మృణాల్… ఫ్లాపులు కూడా తాకలేని అందం

టాలీవుడ్ లో క్లాసిక్ లుక్స్ తో ప్రేక్షకుల మనసు గెలుచుకున్న హీరోయిన్లలో మృణాల్ థాకూర్ ఒకరు. సీతారామం సినిమాతో తెలుగు ఆడియన్స్ కు తెగ నచ్చేసిన ఈ బాలీవుడ్ బ్యూటీ.. మోడ్రన్ డ్రెస్సుల్లో ఎంత గ్లామరస్ గా కనిపిస్తుందో, సాంప్రదాయ దుస్తుల్లో అంతకంటే రెట్టింపు అందంతో ఆకట్టుకుంటుంది. ముఖ్యంగా చీరకట్టులో ఆమె ఇచ్చే పోజులు సోషల్ మీడియాలో ఎప్పుడూ ట్రెండ్ అవుతూనే ఉంటాయి.

ఇక ఇప్పుడు ఎరుపు రంగు శారీలో మృణాల్ మెరిసిపోయిన తీరు నెటిజన్లను ఆకర్షిస్తోంది. అందమైన డిజైన్ బ్లౌజ్, దానికి మ్యాచింగ్ గా పెట్టుకున్న గ్రీన్ కలర్ ఇయర్ రింగ్స్ ఆమె లుక్ ను మరింత ఎలివేట్ చేశాయి. లైట్ మేకప్, లూజ్ హెయిర్ తో చాలా సింపుల్ గా కనిపిస్తున్నప్పటికీ, ఆమె కళ్లలోని ఎక్స్ ప్రెషన్స్ ఫోటోలకు ఒక ప్రత్యేకమైన లుక్ ని తీసుకువచ్చాయి. పర్ఫెక్ట్ గా శారీని క్యారీ చేయడంలో ఆమె స్టైలే వేరని ఈ పిక్స్ చూస్తే అర్థమవుతుంది.

ఇక సినిమా ఇండస్ట్రీలో ఒక హీరోయిన్ కెరీర్ నిలబడాలంటే సక్సెస్ లు చాలా ముఖ్యం. ఒక్క ఫ్లాప్ వస్తేనే ఆఫర్స్ తగ్గిపోయే ఈ గ్లామర్ ఫీల్డ్ లో మృణాల్ థాకూర్ రూట్ మాత్రం చాలా డిఫరెంట్ గా సాగుతోంది. జయాపజయాలతో సంబంధం లేకుండా వరుస ప్రాజెక్ట్స్ తో దూసుకుపోతున్న అతికొద్ది మంది హీరోయిన్లలో ఆమె ఒకరిగా నిలిచారు. సినిమా రిజల్ట్ ఎలా ఉన్నా ఆమె క్రేజ్ మాత్రం బాక్సాఫీస్ దగ్గర ఎక్కడా తగ్గడం లేదు. సాధారణంగా ఒక సినిమా థియేటర్లలో నిలబడకపోతే ఆ ఎఫెక్ట్ హీరోయిన్ కెరీర్ మీద పడుతుంది.

కానీ మృణాల్ విషయంలో ఆమె స్క్రీన్ ప్రెజెన్స్, తిరుగులేని గ్లామర్ ఆ నెగిటివిటీని దరిచేరనివ్వడం లేదు. కథలో ఆమె క్యారెక్టర్ కు ఉన్న ఇంపార్టెన్స్, స్క్రీన్ మీద ఆమెను చూసేందుకు ఆడియన్స్ చూపే ఇంట్రెస్ట్ వల్ల ఫ్లాపులు కూడా ఆమె ఇమేజ్ ను ఏమాత్రం దెబ్బతీయలేకపోతున్నాయి. మేకర్స్ కూడా ఆమె నటనను, గ్లామర్ అట్రాక్షన్ ను నమ్మి వరుసగా అవకాశాలు ఇస్తున్నారు. కేవలం ఒకే రకమైన పాత్రలకు పరిమితం కాకుండా వైవిధ్యమైన సబ్జెక్ట్స్ ఎంచుకోవడం మృణాల్ కు ప్లస్ పాయింట్ గా మారింది. ఇటు సౌత్ సినిమాలతో పాటు అటు నార్త్ లోనూ క్రేజీ ఆఫర్స్ లైన్ లో పెడుతూ ఈ భామ ఫుల్ బిజీగా గడుపుతోంది. అల్లు అర్జున్ రాకా సినిమాలో కూడా ఒక ఇంపార్టెంట్ పాత్రలో నటిస్తోంది.