తమిళనాట సినిమాల్లో దళపతిగా పేరు తెచ్చుకుని ఇటీవలే రాజకీయాల్లోకి వచ్చిన విజయ్ ఇప్పుడు చక్రబందంలో చిక్కుకున్నారనే చెప్పాలి. తమిళ వెట్రి కళగం (టీవీకే) పేరిట పార్టీ పెట్టిన విజయ్.. మరో 7 నెలల్లో జరగనున్న అసెంబ్లీ ఎన్నికల్లో విజయమే లక్ష్యంగా ముందుకు సాగుతున్నారు. ఈ క్రమంలో రెండు రోజుల క్రితం కరూర్ లో విజయ్ నిర్వహించిన ర్యాలీలో 41 మంది చనిపోయారు. ఈ ఘటన తమిళనాట రాజకీయ ప్రకంపనలను రేపింది. అందులో భాగంగా కాంగ్రెస్ పార్టీ అగ్రనేత రాహుల్ గాంధీ మంగళవారం విజయ్ కు ఫోన్ చేసి అండగా ఉంటామంటూ భరోసా ఇచ్చారు.
ఈ ఫోన్ కాల్… అటు ఇండియా కూటమి, ఇటు ఎన్డీఏ కూటమి బృందాలు తమిళనాడు చేరుకుని ఘటనా స్థలాన్ని పరిశీలిస్తున్న సమయంలోనే చోటుచేసుకుంది. ఇప్పటిదాకా విజయ్ ఏ పార్టీతోనూ పొత్తు లేదని ప్రకటించిన సంగతి తెలిసిందే. ఒంటరిగానే బరిలోకి దిగుతామని ఆయన పేర్కొన్నారు. ఇప్పుడు కరూర్ ఘటనతో విజయ్ పరిస్థితి ఏమిటన్నది ఆసక్తికరంగా మారింది. విజయ్ కు ఇప్పుడు ఇండియా కూటమి గానీ లేదంటే ఎన్డీఏ కూటమి మద్దతు గానీ తప్పనిసరిగా అవసరం అన్న విశ్లేషణలు సాగుతున్నాయి. మరి విజయ్ ఎవరి వైపు మొగ్గుతారన్నది ఆసక్తికరంగా మారింది.
తమిళనాడులో ఇండియా కూటమిలోని కీలక భాగస్వామి డీఎంకే అధికారంలో ఉంది. కేంద్రంలో ఎన్డీఏ అధికారంలో ఉంది. రాహుల్ ఫోన్ చేశారన్న భావనతో డీఎంకే సర్కారు విజయ్ ను, ఆయన పార్టీని రక్షించవచ్చు గానీ… దాని పరిణామాలు చాలా ఘాటుగా ఉండే అవకాశాలు ఉన్నాయి. కాంగ్రెస్ కు విజయ్ మద్దతు పలికితే… కేంద్రంలోని ఎన్డీఏ సర్కారు నేరుగా రంగంంలోకి దిగి కరూర్ ఘటనపై దర్యాప్తు అంటూ సతాయించే అవకాశాలు లేకపోలేదు. ఇక ఎన్నికల
సంఘానికి ఫిర్యాదు చేసి ఏకంగా పార్టీని రద్దు చేయించే ప్రమాదం లేకపోలేదు. ఒకవేళ ఎన్డీఏకు విజయ్ మద్దతు తెలిపితే తమిళనాడులోని డీఎంకే సర్కారు ఆయనను క్షణాల్లో అరెస్టు చేసి సరిగ్గా ఎన్నికల ముందు ఇబ్బందులు కలిగించే ప్రమాదం ఉంది. మరి ఈ పరిస్థితిని విజయ్ ఎలా దాటగలుగుతారో చూడాలి.
This post was last modified on October 1, 2025 7:36 am
ఏపీలో గ్రామ పంచాయతీ ఎన్నికల పర్వం ప్రారంభమైంది. మూడు విడతల్లో రాష్ట్ర వ్యాప్తంగా ఉన్న గ్రామ పంచాయతీలకు ఎన్నికలను నిర్వహించనున్నారు.…
మాజీ ముఖ్యమంత్రి జగన్ మోహన్ రెడ్డి సతీమణి వైఎస్ భారతి క్రియాశీల రాజకీయాల్లోకి రానున్నారా అంటే వాతావరణం అలాగే కనిపిస్తుంది. ఇప్పటి…
చెప్పిన డేటుకి షూటింగ్ పూర్తి చేయరు. రిలీజ్ డేట్ మళ్లీ మళ్లీ మార్చాల్సిన పరిస్థితి వస్తుంది. ఫైనల్ డేట్ దగ్గర…
సాంకేతిక పరిజ్ఞానం పెరుగుతున్న కొద్దీ మనుషుల జీవితాలు సులభతరం కావాలి. కానీ కొన్ని సంస్థల్లో పరిస్థితి అందుకు భిన్నంగా కనిపిస్తోంది.…
దేశంలో మొదటిసారి హైదరాబాద్ లో శనివారం గిగ్ వర్కర్ల సంక్షేమ సభ జరిగింది. కాంగ్రెస్ పార్టీ అధినేత రాహుల్ గాంధీ…
హిందూ సంస్కృతి, పురాణాలు, దేవుళ్ల నేపథ్యంలో సినిమాలు తీస్తే తమిళ ప్రేక్షకులకు పెద్దగా పట్టదు అనే ఒక ముద్ర పడిపోయింది.…