Political News

నేడు గ్రామ స‌భ‌లు.. ప‌వ‌న్ మార్కు ప‌డుతుందా?

ఏపీలో శుక్ర‌వారం ఒక్క‌రోజే గ్రామ స‌భ‌లు నిర్వ‌హించ‌నున్నారు. వాస్త‌వానికి వారం రోజుల పాటు గ్రామ స‌భ లు నిర్వ‌హించాల‌ని ముందుగానే అనుకున్నారు. కానీ, కొన్ని కార‌ణాల‌తో స‌భ‌ల‌ను ఒక్క‌రోజుకే ప‌రిమితం చేశారు. పంచాయ‌తీరాజ్ శాఖ ప‌రిధిలో జ‌రిగే ఈ స‌భ‌ల వెనుక డిప్యూటీ సీఎం ప‌వ‌న్ క‌ల్యాణ్ ముద్ర ఉంది. ఆయ‌న ఏరికోరి ఈ స‌భ‌ల‌ను నిర్వ‌హిస్తున్నారు. వాస్త‌వానికి సుమారు 10 ఏళ్ల కింద‌ట మాత్ర‌మే గ్రామ స‌భ‌లు నిర్వ‌హించారు. ఆ త‌ర్వాత‌.. వాటి జాడ ఎక్క‌డా క‌నిపించ‌లేదు.

దీనికి కార‌ణం.. గ్రామీణ ప్రాంతాల్లో స‌మ‌స్య‌ల‌కు, రాష్ట్ర ఆర్థిక ప‌రిస్థితికి-కేంద్ర ప‌థ‌కాల‌కు మ‌ధ్య సంబంధం ఉండ‌డ‌మే. గ్రామీణ ప్రాంతాల అభివృద్ధికి కేంద్రం ఇస్తున్న నిధుల్లో కొంత త‌మ వాటా కూడా క‌లిపి రాష్ట్ర ప్ర‌భుత్వాలు ఖ‌ర్చు చేయాలి. కానీ, గ‌త కొన్నేళ్లుగా ఇలా చేయ‌డం లేదు. పైగా.. గ్రామీణ అభివృద్దికి ఇచ్చిన సొమ్మును కూడా.. వివిధ రూపాల్లో వేరే కార్య‌క్ర‌మాల‌కు ఖ‌ర్చు చేస్తున్నారు. ఇదే విష‌యాన్ని తాజాగా ప‌వ‌న్ క‌ల్యాణ్ చెప్పుకొచ్చారు.

“గ్రామాల‌కు మ‌నం ఇవ్వాల్సింది పోయి.. మ‌న‌మే వారి సొమ్మును లాగేసుకుంటున్నాం. ఇది చాలా దారుణం” అని వ్యాఖ్యానించారు. అయితే.. ఇక్క‌డ ప‌వ‌న్ ఆవేద‌న‌లో వాస్త‌వం ఉన్నా.. క్షేత్ర‌స్థాయిలోకి వ‌చ్చే సరికి.. మాత్రం దీనిని స‌రిదిద్దుకునే ప్ర‌య‌త్నంలో ఏ ప్ర‌భుత్వ‌మూ లేదు. బీజేపీ పాలిత రాష్ట్రాల్లోనూ ఇలానే ఉంది. ఇప్పుడు.. దీనిని స‌రిదిద్ది.. కేంద్రం నుంచి వ‌చ్చే గ్రాంట్ల‌ను నేరుగా గ్రామాల‌కు ఇచ్చేయాల‌న్న‌ది ప‌వ‌న్ సూచ‌న‌. దీనికి రాష్ట్ర వాటా కూడా క‌ల‌పాల‌న్న‌ది ఆయ‌న భావ‌న‌.

కానీ, ఈ రెండు చేయ‌డం అంత ఈజీకాదు. పోనీ.. రెండోది చేయ‌లేక‌పోయినా.. మొద‌టిది అయినా.. చేస్తారా? అంటే.. దీనికి ఎంతో కృత నిశ్చ‌యం కావాలి. ఎందుకంటే.. ప్ర‌భుత్వాలు త‌మ శ‌క్తికి మించిన భారాల‌ను నెత్తిన పెట్టుకున్న‌ప్పుడు.. ఎటు నుంచి నిధులు వ‌చ్చినా.. వాడేయ‌డం త‌ప్ప‌.. నిర్దేశిత కార్య‌క్ర‌మానికి ఇవ్వాల‌న్న ప‌రిస్థితి అయితే క‌నిపించ‌డం లేదు. ఇప్పుడు ఆ ప‌రిస్థితిని మార్చి.. ఖ‌చ్చితంగా గ్రామీణ ప్రాంతాల నిధుల‌ను వాటికే ఇస్తే.. ప‌వ‌న్ ముద్ర ప‌డిన‌ట్టే. కానీ, అలా జ‌రుగుతుందా? అనేది చూడాలి.

ఇక‌, ఈ గ్రామ స‌భ‌ల్లో ఉపాధి హామీ ప‌థ‌కానికి సంబంధించి కీల‌క నిర్ణ‌యాలు అమ‌లు చేయాల‌న్న‌ది ప‌వ‌న్ భావ‌న‌. ఉపాధి ప‌నుల‌ను పెద్ద ఎత్తున పెంచి.. సోష‌ల్ ఆడిటింగ్ చేయించాల‌న్న‌ది ఆయ‌న ఉద్దేశం. కానీ, ఇది కూడా అంత ఈజీ కాదు. గ్రామీణ ప్రాంతాల్లో పార్టీల‌కు బ‌లంగా ఉన్న నాయ‌కులకు ఉపాధి హామీ ప‌థ‌కం ఒక ఆదాయ వ‌న‌రుగా మారిపోయింది. త‌మ‌వారి పేర్ల‌ను జోడించి.. వారు ప‌నిచేసినా.. చేయ‌క‌పోయినా.. డ‌బ్బులు తీసుకుని దానిలో కొంత క‌మీష‌న్ జేబులో వేసుకుంటూ.. పార్టీల‌నేత‌లు కాలం వెళ్ల‌దీస్తున్నారు. దీనిలో ఆ పార్టీ.. ఈ పార్టీ అనే తేడాలేదు.

ఇప్పుడు వారి అక్ర‌మార్జ‌న‌కు బ్రేకులు వేయాల‌న్న ప‌వ‌న్ నిర్ణ‌యం ఏమేర‌కు సాకారం అవుతుంద‌నేది చూడాలి. కానీ, ఇది కూడా అంత ఈజీకాదు. క్షేత్ర‌స్థాయిలో పార్టీ బ‌లంగా ఉండాలంటే.. నాయ‌కుల‌ను చూసీ చూడ‌న‌ట్టు వ‌దిలేయాల‌న్న భావ‌న పార్టీల్లోనే ఉంది. సో.. ప‌వ‌న్ ఆద‌ర్శాలు బాగానే ఉన్నా.. ఫ‌లితాలు.. దానికి తగిన‌ట్టు వ‌చ్చేందుకు అవ‌కాశం అయితే క‌నిపించ‌డం లేదు. అందుకే.. మొద‌ట్లోనే ఆయ‌న ఆలోచ‌న‌ల‌కు బ్రేక్ ప‌డుతూ.. ఏడు రోజులు కాస్తా.. ఒక్క‌రోజుకు వ‌చ్చింది.

This post was last modified on August 23, 2024 12:10 pm

Share

Recent Posts

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

10 minutes ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

10 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

10 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

11 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

11 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

11 hours ago