భర్త మరో మహిళతో కారులో కనిపించాడు. అది చూసిన భార్య వారిని అడ్డుకునేందుకు ప్రయత్నించింది. కానీ భర్త కారు ఆపకుండా వెళ్లిపోయాడు. దీంతో ఆమె బానెట్ను పట్టుకుని వేలాడాల్సి వచ్చింది. అలా దాదాపు కిలోమీటర్ వరకు కారు వెళ్లింది. మీరట్లో జరిగిన ఈ ఘటనకు సంబంధించిన వీడియో వైరల్ అవుతోంది.
35 ఏళ్ల సునీతకు తన భర్త మయాంక్ సింగ్ మరో మహిళతో ఉన్నాడని సమాచారం వచ్చింది. మయాంక్ ప్రాపర్టీ డీలర్గా పనిచేస్తున్నాడు. లోహియానగర్ పోలీస్ స్టేషన్ పరిధిలోని ఓ పెట్రోల్ బంక్ దగ్గర ఇద్దరూ కారులో కనిపించారు. దీంతో సునీత వారిని నిలదీసింది. కారులో ఉన్న మహిళను బయటకు లాగేందుకు ప్రయత్నించడంతో ముగ్గురి మధ్య గొడవ జరిగింది.
ఆ తర్వాత మయాంక్ అక్కడి నుంచి కారుతో వెళ్లేందుకు ప్రయత్నించినట్లు సునీత పోలీసులకు తెలిపింది. ఆమె కారు ముందు ఉండగానే అతడు ముందుకు వెళ్లడంతో బానెట్ను పట్టుకుంది. అయినా కారు ఆపలేదని ఆరోపించింది. తనను కింద పడేసేందుకు రెండుసార్లు కారును డివైడర్ వైపు తీసుకెళ్లేందుకు ప్రయత్నించాడని కూడా ఫిర్యాదులో పేర్కొంది. చివరకు స్థానికులు కారును అడ్డుకుని ఆపారు.
కారు ఆగిన తర్వాత కూడా మయాంక్ తనపై దాడి చేశాడని సునీత ఆరోపించింది. ఆమె ఫిర్యాదుతో పోలీసులు హత్యాయత్నం, బెదిరింపులకు సంబంధించిన సెక్షన్ల కింద కేసు నమోదు చేశారు. మయాంక్తో పాటు కారులో ఉన్న మహిళను అరెస్ట్ చేశారు. కారును కూడా స్వాధీనం చేసుకున్నారు. సునీత చేసిన ఆరోపణలపై పోలీసులు విచారణ చేస్తున్నారు. సునీత, మయాంక్కు 2012లో వివాహమైంది. వీరికి ఇద్దరు పిల్లలు ఉన్నారు. గతంలోనూ భార్యాభర్తల మధ్య గొడవలు జరిగాయని పోలీసులు తెలిపారు. సునీత కుటుంబ సభ్యులు అప్పట్లో మయాంక్పై ఫిర్యాదు కూడా చేశారు. తర్వాత ఇరు వర్గాలు రాజీకి వచ్చాయి. మళ్ళీ ఇప్పుడు మరో గొడవతో కేసు నమోదైంది.
This post was last modified on October 5, 2026 11:38 am
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…