ప్రధాన మంత్రి నరేంద్ర మోడీ విషయంలో తెలంగాణ ముఖ్యమంత్రి రేవంత్ రెడ్డి అనుసరిస్తున్న తీరు.. గత ముఖ్యమంత్రి కేసీఆర్ వ్యవహరించిన తీరుకు భిన్నంగా ఉండడం గమనార్హం. ఒకవైపు రాజకీయంగా బీజేపీపై ఆయన కొట్లాడుతూనే.. దాని ప్రభావం ప్రధాని మోడీపైనా.. కేంద్ర ప్రభుత్వంపైనా పడకుండా జాగ్రత్తలు తీసుకుంటున్నారు. తాజాగా హైదరాబాద్ పర్యటనకు వచ్చిన ప్రధానిని స్వాగతించడం నుంచి సత్కరించడం వరకు రేవంత్ రెడ్డి తనదైన ముద్ర వేశారు.
ఒకవైపు.. తాను అడగాల్సిన ప్రశ్నలను సూటిగానే సభా వేదికపైనే అడుగుతున్నారు. అయితే.. గతంలో కేసీఆర్ తొలినాళ్లలో ప్రధానితో కలివిడిగా వ్యవహరించినా.. తేడా వచ్చిన తర్వాత ఆయన మొహం కూడా చూడలేదు. వాస్తవానికి ధాన్యం కొనుగోళ్ల నుంచి పన్నుల్లో వాటాల వరకు ఇప్పుడు కూడా నాటి పరిస్థితులే ఉన్నాయి. అయినప్పటికీ రేవంత్ రెడ్డి నేరుగా తలపడకుండా కర్ర విరక్కుండా.. పాము చావకుండా అన్నట్టుగా సుతిమెత్తగా తన వైఖరిని స్పష్టం చేస్తూ.. ప్రధానిని ప్రసన్నం చేసుకునే పనిలో ఉన్నట్టు స్పష్టంగా తెలుస్తోంది.
అందుకే నేరుగా తెలంగాణకు ఏమీ చేయలేదు.. అందుకే పనులు ముందుకు సాగడం లేదు.. అని కరాఖండీగా చెప్పకుండా చాలా వ్యూహాత్మకంగా వ్యవహరించారు. వికసిత్ భారత్ సంకల్పం నెరవేరాలంటే.. తెలంగాణలో కూడా అభివృద్ధి పరుగులు పెట్టాల్సిన అవసరం ఉందని చెప్పడం ద్వారా మోడీ వైఖరిని ఆయన పరోక్షంగా ప్రశ్నించినట్టు అయింది.
ఇక, దేశంలో తక్కువ జనాభా ఉండి కూడా.. ఎక్కువ మొత్తంలో పన్నులు కడుతున్నామని చెప్పడం ద్వారా కేంద్రం తమకు తక్కువ వాటా ఇస్తోందని ఇది తగదని చెప్పడం గమనార్హం. మొత్తంగా గతంలో కేసీఆర్ అనుసరించిన వైఖరికి భిన్నమైన వైఖరి తీసుకుని మోడీని మెప్పించేలా ముందుకు సాగారన్నది చర్చకు వస్తోంది.
ఘన సత్కారం..
హైదరాబాద్ పర్యటనకు వచ్చిన ప్రధాని మోడీని సీఎం రేవంత్ రెడ్డి ఘనంగానే సత్కరించారు. అసలు సభకు కూడా వస్తారో రారో అన్న సందేహాలను పటాపంచలు చేసి.. సభకు వచ్చిన రేవంత్ రెడ్డి.. 10 కిలోల వెండితో రూపొందించిన నంది విగ్రహాన్ని ప్రధానికి కానుకగా ఇచ్చారు.
అలాగే.. తెలంగాణకు ప్రత్యేకమైన పోచంపల్లి పట్టు వస్త్రాన్ని ఆయనకు అలంకరించి.. తెలంగాణ సంప్రదాయాన్ని పాటించారు. అదేసమయంలో హద్దు మీరి పొగడనూ లేదు. అలాగని ఎక్కడా విమర్శించనూ లేదు. దీంతో ప్రధాని సభలో రేవంత్ రెడ్డి అనుసరించిన భిన్నమైన వైఖరి స్పష్టంగా కనిపించింది..
దక్షిణాది గానకోకిలగా కోట్లాది మంది అభిమానుల ప్రేమను సొంతం చేసుకున్న ప్రముఖ గాయని ఎస్. జానకి (88) కన్నుమూశారు. ఆమె…
వైసీపీ అధినేత జగన్పై సీఎం చంద్రబాబు షాకింగ్ కామెంట్స్ చేశారు. తెలంగాణలోని రంగారెడ్డి జిల్లా షాబాద్లో ఓ వ్యక్తి ఆరుగురిని…
ఏపీలో ఆసక్తి రేకెత్తించిన జోసెఫ్ రావణ్ అలియాస్ ప్రశ్న రావణ్ వ్యవహారంపై కొత్త కొత్త విషయాలు బయటకు వస్తున్నాయి. జనసేన అదినేత,…
అమెరికా అధ్యక్షుడి హోదాలో డొనాల్డ్ ట్రంప్ తీసుకుంటున్న విచిత్రమైన నిర్ణయాలతో ఆ దేశ ప్రజలతో పాటు ఆ దేశంలోని విదేశీయులు నానా ఇబ్బందులు పడుతున్నారు.…
విహార యాత్రల్లో ప్రమాదం జరిగితే పరిస్థితి ఎలా ఉంటుందో ప్రత్యేకంగా చెప్పాల్సిన పని లేదు. అలాంటిదే ఇప్పుడు వియత్నాంలో జరిగింది. వియత్నాంలో…
జనసేన అధినేత, ఏపీ డిప్యూటీ సీఎం పవన్ కల్యాణ్ కు శనివారం శస్త్ర చికిత్స జరిగింది. ముంబైలో జరిగిన ఈ శస్త్ర…