నానికి సెంటిమెంటు… అమెజాన్‍కి రికార్డ్ వ్యూసు!

తెలుగు చిత్ర పరిశ్రమ నుంచి ఓటిటిలో వస్తోన్న తొలి భారీ చిత్రం ‘వి’కి సెప్టెంబర్‍ 5 విడుదల ఖాయం చేసారు. ఈ డేట్‍ సెలక్ట్ చేయడానికో కారణం వుంది. నాని హీరోగా నటించిన మొదటి సినిమా సెప్టెంబర్‍ 5నే విడుదలయింది. అష్టాచమ్మాతో హీరోగా మారిన నాని కెరియర్‍ మలుపు తిప్పిన ‘భలే భలే మగాడివోయ్‍’ సెప్టెంబర్‍ 4న వచ్చింది. అందుకే తన ఇరవై అయిదవ చిత్రాన్ని కూడా సెప్టెంబర్‍ 5న విడుదల చేయాలని నానినే కోరాడట. అమెజాన్‍ ప్రైమ్‍ సినిమాలు మామూలుగా శుక్రవారం విడుదల చేస్తున్నారు.

అయితే గురువారం అర్థరాత్రి విడుదల చేయడం కంటే… శుక్రవారం అర్థరాత్రి విడుదల చేయడం వల్ల వ్యూస్‍ బాగా వస్తాయని, వీకెండ్‍ ఆడియన్స్ మొదటి రోజే వీక్షిస్తారని ఈ డేట్‍ ఖాయం చేసుకున్నారు. అమెజాన్‍ ప్రైమ్‍ ద్వారా ఈ అయిదు నెలలలో విడుదలయిన అన్ని సినిమాల కంటే ‘వి’కి ఎక్కువ వ్యూయర్‍షిప్‍ వస్తుందని అంచనా వేస్తున్నారు. ఈ చిత్రాన్ని తమిళ, మలయాళ, హిందీ భాషల ఆడియోతో సహా అందుబాటులోకి తెచ్చే ఆలోచనలో వున్నారట. గుంజన్‍ సక్సేనా చిత్రాన్ని తెలుగు ఆడియోతో విడుదల చేయడం వల్ల ఇక్కడ కూడా దానికి ఆదరణ లభించింది. వి కనుక అన్ని భాషలలో అందుబాటులో వుంటే అమెజాన్‍ పెట్టిన ముప్పయ్‍ కోట్ల పెట్టుబడికి ఢోకా లేనట్టే.