తెలంగాణలో కీలకమైన జూబ్లీహిల్స్ (నగరానికి నడిబొడ్డున ఉన్న నియోజకవర్గం) నియోజకవర్గంలో ఉప ఎన్నికకు రంగం సిద్ధమైంది. ఈ నెల 13 నుండి నామినేషన్లు ప్రారంభం కానున్నాయి. సాధారణంగా జూబ్లీహిల్స్ నుంచి ప్రధాన పార్టీలతో పాటు చిన్న చిత్కా పార్టీలు, స్వతంత్ర అభ్యర్థులు కూడా భారీగా పోటీకి దిగుతుంటారు. గతంలోనూ ఇదే పరిస్థితి ఉన్నది. అయితే, ప్రస్తుతం ట్రెండ్ను చూస్తే, కేవలం 22 నెలల్లో జూబ్లీహిల్స్ ఉప ఎన్నిక తెరమీదకు వచ్చిందన్నది గమనార్హం.
గత ఎన్నికల్లో విజయం సాధించిన బీఆర్ఎస్ నాయకుడు, ప్రముఖ వ్యాపారవేత్త మాగంటి గోపీనాథ్ అనారోగ్యంతో అకస్మాత్తుగా మరణించారు. ఈ నేపథ్యంలో ఆయన సతీమణి మాగంటి సునీతకు బీఆర్ఎస్ పార్టీ వ్యూహాత్మకంగా టికెట్ ప్రకటించింది. ఆమెకు పార్టీ, సామాజిక వర్గం సహా అన్ని వర్గాల నుండి మద్దతు లభించే అవకాశం ఉందని చర్చ జరుగుతోంది. ప్రస్తుతానికి స్థానికంగా అనేక సర్వేలు నిర్వహించబడ్డాయి. ప్రతి సర్వేలో సానుభూతి స్పష్టంగా కనిపిస్తోంది, ముఖ్యంగా మహిళలు మాగంటి కుటుంబం వెనుక ఉన్నారని తెలుస్తోంది.
కమ్మ సామాజిక వర్గానికి ఎక్కువ ప్రాధాన్యం ఉన్న ఈ నియోజకవర్గంలో సెటిలర్లు, మిక్స్డ్ పీపుల్ ట్రెండ్ కనిపిస్తోంది. బీసీలు ఎక్కువగా ఉన్నప్పటికీ, కేసీఆర్ సెంటిమెంట్ బాగా కనిపిస్తోంది. అందుకే గత రెండు ఎన్నికల్లో బీఆర్ఎస్ ఇక్కడ పాగా వేసింది, మాగంటి ఫ్యామిలీని ప్రజలు భుజాలకెత్తుకున్నారు. 2014లో టీడీపీ తరఫున గెలిచిన మాగంటి తర్వాత కేసీఆర్ పంచన్ చేశారు. ఇప్పుడు కూడా అదే కుటుంబం నుంచి మాగంటి సునీత బరిలో ఉన్న నేపధ్యంలో ఆమెకు పలు రూపాల్లో పరిస్థితులు కలిసివస్తున్నాయి.
ఫ్యాక్టర్లు:
బలమైన కమ్మ వర్గానికి చెందిన నాయకురాలు: ఈ వర్గం ఓట్లు సుమారు 30% అని అంచనా.
ప్రజలకు చేరువైన కుటుంబం: సామాన్య అభివృద్ధి, పేదలకు ఇళ్ల నిర్మాణం, ఏ సమస్య వచ్చినా ఆదుకునే పరిస్థితి ఉంది.
మహిళా సెంటిమెంట్: రాష్ట్ర విభజన తర్వాత, ఇప్పటి వరకు జూబ్లీహిల్స్ నుండి మహిళా అభ్యర్థులు పోటీ చేయలేకపోయారు. కీలక పార్టీల తరఫున కూడా అడ్డంగా నిల్వలేదు. మాగంటి సునీత మొదటిసారిగా రంగంలోకి దిగుతున్నారు.
సానుభూతి వెల్లువ: భర్త గోపీనాథ్ మరణంతో ఆమెకు సానుభూతి వెల్లువ కలిసివస్తుందనే చర్చ కొనసాగుతోంది.
ప్రతిష్టాత్మకం: ఈ ఉప పోరును బీఆర్ఎస్ నాయకులు ప్రతిష్టాత్మకంగా తీసుకున్నారు. కాబట్టి పక్కా ప్రణాళికతో ప్రచార కార్యక్రమాలు ప్రారంభించనున్నారు.
మొత్తం మీద, పలు అంశాలు మాగంటి సునీతకు అనుకూలంగా పని చేస్తున్నాయనడంలో సందేహం లేదు.
This post was last modified on October 9, 2025 12:53 pm
భారత దేశ రాజకీయాల్లో ఎన్నో పార్టీలు పుడుతున్నాయి. ఆ వెంటనే కనుమరుగు అవుతున్నాయి. ఎక్కడో ఒకటి అరా పార్టీలు కొనసాగుతున్నా... అవన్నీ దాదాపుగా…
టాలీవుడ్లో క్యారెక్టర్ రోల్స్ తో ప్రత్యేక గుర్తింపు సంపాదించుకున్న నటి సురేఖా వాణి. వందల సంఖ్యలో సినిమాలు చేసిన ఆమెకు…
ఈ వారం టాలీవుడ్లో ఒక ఆసక్తికర అరంగేట్రం జరిగింది. ఇండస్ట్రీలో అతి పెద్ద కుటుంబాల్లో ఒకటైన ఘట్టమనేని ఫ్యామిలీ నుంచి…
వైసీపీలో జగన్ అంటే ప్రాణం పెట్టేవారే ఉన్నారని, ఆయన గీసిన గీత దాటబోరని చెప్పే వారు కనిపిస్తారు. అయితే.. తాజాగా…
కథానాయికగా మలయాళంలో పరిచయం అయి.. తెలుగులో మంచి ఫాలోయింగ్, అవకాశాలు అందుకున్న అమ్మాయి అనుపమ పరమేశ్వరన్. ఆమె కెరీర్లో ఎక్కువ…
వైసీపీ నాయకుడు వాసుపల్లి గణేష్ ఎయిర్ పోర్టుకి పెళ్లికి లింక్ పెట్టి మాట్లాడ్డం సోషల్ మీడియాలో ట్రోల్ అవుతుంది. ఊరందరిదీ…