కరోనా మహమ్మారి పుణ్యమా అని సినిమా రంగం పెద్ద సంక్షోభాన్నే ఎదుర్కొంది. కరోనా ప్రభావం తగ్గినా.. దాని తాలూకు ప్రతికూల ప్రభావం.. ఆ తర్వాత కూడా కొనసాగింది. ఒక దశలో జనాలు థియేటర్లకు రావడం బాగా తగ్గించేశారు. పెద్ద పెద్ద సినిమాలకు కూడా ఓపెనింగ్స్ రాని పరిస్థితి తలెత్తింది. ఇక చిన్న సినిమాలకైతే మెయింటైనెన్స్ ఖర్చులు కూడా రావడం గగనమైంది. ఆ దశలో ఇండస్ట్రీ ఒక్కసారిగా షేక్ అయిపోయింది.
కానీ గత నెలలో బింబిసార, సీతారామం, కార్తికేయ-2 చిత్రాలు మళ్లీ చిత్ర పరిశ్రమకు ఊపిరి పోశాయి. ఆ తర్వాత మళ్లీ పరిస్థితి మామూలే అన్నట్లు తయారైంది. గత నెల రోజుల్లో పూర్తి సంతృప్తినిచ్చి, బాక్సాఫీస్ దగ్గర మంచి ఫలితాన్నందుకున్న సినిమా ఏదీ లేదనే చెప్పాలి. ఈ నేపథ్యంలో అల్లూరి సినిమా ప్రి రిలీజ్ ఈవెంట్ సందర్భంగా అల్లు అర్జున్ ఇండస్ట్రీలో మారిన పరిస్థితుల గురించి ఆసక్తికర వ్యాఖ్యలు చేశాడు.
“కరోనా తర్వాత సినిమాల గురించి అందరూ చాలా మాట్లాడుతున్నారు. చిన్న సినిమాలు వర్కవుట్ అవుతున్నాయి. చిన్న సినిమాలూ ఫెయిలవుతున్నాయి. పెద్ద సినిమాలు వర్కవుటవుతున్నాయి. పెద్దవీ ఫెయిలవుతున్నాయి. పెద్ద సినిమాలే వర్కవుటవుతాయి. చిన్నవి వర్కవుట్ కావు అనే ఫార్ములా ఏమీ లేదు. ఇప్పుడున్న ట్రెండ్ ఒకటే. పెద్ద సినిమా కాదు.. చిన్న సినిమా కాదు.. మంచి సినిమా. మంచి సినిమా ఉంటే జనాలు ఆదరిస్తున్నారు. సినిమా చిన్నదా పెద్దదా అని చూడట్లేదు. నిజానికి మనం మంచి ట్రెండ్లో ఉన్నాం. ఎవరూ ఏమీ భయపడాల్సిన పని లేదు. సినిమాలో కంటెంట్ ఉంటే చిన్నదా పెద్దదా అనే ఫరక్ పడదు. జనాలు అద్భుతంగా థియేటర్లకు వచ్చి సినిమాలు చూస్తున్నారు. ఇందుకు ప్రేక్షకులకు మనస్ఫూర్తిగా ధన్యవాదాలు తెలియజేస్తున్నాను” అని బన్నీ చెప్పాడు. ప్రస్తుత ట్రెండ్ను బన్నీ చాలా బాగా అర్థం చేసుకుని ఇండస్ట్రీకి భరోసానిచ్చే మాటలు చెప్పాడన్నది వాస్తవం.
This post was last modified on September 19, 2022 12:18 pm
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…
సీనియర్ జర్నలిస్ట్ రవిప్రకాష్ గురించి తెలుగు నాట తెలియనివారెవరు.? మీడియాకి సంబంధించి ‘సీఈవో’ అన్న పదానికి పెర్ఫెక్ట్ నిర్వచనంగా రవిప్రకాష్…
బుల్లితెర యాంకర్, బిగ్ బాస్ రియాల్టీ షో ఫేం శ్యామల, వైఎస్సార్ కాంగ్రెస్ పార్టీ తరఫున ఆంధ్ర ప్రదేశ్లో ఎన్నికల…
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…