Movie News

బాడీగార్డ్ గురించి ఓపెన్ అయిన చ‌ర‌ణ్‌

త‌న కొత్త సినిమా పెద్ది ప్ర‌మోష‌న్లలో భాగంగా మెగా ప‌వ‌ర్ స్టార్ రామ్ చ‌ర‌ణ్ ఎక్క‌డికి వెళ్లినా… ఆయ‌న వెంట న‌డుస్తున్న ఒక వ్య‌క్తి అంద‌రి దృష్టినీ ఆక‌ర్షిస్తున్నాడు. అత‌ను చ‌ర‌ణ్ బాడీగార్డ్ అన్న సంగ‌తి అర్థ‌మ‌వుతోంది. ఐతే ఇండియాలో ఎంతోమంది అందుబాటులో ఉండ‌గా.. విదేశాల నుంచి ఒక బాడీగార్డ్‌ను తెచ్చుకోవ‌డం, ఎవ్వ‌రూ ఊహించ‌లేని స్థాయిలో జీతం ఇస్తుండ‌డం గురించి అంద‌రూ ఆస‌క్తిగా చ‌ర్చించుకుంటున్నారు.

ఆ బాడీగార్డ్‌కు రోజుకు రూ.2 ల‌క్ష‌లు చెల్లిస్తున్న‌ట్లుగా సోష‌ల్ మీడియాలో వార్త‌లు రావ‌డం సంచ‌ల‌నం రేపింది. మ‌రీ అంత జీతం ఇచ్చేంత ప్ర‌త్యేక‌త అత‌డిలో ఏముంది.. చ‌ర‌ణ్ త‌న చేతికి గాయ‌మైన నేప‌థ్యంలో ఈ కొన్ని రోజుల‌కే ఈ కాస్ట్‌లీ బాడీగార్డ్‌ను పెట్టుకున్నాడేమో అని అంద‌రూ చ‌ర్చించుకుంటున్నారు. ఈ నేప‌థ్యంలో చ‌ర‌ణ్ సైతం మీడియా ముందు త‌న బాడీగార్డ్ గురించి స్పందించాడు.

త‌న బాడీగార్డ్ పేరు కెవిన్ అని వెల్ల‌డించిన చ‌ర‌ణ్‌.. అత‌నేమీ తాత్కాలికంగా త‌న‌కు సేవ‌లందించ‌ట్లేద‌ని తెలిపాడు. కెవిన్ జీతం గురించి ప్ర‌స్తావించ‌కుండా.. త‌న గురించి వివ‌రాలు వెల్ల‌డించాడు చ‌ర‌ణ్‌. త‌న బాడీగార్డ్ కెవిన్ గురించి ఇటీవల చాలా మాట్లాడుతున్నారని.. ‘పెద్ది’ కోసమే అతన్ని తీసుకోలేదని చ‌ర‌ణ్ స్ప‌ష్టం చేశాడు.

త‌న‌ కోసం మాత్రమే కాక‌, భార్య ఉపాసన, పిల్లలు, మొత్తం కుటుంబం అందరికీ కెవిన్ వ్యక్తిగత రక్షణ ఇస్తున్నాడ‌ని చ‌ర‌ణ్ వెల్ల‌డించాడు. మీడియా వాళ్లు అతణ్ని బాగా ఫేమస్ చేసేశార‌ని.. ఇప్పుడు అత‌ణ్ని బయటికి పంపడం లేదని.. కెవిన్‌కు చాక్లెట్లు, బిస్కెట్లు ఇచ్చి త‌న వ్య‌క్తిగ‌త విష‌యాలు రాబ‌డ‌తారేమోన‌ని చ‌ర‌ణ్ చ‌మ‌త్క‌రించాడు.

కెవిన్ గత నాలుగేళ్లుగా త‌మ కుటుంబం బయటికి వెళ్లినప్పుడు.. ఈవెంట్లు, షూటింగ్స్‌కు, విదేశీ ప‌ర్య‌ట‌న‌ల‌కు వెళ్లిన‌పుడు త‌మ‌తోనే ఉంటూ ర‌క్ష‌ణ క‌ల్పిస్తున్నాడ‌ని చ‌ర‌ణ్ వెల్ల‌డించాడు. ఈ కెవిన్ అసలు పేరు అబ్దు కదీర్ సోవ్ అట‌. 1998లో గాంబియాలో పుట్టిన‌.అత‌ను.. ఇంటర్నేషనల్ ఎంఎంఏ ఫైట‌ర్ కూడా అని.. ప్ర‌స్తుతం ఇటలీలోని ఫ్లోరెన్స్‌లో నివాస‌మున్నాడ‌ని తెలిసింది.

This post was last modified on June 2, 2026 10:29 am

Share

Recent Posts

ఫొటోలు: ఆధ్యాత్మిక గురువుతో సౌత్ హీరోయిన్

తెలుగు, తమిళ సినిమాల్లో నటించి గుర్తింపు తెచ్చుకున్న హీరోయిన్ మిర్నాళిని రవి పెళ్లి చేసుకుంది. మలేషియాకు చెందిన ఆధ్యాత్మిక గురువు…

34 minutes ago

ప్ర‌జ‌లు కోరుకున్నార‌ని `రిజ‌ర్వేష‌న్లు`  ఇవ్వ‌రు!

ప్ర‌జ‌లు కోరుకుంటున్నార‌న్న కార‌ణంగా ఒక ప్రాంతాన్ని ఒక వ‌ర్గానికి రిజ‌ర్వ్ చేయ‌డం సాధ్యం కాద‌ని సుప్రీంకోర్టు తేల్చి చెప్పింది. స్థానిక…

2 hours ago

నిఖిల్ ఎదురుచూపులకు బ్రేక్ ఎప్పుడు

అనుకుంటాం కానీ తమ సినిమాలకు సంబంధించిన అన్ని వ్యవహారాలు హీరోల చేతుల్లో ఉండవు. ఎవరిదాకో ఎందుకు మెగాస్టార్ అంతటి వారే…

2 hours ago

`నా ఓటును అమ్ముకోను`… బ్యాలెట్ బ్యాక్స్‌లో 500 నోట్లు-చీటీ!

ఎన్నిక‌లు ఏవైనా డ‌బ్బుల‌తోనే ముడి ప‌డి ఉంటున్నాయి. సొమ్ములు ఇచ్చి ఓట్లు వేయించుకునేందుకు నాయ‌కులు, తీసుకునేందుకు ఓట‌ర్లు కూడా ఎక్క‌డా…

3 hours ago

మెగా ఫ్యామిలీలో కొత్త ‘కుంపటి’

టాలీవుడ్లో చాలామంది హీరోలకు సొంత బేనర్లు ఉన్నాయి. తమ కుటుంబ సభ్యులనో, దగ్గరి మిత్రులనో పెట్టి ఆ బేనర్లను నడిపిస్తూ ఉంటారు. మెగా ఫ్యామిలీలో ఇప్పటికే…

3 hours ago

నాగార్జున రూటులో శివరాజ్ కుమార్

శాండల్ వుడ్ సీనియర్ స్టార్ శివరాజ్ కుమార్ గురించి పరిచయం అక్కర్లేదు. ఇంతకు ముందు మన ప్రేక్షకులకు అంతగా తెలియకపోవచ్చు…

4 hours ago