ఏపీ సీఎం చంద్రబాబు సాధారణ ప్రజలతో ఇటీవల కాలంలో మమేకమవుతున్నారు. ఈ క్రమంలో తాజాగా ఆయన ఎక్స్ వేదికగా పోస్టు చేసిన ఓ వీడియో అందరినీ కడుపుబ్బ నవ్విస్తోంది. ఈ వీడియోకు స్వయంగా చంద్రబాబే.. ‘నవ్వకుండా ఉండలేరు’ అని వ్యాఖ్యానించడం గమనార్హం. ప్రస్తుతం ఈ వీడియో పెద్ద ఎత్తున వైరల్గా మారింది.
ఏంటా వీడియో..
కలెక్టర్ కుర్చీలో ఓ చిన్నారి కూర్చున్నాడు. తనముందున్న నేమ్ ప్లేట్పై ‘ఆర్నా ఐఏఎస్’ అని రాసుంది. ఈ సమయంలో ఆ చిన్నారి ముందు ఓ ల్యాప్ట్యాప్, ఓ పుస్తకం కూడా ఉన్నాయి. పుస్తకంపై ఏదో రాసుకుంటూ.. ల్యాప్ట్యాప్లో చూస్తూ.. సీఎం చంద్రబాబుతోనే వీడియో కాన్ఫరెన్స్లో పాల్గొన్నట్టుగా ఆ వీడియో స్పష్టం అవుతుంది. అయితే.. ఈ దృశ్యాన్నంతా ఆ చిన్నారి తండ్రి కిటికీలోంచి చూస్తున్నాడు.
దీనిని గమనించిన చిన్నారి.. ఆ వెంటనే వీడియో కాన్ఫరెన్సు ముగిసిందంటూ ల్యాప్ట్యాప్ను క్లోజ్ చేస్తాడు. అంతేకాదు.. ‘బై సీబీఎన్ అంకుల్. ఇప్పుడు మీతో నేను మాట్లాడలేను.’ అని వ్యాఖ్యానిస్తాడు. అనంతరం తండ్రి తన వద్దకు రాగానే పాదాలకు నమస్కరిస్తాడు. అయితే.. ఈ మొత్తం వీడియోను ఆర్టిఫిషియల్ ఇంటెలిజెన్స్(ఏఐ)తోనే రూపొందించారు.
ఈ వీడియోను తన ఎక్స్లో పోస్టు చేసిన చంద్రబాబు.. దీనిని చూసిన వారు నవ్వకుండా ఉండలేరు.. అని వ్యాఖ్యానించడం గమనార్హం. కాగా.. ఇటీవల కాలంలో సాధారణ ప్రజలకు కూడా ముఖ్యమంత్రి బాగా కనెక్ట్ అవుతున్నారు. వాస్తవానికి పాలనా పరమైన, రాజకీయ పరమైన కార్యక్రమాలతో ఒత్తిడిగా ఉండే చంద్రబాబు.. ఇలా.. సరదా పోస్టులను కూడా చూస్తారని.. వీటిని సోషల్ మీడియాలో పోస్టు చేస్తారని ఎవరూ ఊహించరు. కానీ, మారుతున్న కాలంలో అందరికీ చేరువ అయ్యేలా చంద్రబాబు మారుతున్నారనడానికి ఇలాంటి ఘటనలు ఉదాహరణగా నిలుస్తున్నాయి.
This post was last modified on June 26, 2026 5:38 pm
వైద్యరంగంలో సాంకేతిక పరిజ్ఞానం అభివృద్ధి చెందుతున్న కొద్దీ ఒకప్పుడు అసాధ్యమనుకున్న చికిత్సలు కూడా సాధ్యమవుతున్నాయి. ప్రాణాపాయ పరిస్థితుల్లో ఉన్న చిన్నారులకు…
ఇంకో హాట్ క్లాష్ కు టాలీవుడ్ బాక్సాఫీస్ సిద్ధమవుతోంది. నవంబర్ మొదటి వారంలో రామాయణ పార్ట్ 1, సీన్ రెండు…
నిన్న హైదరాబాద్ లో ఆకాశంలో ఒక తార ప్రీ రిలీజ్ ఈవెంట్ జరిగింది. ఐకాన్ స్టార్ అల్లు అర్జున్ ముఖ్య…
సోషల్ మీడియాలో పాపులారిటీ తెచ్చుకున్న మౌళికి లిటిల్ హార్ట్స్ రూపంలో గత ఏడాది అదిరిపోయే డెబ్యూ దొరికింది. సింపుల్ లవ్…
పరివర్తన రాజనీతి పార్టీ(పీఆర్ పీ) పేరుతో సొంత పార్టీని స్థాపించుకున్న వైసీపీ మాజీ నేత, రాజ్యసభ మాజీ ఎంపీ వేణుంబాకం…
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…