స్క్విడ్ గేమ్.. ఓటీటీల చరిత్రలోనే అత్యంత విజయవంతమైన సిరీస్ ఇది. నెట్ ఫ్లిక్స్ వాళ్లు నిర్మించిన ఈ కొరియన్ సిరీస్ రెండేేళ్ల కిందట విడుదలై ప్రపంచవ్యాప్తంగా ఓటీటీ ప్రేక్షకులను ఉర్రూతలూగించింది. ఈ సిరీస్ కోసమనే నెట్ ఫ్లిక్స్ సబ్స్క్రైబర్లుగా మారిన ప్రేక్షకుల సంఖ్య పెద్దదే. ఇలా ఓ సిరీస్ బ్లాక్ బస్టర్ అయితే.. దానికి కొనసాగింపుగా ఇంకో సీజన్ తీయడం మామూలే.
‘స్క్విడ్ గేమ్’కు కూడా అప్పట్లోనే సెకండ్ సీజన్ అనౌన్స్ చేశారు. దర్శకుడు డాంగ్ హ్యూక్ రెండో సీజన్ గురించి అధికారిక ప్రకటన చేశాడు. షూటింగ్ మొదలవుతోందని, తొలి సీజన్కు దీటుగా, ఉత్కంఠభరితంగా రెండో సీజన్ ఉండబోతోందని అతను ధీమా వ్యక్తం చేశాడు. ఇప్పుడు ‘స్క్విడ్ గేమ్-2’కు సంబంధించి గ్లింప్స్ ఒకటి రిలీజ్ చేశారు మేకర్స్. ఈ సినిమాలో ముఖ్య పాత్రలు పోషిస్తున్న నటీనటుల వివరాలతో పాటు కాన్సెప్ట్ గురించి హింట్ ఇచ్చారు ఈ వీడియోలో.
‘స్క్విడ్ గేమ్’ చూసి థ్రిల్ అయిపోయిన ప్రేక్షకులు రెండో సీజన్ కోసం ఎప్పుడెప్పుడా అని ఎదురు చూస్తున్నారు. సెకండ్ సీజన్ ఈ నవంబరులోనే ప్రేక్షకుల ముందుకు రానున్నట్లు సమాచారం. ‘స్క్విడ్ గేమ్’ కాన్సెప్ట్ చాలా షాకింగ్గా ఉంటుంది. మల్టీ మిలియనీర్లయిన కొంతమంది.. డబ్బు కోసం తహతహలాడుతున్న వ్యక్తులను ఎంచుకుని ఒక దీవిలోకి తీసుకొచ్చి వాళ్లతో డేంజరస్ గేమ్స్ ఆడిస్తారు.
ఈ క్రమంలో తప్పులు చేసిన వాళ్లు వరుసగా ప్రాణాలు కోల్పోతుంటారు. ఈ డేంజరస్ గేమ్స్ చూసి ఆ మల్టీ మిలియనీర్లు వినోదం పొందుతుంటారు. ఆ గేమ్స్ సాగే వైనం.. తీవ్ర ఉత్కంఠతో ఉంటుంది. ఒక ఎపిసోడ్ మొదలుపెడితే.. అన్నీ చూసేదాకా వదల్లేని థ్రిల్, టెన్షన్ ఉంటుంది ఈ సిరీస్లో. మరి రెండో సీజన్లో కథ ఎలా ఉంటుందో.. ఈ సీజన్ ఇంకెంత ఉత్కంఠభరితంగా ఉంటుందో చూడాలి మరి. ఈ సిరీస్ రిలీజైనపుడు మరోసారి ఓటీటీ రికార్డులన్నీ బద్దలు కావడం ఖాయం.
This post was last modified on June 21, 2023 2:52 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…