హైదరాబాద్ – పదో తరగతి స్టూడెంట్ తో టీచర్ డేటింగ్

కొన్నేళ్ల చిత్ర విచిత్రమైన ఉదంతాలు కొన్ని విదేశాల్లో జరిగినట్లుగా వార్తా పత్రికల్లో చదివేటోళ్లం. అలాంటప్పుడు.. ఇలాంటివి మన దగ్గర జరిగే అవకాశం లేదన్నట్లుగా అనుకునేటోళ్లు. ఇప్పుడు కాలం మారింది. పరిస్థితులు మారిపోయాయి. గతంలో ఇలాంటివి మన దగ్గర జరిగే ఛాన్సులే లేవనుకున్న ఉదంతాలు ఇటీవల కాలంలో తరచూ చోటు చేసుకుంటున్నాయి. తాజాగా హైదరాబాద్ లో చోటు చేసుకున్న ఒక ఉదంతం కాస్తంత ఆలస్యంగా బయటకు వచ్చింది. దీని గురించి తెలిసిన వారంతా అవాక్కు కావటమే కాదు.. ముక్కున వేలేసుకుంటున్నారు.

చందానగర్ కు చెందిన 26 ఏళ్ల టీచర్ ఒక ప్రైవేటు స్కూల్లో పని చేస్తోంది. అదే స్కూల్ లో చదివే పదో తరగతి కుర్రాడితో ప్రేమ వ్యవహారం నడుస్తున్న వైనం బయటకు వచ్చింది. ఇదంతా ఎలానంటే.. ఆ టీచర్ రెడు రోజులు పాటు కనిపించకుండా పోవటం.. దీంతో ఆమె తాత చందానగర్ పోలీసులకు కంప్లైంట్ ఇచ్చారు. అదే సమయంలో పదో తరగతి విద్యార్థి కూడా కనిపించకుండా పోయాడు. అతడు గచ్చిబౌలి పోలీస్ స్టేషన్ పరిధిలో ఉంటాడు. అతని తల్లిదండ్రులు కూడా ఫిర్యాదు చేశారు. ఫిబ్రవరి 16న వెళ్లిన వారు.. రెండు రోజుల తర్వాత తిరిగి వచ్చారు. పిల్లాడ్ని ఎక్కడికి వెళ్లావని నిలదీయగా.. అసలు విషయం చెప్పటంతో విషయం బయటకు వచ్చింది.

దీంతో.. పోలీసులకు సమాచారాన్ని ఇవ్వటంతో ఆమెను పిలిపించి కౌన్సెలింగ్ ఇచ్చినట్లుగా తెలుస్తోంది. అదే సమయంలో టీచర్ తాత తాను ఇచ్చిన ఫిర్యాదును వెనక్కి తీసుకున్నట్లుగా తెలిసింది. సదరు టీచర్ కు ఈ మధ్యన పెళ్లి సంబంధాలు చూస్తున్న నేపథ్యంలో వారు ఇలా చేసి ఉంటారని పోలీసులు భావిస్తున్నారు. అక్కడెక్కడో ప్రాశ్చత్య దేశాల్లో జరుగుతుంటాయన్న విషయాలు.. ఇప్పుడు మన దగ్గర చోటు చేసుకోవటం గమనార్హం.