Trends

గూగుల్‌ ట్రెండ్‌: బ్లూ డ్ర‌మ్ మ‌ర్డ‌ర్‌పై తెగ వెతికేశారు!

ఏదైనా కొత్త విష‌యం తెర‌మీద‌కు రాగానే గూగుల్‌లో వెతికేయ‌డం .. దాని గురించి తెలుసుకునే ప్ర‌య‌త్నం చేయ‌డం స‌ర్వ‌సాధార‌ణంగా మారిపోయింది. ఇలానే.. తాజాగా బ్లూ డ్ర‌మ్ మ‌ర్డ‌ర్‌పైనా నెటిజ‌న్లు జోరుగా వెతికేశారు. దీంతో గూగుల్ సెర్చ్ ఇంజ‌న్‌లో ఈ టాపిక్ హైలెట్ గా నిలిచింది. ఉత్త‌ర‌ప్ర‌దేశ్‌లోని మీర‌ట్‌లో గ‌త ఏడాది మార్చిలో జ‌రిగిన ఈ దారుణ ఉదంతం.. దేశంలోనే భారీ సంచ‌ల‌నం సృష్టించింది. అప్ప‌టి వ‌ర‌కు హ‌త్య‌లు చేయ‌డం.. అనంత‌రం శ‌వాల‌ను మాయం చేయ‌డం వంటి ఘ‌ట‌న‌లు అంద‌రికీ తెలిసిందే. కానీ, బ్లూడ్ర‌మ్ ఉదంతం మాత్రం వీట‌న్నింటికీ మించిన రీతిలో ఉండ‌డం మ‌రింత విశేషం.

ఏంటీ కేసు..?

సౌర‌భ్ రాజ్‌పుత్‌, ముస్కాన్ ర‌స్తోగీ దంప‌తులు మీర‌ట్‌లో నివ‌సిస్తున్నారు. సౌర‌భ్ నేవీ ఉద్యోగి. వీరికి పెళ్ల‌యిన నాలుగు సంవ‌త్స‌రాల‌కే భార్య ర‌స్తోగీ ప‌క్క చూపులు చూసింది. రాజ్‌పుత్ స్నేహితుడుగా ప‌రిచ‌యం అయిన సాహిల్‌ శుక్లాతో ఆమె వివాహేత‌ర సంబంధం పెట్టుకుంది. అనంత‌రం.. వీరి మ‌ధ్య సుమారు రెండేళ్ల‌పాటు ఈ సంబంధం కొన‌సాగింది. అయితే.. విష‌యం కాస్తా.. రాజ్‌పుత్‌కు తెలిసిపోయింది. దీంతో భార్య‌ను ఆయ‌న హెచ్చ‌రించారు. కానీ, నేవీ ఉద్యోగం కావ‌డంతో నిరంత‌రం ఆయ‌న కాప‌లా కాయ‌లేక పోయారు. ఉద్యోగానికి వెళ్తే.. 15 రోజుల వ‌ర‌కు ఇంటి ముఖం చూసే ప‌రిస్థితి ఉండేది కాదు. ఇదే ర‌స్తోగికి క‌లిసి వ‌చ్చింది.

ఇలా కొన‌సాగుతున్న వీరి ప్రేమాయణం, వివాహేత‌ర సంబంధం.. మ‌రింత బ‌ల‌ప‌డి.. ఏకంగా భ‌ర్త‌ను అడ్డు త‌ప్పించాలని నిర్ణ‌యించారు. ఈ క్ర‌మంలో ఓ రోజు భ‌ర్త రాజ్‌పుత్‌కు ఇష్ట‌మైన కూర వండి .. దానిలో మ‌త్తు ప‌దార్థాలు క‌లిపి.. ప్రేమ‌తో వ‌డ్డించింది. అనంత‌రం.. అత‌ను స్పృహ కోల్పోయిన త‌ర్వాత‌.. ప్రియుడు శుక్లాను ఇంటికి పిలిచి.. ప‌క్కా ప్ర‌ణాళిక ప్ర‌కారం.. అత‌నిని హ‌త్య చేశారు. అనంత‌రం.. ఎవ‌రికీ అనుమానం రాకుండా.. ఆశ‌వాన్ని ముక్క‌లు ముక్క‌లు చేసి.. ఇంట్లోని మంచి నీరు నిల్వ చేసుకునే బ్లూ డ్ర‌మ్‌లోనే దాచి పెట్టారు. ఒక రోజు త‌ర్వాత‌.. ఆ డ్ర‌మ్ముల్లో ఇసుక‌, సిమెంటు వేసి పూడ్చేశారు. చిత్రం ఏంటంటే.. ఆ డ్ర‌మ్మును చ‌క్క‌గా ఇంట్లో పెట్టి.. దానిపై గులాబీ పువ్వుల మొక్క‌లు పెట్టి ర‌స్తోగీ పెంచుకుంది.

