మాస్ రాజా ఈజ్ బ్యాక్ అంటూ ముక్తకంఠంతో చెబుతున్నారు టాలీవుడ్ అభిమానులు. సంక్రాంతి కానుకగా విడుదలైన రవితేజ కొత్త సినిమాకు బాక్సాఫీస్ దగ్గర అదిరే ఆరంభం లభించింది. శనివారం విడుదల కావాల్సిన ఈ చిత్రానికి ఆ రోజు అడ్డంకులు ఎదురు కావడం.. ఎంతో సందిగ్ధత, ఉత్కంఠ తర్వాత పరిమిత సంఖ్యలో సెకండ్ షోలు పడటంతో సినిమాకు మోక్షం లభించిన సంగతి తెలిసిందే.
జనవరి 10 టాలీవుడ్కు కలిసి రాని తేదీ కావడంతో అతి కష్టం మీదే ముందు రోజే సినిమా రిలీజయ్యేట్లు చేశారు కానీ.. వాస్తవానికి ఆదివారమే ‘క్రాక్’కు డే-1గా భావించాలి. ముందు రోజు ఎదురు చూపుల తర్వాత షోలు పడేసరికి ఈ సినిమా పట్ల అందరిలోనూ ఒక రకమైన సానుభూతి వచ్చింది. సినిమాకు టాక్ కూడా బాగుండటంతో ఆదివారం తెలుగు ప్రేక్షకులు ‘క్రాక్’కు బ్రహ్మరథం పట్టారు.
రవితేజ కెరీర్లోనే అత్యధిక థియేటర్లలో విడుదలైన ‘క్రాక్’.. మెజారిటీ థియేటర్లలో తొలి రోజు హౌస్ ఫుల్స్తో నడిచింది. గత ఏడాది సంక్రాంతి సందడి తర్వాత రాంగ్ టైమింగ్లో, తక్కువ థియేటర్లలో రిలీజైన రవితేజ చిత్రం ‘డిస్కో రాజా’ బాక్సాఫీస్ దగ్గర దారుణ ఫలితాన్నందుకుంది. గత కొన్నేళ్లలో ఎన్నడూ లేని విధంగా రవితేజ సినిమాకు అతి తక్కువ ఓపెనింగ్స్ వచ్చాయి. ఇప్పుడు ఆ సినిమాతో పోలిస్తే 2-3 రెట్లు ఎక్కువగా తొలి రోజు ‘క్రాక్’ వసూళ్లు ఉండొచ్చని ట్రేడ్ పండిట్లు అంచనా వేస్తున్నారు.
ఇంకా ఫిగర్స్ బయటికి రాలేదు కానీ.. ఐదు కోట్లకు పైగానే గ్రాస్ వసూళ్లు వచ్చి ఉంటాయని అంచనా. 50 పర్సంట్ ఆక్యుపెన్సీతో నడుస్తున్న ఈ సమయంలో ఈ స్థాయి వసూళ్లంటే చిన్న విషయం కాదవు. సోమవారం వీక్ డే అయినప్పటికీ ‘క్రాక్’కు బుకింగ్స్ బాగానే ఉన్నాయి. ఇంకో రెండు రోజులు సోలోగా బాక్సాఫీస్ను దున్నుకోవచ్చు ‘క్రాక్’. ఆ తర్వాత ఈ సినిమా పరిస్థితేంటన్నది మిగతా సంక్రాంతి సినిమాలకు వచ్చే టాక్ మీద ఆధారపడి ఉంటుంది.
This post was last modified on January 11, 2021 12:11 pm
చిన్నారి పెళ్ళికూతురు సీరియల్తో చిన్న వయసులోనే దేశవ్యాప్తంగా భారీగా అభిమాన గణాన్ని సంపాదించుకున్న అమ్మాయి అవికా గోర్. ఆ గుర్తింపుతోనే…
నందమూరి అభిమానులు ఎన్నో ఏళ్ల నుంచి ఎదురు చూస్తున్న ప్రకటన రానే వచ్చింది. నందమూరి బాలకృష్ణ ముద్దుల తనయుడు మోక్షజ్ఞ…
టీడీపీ నాయకుడు, ఎమ్మెల్యే ఆదిమూలంపై వచ్చిన ఆరోపణలతో రాజకీయంగా వైసీపీ పుంజుకునే అవకాశం వచ్చిందనే చర్చ జరిగింది. నిన్న మొన్నటి…
బెంగళూరులో స్థానికేతరుల ఆధిపత్యం గురించి లోకల్స్ గొడవ చేయడం ఎప్పట్నుంచో ఉన్న సమస్య. ఈ మధ్య ఈ గొడవ మరింత…
వేసవిలో టాలీవుడ్ బాక్సాఫీస్ వెలవెలబోయాక ‘కల్కి’ జోరుతో కొంచెం కోలుకుంది. ఇటీవల ‘సరిపోదా శనివారం’ కొంత ఉత్సాహాన్నిచ్చింది. భారీ వర్షాల్లోనూ…
ఏపీ మాజీ సీఎం, వైసీపీ అధినేత జగన్ చాలా చాలా వెనుకబడి పోయారు. 11 మంది ఎమ్మెల్యేలు, 13 మం…