Political News

తునిలో సంచలనం.. అత్యాచార కేసు నిందితుడి ఆత్మహత్య

ఆంధ్రప్రదేశ్‌లోని గోదావరి ప్రాంతంలో మంగళవారం వెలుగులోకి వచ్చిన ఓ ఘటన రాష్ట్ర వ్యాప్తంగా సంచలనం రేపింది. తునిలోని ఒక తోటలో ఒక మైనర్ స్కూల్ బాలిక మీద అత్యాచారం చేయబోతుండగా.. నారాయణరావు అనే వృద్ధుడిని ఓ వ్యక్తి రెడ్ హ్యాండెడ్‌గా పట్టుకుని వీడియో తీయగా అది సోషల్ మీడియాలో వైరల్ అయిపోయింది.

వైసీపీ ఈ వీడియోను సోషల్ మీడియాలో మరింతగా వైరల్ చేసి ప్రభుత్వం మీద విమర్శలు ఎక్కుపెట్టింది. ఈ వ్యవహారం సంచలనం రేపడంతో రాత్రికల్లా పోలీసులు అప్రమత్తం అయ్యారు. నారాయణరావును అరెస్ట్ చేశారు. ఐతే ఒక రాత్రి గడిచేసరికి నారాయణరావు విగతజీవిగా మారడం మరింత సంచలనానికి దారి తీసింది. ఈ రోజు కోమటి అనే చెరువు నుంచి నారాయణరావు మృతదేహాన్ని వెలికి తీశారు.

నారాయణరావు సదరు బాలిక మీద ఇలా అత్యాచారయత్నం చేయడం తొలిసారి కాదని వార్తలు వచ్చాయి. ఆ అమ్మాయిని బెదిరించి పలుమార్లు అదే తోటకు తీసుకొచ్చి లైంగికంగా వేధించినట్లు తెలుస్తోంది. ఐతే ఈసారి ఎవరో వీడియో తీసి అతడి బండారాన్ని బయటపెట్టారు. ఇదేం పని అని నిలదీస్తే.. నేనెవరో తెలుసా.. మున్సిపల్ కౌన్సిలర్‌‌ని.. ఆ అమ్మాయి బాత్రూంకి వెళ్లాలంటే తీసుకొచ్చా అంటూ దబాయించాడు నారాయణరావు. ఈ వీడియో వైరల్ అయి ప్రభుత్వం అప్రమత్తం కావడంతో పోలీసులు ఆలస్యం చేయకుండా నారాయణరావును అరెస్ట్ చేశారు. ఐతే రాత్రి పదిన్నర ప్రాంతంలో అతణ్ని పోలీస్ స్టేషన్‌కు తీసుకెళ్తుండగా.. దారి మధ్యలో తాను బాత్రూం వెళ్లాలని చెప్పడంతో నారాయణరావును విడిచిపెట్టారు. ఐతే అతను నేరుగా వెళ్లి చెరువులో దూకేశాడు.

తెల్లవారుజామున గజ ఈతగాళ్లను పెట్టించి వెతికించగా.. ఉదయానికి నారాయణరావు మృతదేహాన్ని వెలికి తీశారు. పోలీసుల సమాచారం తెలుసుకుని అక్కడికి వచ్చిన కుటుంబ సభ్యులు నారాయణరావు మృతిపై సందేహాలు వ్యక్తం చేస్తూ గొడవ చేశారు. రాత్రి చెరువులో దూకితే ఉదయం కానీ పోలీసులు విషయం చెప్పలేదని.. ఇది ఆత్మహత్య కాదని.. పోలీసులే చంపేశారని ఆరోపించారు. అనంతరం పోలీసులు నారాయణరావు మృతదేహాన్ని పోస్టుమార్టం కోసం తరలించారు.

This post was last modified on October 23, 2025 1:07 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

9 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

9 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

9 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago