Movie News

బొమ్మా బొరుసు ఆడనున్న ప్రీమియర్ షోలు

మాస్ జాతర విడుదల నెలల నుంచి రోజుల్లోకి వచ్చేసింది. ఊహించని విధంగా బాహుబలి ది ఎపిక్ రీ రిలీజ్ నుంచి తీవ్రమైన పోటీ ఎదురు కావడం ఇబ్బందికర పరిణామమే అయినా ఇప్పుడు వెనుకడుగు వేసే పరిస్థితి లేకపోవడంతో నిర్మాత నాగవంశీ ప్రొసీడ్ అవుతున్నారు. అయితే మొదట చెప్పిన డేట్ అక్టోబర్ 31 రెగ్యులర్ షోలు వేయకుండా కేవలం సాయంత్రం నుంచి స్పెషల్ ప్రీమియర్లతో ఆటలు మొదలుపెట్టడం అభిమానుల్లో ఆసక్తి రేపుతోంది. అంటే ఆన్ రికార్డ్ మాస్ జాతర రెగ్యులర్ విడుదల తేదీ నవంబర్ 1 అవుతుంది. సరే వినడానికి బాగానే ఉంది, కానీ ఇప్పుడీ ప్రీమియర్ల మీద చాలా పెద్ద బరువే ఉంది.

గత కొన్నేళ్లుగా రవితేజ సినిమాలకు ముందు రోజు ప్రీమియర్లు వేసిన దాఖలాలు చాలా తక్కువ. గత ఏడాది మిస్టర్ బచ్చన్ కు ఆ రిస్క్ తీసుకున్నారు కానీ ఆ నిర్ణయమే నిలువునా ముంచేసిందని అభిమానులు వాపోయారు. కంటెంట్ తేడా ఉండటం పక్కనపెడితే రాత్రికి రాత్రి బ్యాడ్ టాక్ స్ప్రెడ్ కావడం వాళ్ళను నిరాశ పరిచింది. దీనికి ముందు ఈగల్, టైగర్ నాగేశ్వరరావు, రావణాసుర తదితర సినిమాలకు దేనికీ ముందు రోజు షోలు వేయలేదు. వాల్తేరు వీరయ్య కూడా తెల్లవారుఝాము నుంచి మొదలుపెట్టారు. సో మాస్ జాతర ఈ రకంగా చూసుకుంటే పెద్ద అడ్వెంచర్ చేస్తోంది. ప్రొడ్యూసర్ కున్న కాన్ఫిడెన్స్ ఇది.

బుక్ మై షోలో మాస్ జాతర హైదరాబాద్ బుకింగ్స్ మొదలుపెట్టారు. ఇంకా ట్రెండింగ్ లోకి రాలేదు. పూర్తిగా సోల్డ్ అవుట్ అయిన షో గంటల తర్వాత కూడా లేదు. స్లోగా ఆరంజ్ కలర్ లోకి మారుతోంది. ట్రైలర్ కు ఎక్స్ ట్రాడినరి రెస్పాన్స్ రాకపోవడం ఒక కారణమని విశ్లేషకులు భావిస్తున్నారు. టీమ్ లెక్క వేరుగా ఉంది. పైకి రొటీన్ కథలా కనిపించినా థియేటర్ లో ఊహించని చాలా ఎలిమెంట్స్ సర్ప్రైజ్ చేస్తాయని, వాటిని రివీల్ చేయకుండా తీసుకున్న జాగ్రత్తల వల్ల కొంచెం హైప్ తగ్గినట్టు అనిపించినా 31 అర్ధరాత్రి సమయానికి టాక్ లెక్కలు మారిపోతాయని ధీమాగా ఉంది. చూడాలి మరి ఇంత బరువుని ఎలా మోస్తుందో.

This post was last modified on October 28, 2025 10:22 pm

Share

Recent Posts

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

5 minutes ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

10 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

10 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

10 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

10 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

11 hours ago