Political News

జంతర్ మంతర్… కేసీఆర్ ముందే పసిగట్టారా?

సీఈసీ జ్ఞానేశ్ కుమార్ రాజీనామా కోరుతూ కాక్రోచ్ జనతా పార్టీ ఢిల్లీలో నిరసన చేస్తోన్న సంగతి తెలిసిందే. ఈ నిరసనలకు కాంగ్రెస్ సహా పలు బీజేపీ వ్యతిరేక పార్టీలు, సామాజిక కార్యకర్తలు, యువత, విద్యార్థులు ఈ నిరసనల్లో పాల్గొంటున్నారు. భారత్ లో కూడా నేపాల్ తరహాలో జెన్ జీ ఉద్యమం వచ్చిందని, కేంద్ర విద్యాశాఖా మంత్రి ధర్మేంద్ర ప్రధాన్ రాజీనామా అందుకు నిదర్శనమని రాజకీయ విశ్లేషకులు సైతం అభిప్రాయపడుతున్నారు. అదే మాదిరిగా ఇప్పుడు జ్ఞానేశ్ కుమార్ కూడా రాజీనామా చేయక తప్పదని అంటున్నారు.

అయితే, దేశంలోని యువత ఈ తరహా జెన్ జీ ఉద్యం చేయాలని, బీజేపీని తరిమికొట్టాలని తెలంగాణ మాజీ సీఎం, బీఆర్ఎస్ అధినేత కేసీఆర్ కొద్ది సంవత్సరాల క్రితమే చెప్పడం గమనార్హం. ప్రస్తుతం ఆయన చెప్పినట్లే యువత ముదుకు వచ్చి బీజేపీకి వ్యతిరేకంగా పోరాడుతున్న వైనాన్ని బీఆర్ఎస్ నేతలు సోషల్ మీడియాలో షేర్ చేస్తూ కేసీఆర్ పాత వీడియోను వైరల్ చేస్తున్నారు. దేశంలో జీడీపీ పతనమైందని, రూపాయి విలువ పతనమైందని, ఇంకా కాబోతోందని కొన్నేళ్ల క్రితమే కేసీఆర్ జోస్యం చెప్పారు ఆ వీడియోలో. తాను చెబుతున్నవన్నీ కఠోర వాస్తవాలని కేసీఆర్ అప్పట్లోనే చెప్పారు.

దేశంలోని యువత, విద్యార్థులు, మేధావులు, సామాజిక కార్యకర్తలు కలిసికట్టుగా బీజేపీ విధానాలకు వ్యతిరేకంగా కదం తొక్కాలని కేసీఆర్ గతంలోనే పిలుపునిచ్చారు. ఆ పిలుపునకు తగ్గట్లుగానే ఇప్పుడు ఢిల్లీలో వారంతా కలిసి జ్ఞానేశ్ కుమార్ రాజీనామా కోసం ఒక్కచోట చేరారు. ఇక, విదేశీ మారకం విలువ కూడా భారీగా పతనమవుతోందని, కేంద్ర ప్రభుత్వ అస్తవ్యస్థ విధానాల వల్లే ఇలా జరుగుతోందని కేసీఆర్ గతంలోనే ఆగ్రహం వ్యక్తం చేశారు.

ఈ దేశ భవిష్యత్తు యువత చేతుల్లో ఉందని, దానిని కాపాడుకునేందుకు వారంతా ముందుకు రావాలని కేసీఆర్ పిలుపునిచ్చారు. ఇలా కేసీఆర్ చెప్పింది జరుగుతున్న నేపథ్యంలో బీఆర్ఎస్ కార్యకర్తలు తమ నేత ముందు చూపు ఇదీ అంటూ సోషల్ మీడియాలో ప్రశంసలు కురిపిస్తున్నారు. బీజేపీ వ్యతిరేక పార్టీలన్నింటినీ కలిపి కూటమిగా ఏర్పాటు చేయాలని మొట్టమొదట ప్రయత్నించింది కూడా కేసీఆర్ అని గుర్తు చేస్తున్నారు

This post was last modified on October 10, 2026 1:54 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

3 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

3 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

4 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

4 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

5 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

5 hours ago