అదే మామ సినిమా చూపిస్తావా రామ్

అదే మామ సినిమా చూపిస్తావా రామ్

ఎనర్జిటిక్ హీరోగా గుర్తింపు పొందిన రామ్ కు ఇప్పుడు అర్జంటుగా హిట్ కావాలి. కుర్ర హీరోలంతా తెగ స్పీడుగా సినిమాలు చేసేస్తుంటే.. రామ్ మాత్రం ఎలాగైనా హిట్ కొట్టాలనే కసితో గతేడాది మొత్తంలో ఉన్నది ఒక్కటే జిందగీ అంటూ ఒక సినిమానే ఇచ్చాడు. ఈ ఒక్కటి కూడా రామ్ ఆశలు నెరవేర్చలేదు.

మళ్లీ ఇప్పుడు హిట్ కోసం తపన పడుతున్న ఈ యంగ్ హీరో.. నక్కిన త్రినాథరావు దర్శకత్వంలో ఓ సినిమాకు ఓకే చెప్పేశాడు. సినిమా చూపిస్త మామా.. నేను లోకల్ అంటూ వరుసగా రెండు మంచి హిట్స్ సాధించిన ఈ దర్శకుడు తనకు కూడా సక్సెస్ అందిస్తాడని హోప్స్ పెట్టుకున్నాడు రామ్. ఈ సినిమా కథ మామా అల్లుళ్ల మధ్య సాగే వార్ అని తెలుస్తోంది. అందుకే మామ పాత్ర కోసం ప్రకాష్ రాజ్ ను తీసుకుంటున్నారట. ప్రకాష్-రామ్ పాత్రల మధ్య సాగే పోరాటం  ఈసినిమాకు హైలైట్ అంటున్నారు. అయితే.. ఇక్కడే ఓ పాయింట్ ఉంది. త్రినాథరావు గతంలో తీసిన రెండు సినిమాలు సేమ్ కాన్సెప్ట్.

సినిమా చూపిస్త మామ అంటూ రాజ్ తరుణ్ తో తీసినా.. నేను లోకల్ అంటూ నానితో చేసినా.. రెండింటిలోను హీరోయిన్ కోసం మామతో అల్లుడు యుద్ధం చేయడం అనే థీమ్ తోనే సాగాయి. ఇప్పుడు రామ్ కోసం కూడా మళ్లీ ఇలాంటి కథనే సిద్ధం చేశాడట ఈ డైరెక్టర్. కానీ రామ్ కోసం రాసిన కథలో మరిన్ని ఎలిమెంట్స్ కూడా మిక్స్ చేశాడట. రామ్ మామతో ఎలాంటి ఆటలు ఆడనున్నాడో చూడాలి.

 

రాజకీయ వార్తలు

 

సినిమా వార్తలు