వైసీపీ సీనియర్ నేత, మాజీ మంత్రి, పుంగనూరు ఎమ్మెల్యే పెద్దిరెడ్డి రామచంద్రారెడ్డి.. విచారణను ఎదుర్కొనాల్సిందేనని సుప్రీంకోర్టు తేల్చి చెప్పింది. ఎలాంటి మధ్యంతర ఉపశమనం కల్పించబోమని పేర్కొంది. భూముల ఆక్రమణలు సర్వసాధారణంగా మారిపోయాయని.. శ్మశానాలు, దేవాలయ, మఠాల భూములను కూడా ఆక్రమించు కుంటున్నారని.. ఇలాంటి వారికి న్యాయ వ్యవస్థ మద్దతు పలకదని స్పష్టం చేసింది. మీపై వచ్చిన ఆరోపణలు రాజకీయం అంటున్నప్పుడు.. వారిని ఎదుర్కొనే బాధ్యత మీపైనే ఉంటుంది. విచారణను ఎదుర్కోండి అని వ్యాఖ్యానించింది.
ఏంటి వివాదం..
తిరుపతిలోని మారుతీనగర్లో పెద్దిరెడ్డి రామచంద్రారెడ్డి నివాసానికి ఆనుకుని ఉన్న సుమారు 3.88 ఎకరాల బుగ్గమఠం భూములను ఆయన ఆక్రమించారని టీడీపీ నేతలు, మఠం నిర్వాహకులు గతంలో ఆరోపించారు. దీంతో ప్రభుత్వం విచారణకు ఆదేశించింది. రంగంలోకి దిగిన రెవెన్యూ అధికారులు.. ఈ భూముల్లో పెద్దిరెడ్డి కార్యాలయం, వాహనాల పార్కింగ్ ఏర్పాటు చేశారని, సీసీ రోడ్డు వేసారని అధికారులు గుర్తించారు.
అనంతరం. ఈ భూములను ఖాళీ చేయాలని దేవాదయ అధికారులు పెద్దిరెడ్డికి నోటీసులు ఇచ్చారు. అనంతరం.. ప్రభుత్వం కూడా కలెక్టర్ ద్వారా ఖాళీ చేయించేందుకు ఉత్తర్వులు జారీ చేసింది. అయితే.. పెద్దిరెడ్డి గత ఏడాదే దీనిపై హైకోర్టులో పిటిషన్ వేశారు. ఆరు మాసాలకు పైగా జరిగిన విచారణలో హైకోర్టు.. పెద్దిరెడ్డికి వ్యతిరేకంగా తీర్పు ఇచ్చింది. సంబంధిత భూముల రికార్డులను ప్రభుత్వానికి అందించాలని ఆదేశించింది. దీనిపై తదనంతరం ఆయన సుప్రీంకోర్టులో పిటిషన్ వేశారు.
తాజాగా సోమవారం ఈ పిటిషన్పై విచారణ జరగ్గా.. బుగ్గమఠం భూముల వ్యవహారంలో తాము జోక్యం చేసుకునేది లేదని సుప్రీంకోర్టు స్పష్టం చేసింది. అంతేకాదు.. ఏపీ హైకోర్టు ఇచ్చిన తీర్పును సమర్థించింది. దేవాదాయ, ధర్మాదాయ ట్రైబ్యునల్ను ఆశ్రయించాలని జస్టిస్ విశ్వనాథన్, జస్టిస్ అరుణ్ ధర్మాసనం స్పష్టం చేసింది. తప్పులేనప్పుడు విచారణను ఎదుర్కోవడంలో సందేహం ఎందుకని ప్రశ్నించింది. దీంతో పెద్దిరెడ్డికి భారీ షాక్ తగిలినట్టు అయింది.
This post was last modified on October 6, 2026 1:00 pm
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…