ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత జట్టు బ్యాటర్ ఔటైనా ధోనీ వస్తున్నాడనే ఆనందంతో అభిమానులు కేరింతలు కొట్టేవారు. ఐపీఎల్లో ఇలాంటి క్రేజ్ కనిపించడం చాలా అరుదు. అయితే ధోనీకి ఇంతమంది అభిమానులు ఉండటానికి కారణం కేవలం ఐదు ఐపీఎల్ టైటిళ్లు మాత్రమే కాదు. కెప్టెన్గా తీసుకున్న కొన్ని నిర్ణయాలు, ఓడిపోతుందనుకున్న మ్యాచ్లను చివర్లో గెలిపించిన తీరు కూడా ఒక కారణమే.
ధోనీ కెప్టెన్సీలో భారత్ మూడు ఐసీసీ ట్రోఫీలు గెలిచింది. 2007 టీ20 వరల్డ్ కప్ ఫైనల్లో చివరి ఓవర్ను జోగిందర్ శర్మకు ఇచ్చాడు. పాకిస్థాన్ విజయానికి 13 పరుగులు అవసరమైన సమయంలో తీసుకున్న ఆ నిర్ణయం ఫలించింది. 2011 వన్డే వరల్డ్ కప్ ఫైనల్లో యువరాజ్ సింగ్ కంటే ముందుగా బ్యాటింగ్కు వచ్చి 91 పరుగులు చేశాడు. 2013 ఛాంపియన్స్ ట్రోఫీని కూడా గెలిపించాడు. మూడు మెయిన్ ఐసీసీ వైట్ బాల్ ట్రోఫీలు గెలిచిన ఏకైక కెప్టెన్ ధోనీనే. ఐపీఎల్లో చెన్నైకి ఐదు టైటిళ్లు అందించాడు.
ఇక ఫినిషర్గా ధోనీ ఆట గురించి ప్రత్యేకంగా చెప్పుకోవాలి. లక్ష్యం ఎంత ఉన్నా చివరి ఓవర్ వరకు మ్యాచ్ను తీసుకెళ్లేవాడు. చివర్లో అవసరమైన పరుగులను బట్టి సిక్సర్లు, ఫోర్లతో మ్యాచ్ ముగించేవాడు. వన్డేల్లో భారత్ విజయవంతంగా ఛేదించిన మ్యాచ్ల్లో ధోనీ 47 సార్లు నాటౌట్గా నిలిచాడు. అలాంటి మ్యాచ్ల్లో అతడి బ్యాటింగ్ సగటు 102.71. తొమ్మిదిసార్లు సిక్స్తో మ్యాచ్ ముగించాడు. 2011 వరల్డ్ కప్ ఫైనల్లో నువాన్ కులశేఖర బౌలింగ్లో కొట్టిన సిక్స్ ఇప్పటికీ అభిమానులకు ఒక బెస్ట్ మెమొరి.
మరోవైపు ధోనీకి ఉన్న క్రేజ్ విషయంలో చెన్నై, ముంబై, బెంగళూరు అనే తేడా ఉండేది కాదు. సీఎస్కే ఎక్కడ ఆడినా పసుపు జెర్సీలు కనిపించేవి. ముఖ్యంగా ధోనీ చివరి ఓవర్లలో బ్యాటింగ్కు వస్తే స్టేడియంలో సౌండ్ వేరుగా ఉండేది. 2024లో వాంఖడే స్టేడియంలో హార్దిక్ పాండ్య బౌలింగ్లో వరుసగా మూడు సిక్సర్లు కొట్టాడు. కేవలం నాలుగు బంతుల్లో 20 పరుగులు చేశాడు. ఆ మ్యాచ్లో చెన్నై సరిగ్గా 20 పరుగుల తేడాతో గెలవడం విశేషం.
అయితే గత కొన్నేళ్లుగా ధోనీ బ్యాటింగ్ చేసే అవకాశాలు తగ్గిపోయాయి. 2025లో కూడా ఎక్కువగా చివరి ఓవర్లలోనే వచ్చాడు. 2026 సీజన్లో గాయం కారణంగా ఒక్క మ్యాచ్ కూడా ఆడలేదు. ఇప్పుడు 45 ఏళ్ల వయసులో ఐపీఎల్కు రిటైర్మెంట్ ప్రకటించాడు. మొత్తం 5,439 ఐపీఎల్ పరుగులు చేసిన ధోనీ.. 2010, 2011, 2018, 2021, 2023లో చెన్నైకి టైటిళ్లు అందించాడు. ఇకపై మెంటార్గా కొనసాగనున్నాడు.
This post was last modified on November 17, 2026 9:18 pm
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…
లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…
చిన్న వయసులో సక్సెస్ రావడం అంత ఈజీ కాదు. దాన్ని నిలబెట్టుకోవడమే పెద్ద ఛాలెంజ్. ఇది అందరి వల్లా కాదు.…