Political News

ఎన్టీఆర్, ఎంజీఆర్.. మధ్యలో విజయ్

దేశంలో సినిమా వాళ్లను దేవుళ్లలా ఆరాధించి, వారికి రాజకీయాల్లోనూ అద్భుత ఫలితాలు అందించడంలో దక్షిణాది రాష్ట్రాలైన తమిళనాడు, ఆంధ్రప్రదేశ్‌ ముందుంటాయి. తమిళనాట ముఖ్యమంత్రులుగా సుదీర్ఘ కాలం పాలన చేసిన కరుణానిధి, ఎంజీఆర్, జయలలిత ముగ్గురూ సినిమా వాళ్లే. ఇప్పుడు ముఖ్యమంత్రి పదవి చేపట్టే దిశగా దూసుకెళ్తున్న విజయ్ కూడా సినిమా వాడే. ఇక తెలుగు రాష్ట్రాల విషయానికి వస్తే ఎన్టీఆర్ పార్టీ పెట్టిన తొలి ప్రయత్నంలోనే ముఖ్యమంత్రి అయ్యారు. ఆ తర్వాత మరోసారి ముఖ్యమంత్రి పదవిని చేపట్టారు. మెగాస్టార్ చిరంజీవి అధికారంలోకి రాలేకపోయినా.. మంచి ఫలితాలే రాబట్టారు. పవన్ కళ్యాణ్ ఒక ఎన్నికలో ఎదురు దెబ్బ తిన్నాక, రెండో ప్రయత్నంలో డిప్యూటీ సీఎం అయ్యారు.

సినిమాల నుంచి రాజకీయాల్లోకి వచ్చి అద్భుత ఫలితాలు రాబట్టిన వారిలో విజయ్ స్థానం ఎక్కడ అన్నది ఆసక్తికరం. ఈ ఒరవడిలో ఎప్పటికీ నందమూరి తారక రామారావుదే అగ్రస్థానం. ఆయన రికార్డును బద్దలు కొట్టడం ఇంకెవరికీ సాధ్యం కాకపోవచ్చు కూడా. ఆయన 1982 మార్చిలో తెలుగుదేశం పార్టీని పెట్టి.. తర్వాతి ఏడాది జనవరికే ముఖ్యమంత్రి అయిపోయారు. పార్టీ పెట్టాక కేవలం తొమ్మిది నెలల్లోనే ఆయన అధికారం చేపట్టారు. 2009 ఎన్నికల్లో ఈ రికార్డును బద్దలు కొట్టాలన్న టార్గెట్‌తో పార్టీ పెట్టిన 8 నెలల్లోనే సీఎం అవ్వాలని చిరంజీవి ప్రయత్నించారు కానీ.. ఆయన కల నెరవేరలేదు.

తమిళనాడులో ఇప్పటిదాకా పార్టీ పెట్టిన తర్వాత అతి తక్కువ సమయంలో సీఎం అయింది ఎంజీఆర్. అప్పటికే డీఎంకే పార్టీలో ఎమ్మెల్యే అయి ముఖ్య నేతల్లో ఒకరిగా ఉన్న ఎంజీఆర్, తర్వాత కరుణానిధితో విభేదించి 1972లో అన్నాడీఎంకే పార్టీ పెట్టారు. ఇంకో ఐదేళ్లకు 1977లో ఆయన ముఖ్యమంత్రి అయ్యారు. ఇప్పుడు విజయ్ పార్టీ పెట్టిన రెండేళ్లకు సీఎం అవుతున్నారు. అంటే ఎంజీఆర్ కంటే ఆయనది గొప్ప విజయంగా చెప్పాలి. కానీ ఎన్టీఆర్‌ తర్వాత పార్టీ పెట్టాక అతి తక్కువ సమయంలో సీఎం అయిన నేతల్లో ఆయన రెండో స్థానంలో నిలుస్తారు. ఈ స్థానాల్లో ఇక మార్పు రావడం అన్నది దాదాపు అసాధ్యంగా కనిపిస్తోంది.

This post was last modified on May 5, 2026 8:03 am

Share

Recent Posts

లేట్ చేసిన నాయుడులో మ్యాటర్ ఉంది

సుదీర్ఘంగా నిర్మాణంలో ఉండి విడుదల కోసం నెలలు సంవత్సరాలు ఎదురు చూసిన టైసన్ నాయుడు ఎట్టకేలకు ప్రేక్షకుల ముందుకు వచ్చేందుకు…

35 minutes ago

దుల్కర్ హీరోగా ప్రొడ్యూసర్ నాని సినిమా

న్యాచురల్ స్టార్ నాని తన వాల్ పోస్టర్ బ్యానర్ మీద సినిమాలను చాలా ప్రత్యేకంగా ప్లాన్ చేసుకున్న సంగతి తెలిసిందే.…

47 minutes ago

7 కోట్ల మోసంపై మౌనం వీడిన పవన్ పీఏ రుక్మిణి

ప్రభుత్వ ఉద్యోగాలిప్పిస్తానంటూ జనసేన కార్యాలయం పేరుతో ఏడు కోట్ల రూపాయలు వసూలు చేసినట్లు వచ్చిన ఆరోపణలు ఏపీ రాజకీయాల్లో దుమారం రేపుతున్నాయి.…

2 hours ago

ఆ వైసీపీ నేతల లెక్క తేలుస్తానన్న జగన్!

స్థానిక సంస్థల ఎన్నికలకు ముందు వైసీపీ ఎమ్మెల్యేలకు, నియోజకవర్గ ఇన్ చార్జ్ లకు ఆ పార్టీ అధినేత జగన్ వార్నింగ్…

8 hours ago

వాహ్ ఇది కదా విజయం అంటే.. ఒకప్పుడు ఫుడ్ డెలివరీ, ఇప్పుడు సొంత AI కంపెనీ!

చేతిలో పెట్టుబడి లేదు.. వ్యాపారంలో అనుభవం లేదు.. అయినా సొంతంగా ఏదైనా సాధించాలనే బలమైన కోరిక ఉంది. అందుకోసం చదువుకుంటూనే…

9 hours ago

‘తల్లిని చెల్లిని అగౌరవపరచడం జగన్ కే చెల్లు’

వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…

13 hours ago