపీ తెలంగాణ అంటూ వాదనలు పెట్టుకోవడం అర్ధరహితం.
This post was last modified on August 29, 2026 9:55 pm
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…