Movie News

రామాయణానికి నాలుగు వేల కోట్లు ఎలా?

ఇండియన్ సినిమా స్థాయి ఎంత పెరిగినా సరే.. ఇప్పటికీ వెయ్యి కోట్ల బడ్జెట్ అంటేనే చాలా ఎక్కువ. అలాంటిది రామాయణం రెండు భాగాలకు కలిపి ఏకంగా రూ.4 వేల కోట్ల బడ్జెట్ ఖర్చు చేస్తున్నట్లు నిర్మాత నమిత్ మల్హోత్రా కొన్ని నెలల ముందు ప్రకటించినపుడు అందరికీ ఫ్యూజులు ఎగిరిపోయాయి. ఇంత ఖర్చు చేసి బిజినెస్ ఎలా వర్కవుట్ చేస్తారు.. రికవరీ ఎలా సాధ్యం అని అందరూ చర్చించుకున్నారు. కానీ ఈ సినిమాకు ఉన్న పొటెన్షియాలిటికీ ఆ ఖర్చు ఎక్కువేమీ కాదని.. బిజినెస్ కూడా వర్కవుట్ చేయగలమనే ధీమాగా చెబుతున్నాడు నమిత్ మల్హోత్రా. 

ఇంతకీ ఈ సినిమాకు ఆయన ఆ స్థాయిలో ఎలా డబ్బులు పెట్టగలుగుతున్నారు.. ఆ బడ్జెట్ అంతా ఎలా సమకూరింది అన్నది ఆసక్తికరం. ఆయన వేరే సంస్థల భాగస్వామ్యం కూడా కోరుకోకుండా సొంతంగా సినిమాను ప్రొడ్యూస్ చేస్తున్నారు. మరి ఇంత బడ్జెట్ ఎలా సమకూర్చుకున్నారనే విషయమై ఒక ఇంటర్వ్యూలో మాట్లాడాడు నమిత్ మల్హోత్రా.

‘‘అవును.. రామాయణం మీద నేను 4 వేల కోట్ల రూపాయలు ఖర్చు చేస్తున్నా. ఇంతకుముందు రిలీజ్ చేసిన గ్లింప్స్‌లో విజువల్స్‌, గ్రాండియర్‌ను అందరూ ప్రశంసించారు. రామాయణం పార్ట్-1 చిత్రీకరణ దాదాపుగా పూర్తి కావచ్చింది. ఈ సినిమా తీయాలనుకున్నపుడు భారీగానే చేయాలనుకున్నాం. ఐతే ఈ సినిమాలో లీడ్ రోల్ చేస్తున్న నటుడితో పాటు అందరికీ ఒకటే అనుమానం కలిగింది.. ఈ సినిమాను ఇంత భారీగా తీయడానికి అవసరమైన నిధులు ఉన్నాయా అని. ఐతే నేను ఎవ్వరి దగ్గరా ఒక్క రూపాయి అప్పు చేయకుండా మొదటి భాగాన్ని పూర్తి చేయగలిగాను. ఆ డబ్బులన్నీ ఎలా వచ్చాయో నాక్కూడా తెలియదు. 

ఎలా ఇది సాధ్యమైంది అని అడిగితే నా దగ్గర సమాధానం లేదు. ఈ ప్రాజెక్టు దానంతట అదే డబ్బులు సమకూర్చుకుంది. ఇది కేవలం ఒక సినిమా ప్రాజెక్టు కాదు. దీన్ని బిజినెస్ కోణంలో కూడా చూడకూడదు. ఈ సినిమా మొత్తం పూర్తయ్యేసరికి ఎంత ఖర్చవుతుందో కూడా నాకు తెలియదు. నేను ఏ రోజుకు ఆ రోజు ఖర్చులు చూసుకోవట్లేదు. మనం సరైన సినిమా తీస్తున్నామా లేదా అన్నదాని మీదే నా దృష్టంతా. ఆ విషయంలో ఎంతమాత్రం రాజీపడట్లేదు’’ అని నమిత్ వెల్లడించాడు.

This post was last modified on February 26, 2026 10:04 am

Share

Recent Posts

లెజెండ్ రీఎంట్రీ… అదిరిపోలా

గుణ్ణం గంగరాజు.. ఈ పేరు ఈ తరం సినీ ప్రేక్షకులకు పెద్దగా పరిచయం లేకపోవచ్చు. కానీ 90వ దశకం నుంచి…

2 hours ago

చిరు, చరణ్‌… అల్లు అరవింద్‌కు ఎంత ముఖ్యమంటే?

మెగాస్టార్ చిరంజీవి, అల్లు అరవింద్ కుటుంబాల మధ్య అనుబంధం గురించి కొత్తగా చెప్పాల్సిన పని లేదు. వీళ్లిద్దరూ బావ బావమరదులన్న…

2 hours ago

సీఎం సహనం నశించింది రెడ్డి

తెలంగాణా కాంగ్రెస్ పార్టీలో నిత్యం ఏదో ఒక రగడ కొనసాగుతూనే వుంది. ఒకరుపోతే మరొకరు అసంతృప్తి గళం వినిపించడం మామూలై…

3 hours ago

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

6 hours ago

అల్లు సినిమాస్‌పై కంప్లైంట్.. వీడియో తీసుకున్న అరవింద్

ఈ ఏడాది ఆరంభంలో మొదలైన అల్లు సినిమాస్ మల్టీప్లెక్స్ హైదరాబాద్ సినీ ప్రియుల ఫేవరెట్ స్పాట్లలో ఒకటిగా మారింది. ముఖ్యంగా…

6 hours ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

7 hours ago