ఒకప్పుడు తెలుగు బాక్సాఫీస్ మీద తమిళ సినిమాల దండయాత్ర మామూలుగా ఉండేది కాదు. రజినీకాంత్, కమల్ హాసన్, విక్రమ్, సూర్య, కార్తి.. ఇలా చాలామంది కోలీవుడ్ స్టార్ల సినిమాలు తెలుగులో ఇరగాడేసేవి. వాళ్ల సినిమాలకు పోటీగా మన చిత్రాలు రిలీజ్ చేయడానికి భయపడ్డ రోజులు కూడా ఉన్నాయి. ఐతే కాల క్రమంలో వీళ్లందరికీ తెలుగులో ఫాలోయింగ్ పడిపోయింది. తమిళ అనువాద చిత్రాలను మన వాళ్లు అంతగా పట్టించుకోవడం లేదు.
ఐతే గతంలో మంచి ఫాలోయింగ్ ఉన్న తమిళ స్టార్లందరికీ ఇక్కడ డిమాండ్ పడిపోతే.. ఒకప్పుడు ఇక్కడ ఏమాత్రం గుర్తింపు లేని విజయ్కి గత కొన్నేళ్లలో మన దగ్గర ఫాలోయింగ్ పెరిగింది. అదిరింది, విజిల్, మాస్టర్.. ఇలా వరుసగా అతడి సినిమాలు తెలుగులో బాగా ఆడేస్తున్నాయి. అతడి మార్కెట్ పది కోట్ల మార్కును కూడా టచ్ చేసింది. ఐతే ఇలా పెరుగుతున్న తన ఫాలోయింగ్, మార్కెట్ను ఇంకో స్థాయికి తీసుకెళ్లే ప్రయత్నం విజయ్ చేయట్లేదు. తన సినిమాలను బాగా ఆదరిస్తున్న తెలుగు ప్రేక్షకులను పలకరించడానికి అతడికి తీరిక ఉండట్లేదు.
బీస్ట్కు తెలుగులో మంచి క్రేజే ఉన్నా.. దాన్ని మరింత పెంచే ప్రయత్నం విజయ్ చేయట్లేదు. తమిళంలో ఎంత పెద్ద స్టార్ అయినప్పటికీ.. ఒకప్పుడు సూర్య లాగా తెలుగు ప్రేక్షకులను ఓన్ చేసుకుని వారికి చేరువ కావాలని విజయ్ చూడట్లేదు. మన తెలుగు స్టార్లు తమిళంలో రిలీజయ్యే తమ సినిమాల ప్రమోషన్ల కోసం చక్కగా చెన్నైకి వెళ్లి ప్రమోషనల్ ఈవెంట్లలో పాల్గొంటున్నారు. ప్రెస్ మీట్లు పెడుతున్నారు. బాహుబలి, పుష్ప, ఆర్ఆర్ఆర్ లాంటి సినిమాలకు ఇలాగే చక్కగా ప్రమోషన్లు చేశారు. ఆ సినిమాలకు ఎంత మంచి ఫలితం వచ్చిందో తెలిసిందే. కేవలం ప్రమోషన్లతో సినిమాలు ఆడేయవు కానీ.. సినిమాలు బాగుంటే ప్రమోషన్లు ప్లస్ అవుతాయన్నది వాస్తవం.
ఐతే తన రేంజికి హైదరాబాద్ వచ్చి తన సినిమాను ప్రమోట్ చేయడం ఏంటి అనుకుంటున్నాడో ఏమో.. విజయ్ ఇటు వైపు చూడట్లేదు. గతంలో తనకు ఇక్కడ గుర్తింపు లేనపుడు స్నేహితుడు, జిల్లా మూవీస్ ని ప్రమోట్ చేసిన విజయ్.. ఇప్పుడు ఫాలోయింగ్ పెరిగాక ఇటు వైపు రాకపోవడం ఆశ్చర్యం కలిగించే విషయం. శుక్రవారం జరిగిన విజయ్ కొత్త చిత్రం బీస్ట్ ప్రమోషనల్ ఈవెంట్లో హీరోయిన్ పూజా హెగ్డే, సంగీత దర్శకుడు అనిరుధ్ రవిచందర్, దర్శకుడు నెల్సన్ మాత్రమే హాజరయ్యారు.
This post was last modified on April 9, 2022 8:36 am
సౌత్ ఇండియన్ ఫిలిం ఇండస్ట్రీలో చేసిన రెండు సినిమాలతోనే చాలా ప్రామిసింగ్గా అనిపించిన వారసుల్లో ధ్రువ్ విక్రమ్ ఒకడు. అర్జున్…
సుకుమార్ లాంటి స్టార్ డైరెక్టర్ తీసే సినిమాలో.. ఓ పెద్ద హీరో నటించినపుడు చిన్న సన్నివేశమైనా సరే సుక్కునే తీయాల్సి…
ఆంధ్రప్రదేశ్ మంత్రి రోజా చాలా ఏళ్ల పాటు జడ్జిగా వ్యవహరించిన జబర్దస్త్ షోలో స్కిట్లు చేసే కమెడియన్లతో ఆమెకు మంచి…
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…