విష‌యం ఇలా బ‌య‌ట‌కు..

కొన్ని రోజుల‌కు రాజ్‌పుత్ త‌ల్లీ తండ్రికి అనుమానం వ‌చ్చింది. త‌మ కుమారుడు రోజూ ఫోన్ చేసేవాడ‌ని.. కానీ, ఇప్పుడుకేవ‌లం మెసేజ్‌ల‌కే ప‌రిమితం అవుతున్నాడ‌ని గ్ర‌హించి.. పోలీసుల‌ను ఆశ్ర‌యించారు. అప్ప‌టికే ర‌స్తోగీ, శుక్లాలు.. మీర‌ట్ నుంచి ఉడాయించారు. దీనిని స‌వాల్‌గా తీసుకున్న పోలీసులు.. భారీ విచార‌ణ‌కు రెడీ అయినా.. ఇంట్లోని డ్ర‌మ్ వ‌ద్ద జాగిలాలు ఆగిపోవ‌డంతో కేసును చాలా సునాయాసంగా ప‌రిష్క‌రించారు. కేవలం ఏడాది వ్య‌వ‌ధిలోనే నిందితుల‌ను అరెస్టు చేశారు. అనేక విచార‌ణ‌ల ద‌రిమిలా.. స్థానిక కోర్టు ప్రేయ‌సీ ప్రియుల‌కు మ‌ర‌ణ శిక్ష విధించింది. అయితే.. ఈ కేసు బ్లూడ్ర‌మ్ మ‌ర్డ‌ర్‌గా గుర్తింపు పొంద‌డంతో గూగుల్‌లో తెగ వెతికేయ‌డం గ‌మ‌నార్హం.

This post was last modified on October 16, 2026 12:39 pm

Share

Recent Posts

‘బీజేపీతో హ‌రీష్ రావు మంత‌నాలు’

బీఆర్ ఎస్ అగ్ర‌నాయ‌కుడు, మాజీ మంత్రి, సిద్దిపేట ఎమ్మెల్యే త‌న్నీరు హ‌రీష్‌రావుపై సీఎం రేవంత్ రెడ్డి తీవ్ర‌వ్యాఖ్య‌లు చేశారు. ఆయ‌న…

4 minutes ago

అంచ‌నాలు పెంచుకోమంటున్న అక్కినేని హీరో

ఒక సినిమాలో భాగ‌మైన ప్ర‌తి వ్య‌క్తీ.. త‌మ చిత్రం అద్భుతం అనే చెబుతాడు. ఇలాంటి సినిమా ఇంత వ‌ర‌కు రాలేదంటాడు.…

9 minutes ago

వయొలెంట్ క్లాష్… భోగి VS మైసా

నవంబర్ ఏదో డ్రై నెల అంటారు కానీ ఈసారి మటుకు ప్రతివారం బాక్సాఫీస్ వద్ద రసవత్తరమైన పోటీ నెలకొంటోంది. ఎన్ని…

1 hour ago

వింటేజ్ సినిమాలను వృథా చేయకండి

పాత క్లాసిక్స్ రీ రిలీజ్ చేయడం మంచి ఆలోచన. ఇప్పటి తరం వాటిని ఆస్వాదించడమే కాకుండా సదరు వింటేజ్ సినిమాల…

10 hours ago

సిద్దిపేటలో కాంగ్రెస్ పార్టీని గెలిపిస్తే… మంత్రి పదవి ఫిక్స్

సిద్దిపేటలో కాంగ్రెస్ పార్టీ అభ్యర్థిని గెలిపించండి. గెలిచిన ఆ ఎమ్మెల్యేకి బ్రహ్మాండమైన మంత్రి పదవి ఇచ్చే పూచి నాది అన్నారు…

10 hours ago

జ‌న్‌జీకి మోడీ క‌నెక్ట్‌… ఐడియా అదుర్స్!

ప్ర‌ధాన మంత్రి న‌రేంద్ర మోడీ గ‌త మూడు నెల‌ల నుంచి జ‌న్‌జీ(యువ‌త‌)కి క‌నెక్ట్ అయ్యేలా ప‌లు ప్ర‌య‌త్నాలు చేస్తున్నారు. కాక్రోచ్…

10 hours ago