Movie News

ఫౌజీ మాట తప్పే అవకాశం లేదు

ది రాజా సాబ్ తర్వాత దాన్ని మర్చిపోయే సినిమా కోసం ప్రభాస్ అభిమానులు ఎంతగా ఎదురు చూస్తున్నారో తెలిసిందే. వాళ్ళు ఎక్కువగా స్పిరిట్ మీద ఫోకస్ పెడుతున్నారు కానీ సైలెంట్ కిల్లర్ లాగా షూటింగ్ జరుపుకుంటున్న ఫౌజీ అంచనాలకు మించి వస్తోందని యూనిట్ నుంచి వినిపిస్తున్న మాట. డిసెంబర్ 3 రిలీజ్ టార్గెట్ ని ఎట్టి పరిస్థితుల్లో చేరుకోవాలనే ఉద్దేశంతో ఆఘమేఘాల మీద పరుగులు పెడుతున్నారు. ఓటిటి డీల్ కూడా దానికి అనుగుణంగా జరిగిందట.

ప్రస్తుతం ఫౌజీ కోసం హైదరాబాద్ లో రెండు యూనిట్లు పని చేస్తున్నాయి. కోకాపేట్, తాహెర్ సౌండ్ యూనిట్ వద్ద వేర్వేరు భాగాల చిత్రీకరణ జరుగుతోంది. ప్రభాస్ డేట్లు ఇంకో నెల రోజులు అవసరమవుతాయని వినికిడి. వాటిని పూర్తిగా ఇచ్చేలా ఆల్రెడీ ప్లానింగ్ జరిగిపోయిందని, స్పిరిట్, కల్కి 2కి కొంచెం బ్రేక్ ఇచ్చయినా సరే ముందు ఫౌజీ పూర్తి కావాలనే లక్ష్యంతో యూనిట్ సర్వశక్తులు ధారపోయడానికి రెడీ అయినట్టు కనిపిస్తోంది.

ఒకరకంగా చెప్పాలంటే సంక్రాంతి కంటే డిసెంబరే మంచి ఆప్షన్. ఎందుకంటే సోలో రిలీజ్ దక్కుతుంది. అఖండ, యానిమల్, పుష్ప 2, సలార్ ఈ విధంగానే లాభపడ్డాయి. అలా కాకుండా జనవరిలో వస్తే పండగ సినిమాలతో పోటీ వల్ల రెవిన్యూ ఎఫెక్ట్ అవుతుంది. రాజా సాబ్ ఫ్లాప్ అయినా నెంబర్లు గణనీయంగా తగ్గిపోవడానికి కారణం ఆ తర్వాత వచ్చిన వాటికి పాజిటివ్ టాక్ రావడమే. అందుకే ఫౌజీ విషయంలో అలాంటివి రిపీట్ కాకుండా చూసుకోవాలి.

ఇమాన్వి హీరోయిన్ గా నటించిన ఫౌజీలో విశాల్ చంద్రశేఖర్ పాటలు హైలైట్ గా నిలుస్తాయని అంటున్నారు. మ్యూజికల్ గా సీతారామంని మించి ఉండేలా దర్శకుడు హను రాఘవపూడి జాగ్రత్తలు తీసుకున్నారట. స్వతంత్రం రాక ముందు ఒక భారత సైనికుడి ప్రేమకథగా దీన్ని చెబుతున్నప్పటికీ సుభాష్ చంద్ర బోస్ లాంటి ఫ్రీడమ్ ఫైటర్స్ రెఫరెన్సులు నెక్స్ట్ లెవెల్ లో ఉంటాయట. రిలీజ్ డేట్ అనౌన్స్ మెంట్ వీలు చూసుకుని ఇంకో నెల రోజుల్లో చేయొచ్చు. 

This post was last modified on July 15, 2026 12:44 pm

Share

Recent Posts

ఐపీఎల్‌తో ధోని మొత్తం ఆదాయం ఎంత?

ఐపీఎల్‌లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…

26 minutes ago

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

3 hours ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

3 hours ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

3 hours ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

4 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

4 hours ago