ఇటీవలే విడుదలైన వీరభద్రుడు / కరుప్పు ఊహించని వీకెండ్ నమోదు చేసింది. ట్రేడ్ టాక్ ప్రకారం ప్రపంచవ్యాప్తంగా నూటా పాతిక కోట్ల దాకా గ్రాస్ వసూలైనట్టు సమాచారం. సూర్య గత పదమూడు సంవత్సరాల్లో ఈ నెంబర్ చూడలేదు. సింగం 2 తర్వాత ఇంత పెద్ద సక్సెస్ లేకపోవడమే దీనికి కారణం. తమిళనాడులో గత ఇరవై నాలుగు గంటల్లో నాలుగు లక్షలకు పైగా టికెట్లు అమ్ముడుపోగా తెలుగు వెర్షన్ సైతం తొంబై వేలు దాటడం విశేషం. ఇవి పెద్ద నెంబర్లు.
నిజానికి వీరభద్రుడుకి యునానిమస్ టాక్ రాలేదు. మిక్స్డ్, నెగటివ్, పాజిటివ్ అన్నీ వినిపించాయి. అయితే చాలా కాలం తెలుగు తమిళ బాక్సాఫీస్ కు సరైన మాస్ సినిమా ఒక్కటంటే ఒక్కటి రాలేదు. దీంతో అందరూ ఆకలి మీద ఉన్న తరహాలో వీరభద్రుడుకి వెళ్లిపోయారు. అందులోనూ తమిళ పేరుని పెట్టి జనాన్ని కన్ఫ్యూజ్ చేయకుండా శుభ్రంగా తెలుగు దేవుడి పేరు టైటిల్ గా పెట్టడం బిసి సెంటర్స్ లో చాలా ప్లస్ అయ్యిందని బయ్యర్ వర్గాలు చెబుతున్నాయి.
ఇక ఈ రోజు నుంచి కరుప్పు ఎలా పెర్ఫార్మ్ చేస్తుందనేది కీలకంగా మారింది. ఒరిజినల్ వెర్షన్ కు ఢోకా లేదు. అక్కడి జనాలు బాగా కనెక్ట్ అయిపోయారు. ఏపీ తెలంగాణ ప్రేక్షకులకు ఇది తప్ప మరో మాస్ ఆప్షన్ లేకపోవడం కలిసి వచ్చింది. రెండో వారంలో ఉన్న గోదారి గట్టుపైన ఒక వర్గానికే పరిమితం కావడంతో మాస్ జనాలు సూర్యకే ఓటు వేశారు. ఇది శివ కార్తికేయన్ లాంటి హీరో చేసుంటే ఏమయ్యేదో కానీ సూర్య ఇమేజ్ పెద్ద రక్షణ కవచమైన మాట వాస్తవం.
అలాని సూర్య సినిమాలన్నీ ఇలాగే వర్కౌట్ అవుతాయని కాదు. తన మీద మినిమమ్ కమర్షియల్ ఎలిమెంట్స్ ఉన్న ఏ కథ అయినా కాసులు కురిపిస్తుందని సూర్య ప్రూవ్ చేశాడు. దీన్ని సరిగ్గా వాడుకోలేకపోయిన వాళ్ళు రెట్రో, కంగువ లాంటి డిజాస్టర్లు ఇచ్చారు. ఆర్జె బాలాజీ దర్శకత్వం కన్నా సూర్య యాక్టింగ్, క్లైమాక్స్ లో విశ్వరూపం గురించే ఎక్కువ మాట్లాడుకుంటున్నారు. దీన్ని బట్టే సూర్యకు దక్షిణాది మూడు భాషల్లో బలమైన ఫాలోయింగ్ ఉందని అర్థమవుతోంది. వాడుకోవడం డైరెక్టర్ల చేతిలో ఉంది.
This post was last modified on May 18, 2026 11:21 am
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…