60 ఏళ్ల వ్యక్తికి 20 ఏళ్ల అమ్మాయి భార్య కావడం మరీ విచిత్రమేమీ కాదు. చరిత్రలో ఇలాంటి ఉదంతాలు బోలెడు. ఇప్పటికీ వెనుకబడ్డ ప్రాంతాల్లో ఇలాంటివి జరుగుతుంటాయి. ఇక సినిమాల విషయానికి వస్తే 60 ఏళ్ల వ్యక్తికి 20 ఏళ్ల అమ్మాయి జోడీగా నటించడమూ చూడొచ్చు. కాకపోతే 60 ఏళ్లున్న హీరోలకు మేకప్ వేసి మేనేజ్ చేస్తుంటారు. కానీ ఏదైనా సినిమాలో 20 ఏళ్ల కుర్రాడికి 60 ఏళ్ల మహిళ భార్యగా కనిపించడం చూశారా? ఇదేం విడ్డూరం అనిపిస్తోందా? కానీ ఇప్పుడో సినిమా ఇదే కాన్సెప్ట్తో తెరకెక్కింది. ఆ చిత్రమే.. సావిత్రి వైఫ్ ఆఫ్ సత్యమూర్తి.
‘కేరింత’ సినిమాతో మంచి పేరు సంపాదించిన పార్వతీశం కథానాయకుడిగా నటిస్తున్న సినిమా ఇది. టైటిల్లోని సత్యమూర్తి ఇతనే. మరి సావిత్రి ఎవరో తెలుసా..? సీనియర్ కమెడియన్ శ్రీలక్ష్మి. కొన్నేళ్ల విరామం తర్వాత మళ్లీ సినిమాల్లో కనిపిస్తున్న శ్రీలక్ష్మి ఈ చిత్రంలో లీడ్ రోల్ చేయడం విశేషం.
కుర్రాడైన పార్వతీశంకు శ్రీలక్ష్మి భార్యగా నటిస్తోంది ఈ చిత్రంలో. మరి వీళ్లిద్దరి వయసు అంతరం మాటేంటి? ఆమెకు జోడీగా ఇతనేంటి అనిపిస్తోంది కదా. అదే ఈ సినిమా కాన్సెప్ట్. 1980 ప్రాంతంలో వీళ్లిద్దరికీ పెళ్లి జరుగుతుందట. కానీ అప్పట్నుంచి హీరో వయసు పెరగకుండా 20 ఏళ్ల కుర్రాడిగానే ఉండిపోతాడు. అందులో మతలబు ఏంటన్నది సస్పెన్స్. సంవత్సరాలు.. దశాబ్దాలు గడుస్తున్నా వయసు పెరగకుండా కుర్రాడిగానే ఉంటూ అమ్మాయిలతో సయ్యాటలు ఆడుతుంటాడు హీరో. అతనెలా చిన్నవాడిలా ఉండిపోతున్నాడన్నది ఎవరికీ అర్థం కాదు. ఈ క్రమంలో జరిగిన పరిణామాలేంటన్న దానిపై ఈ కథ నడుస్తుంది.
‘సావిత్రి వైఫ్ ఆఫ్ సత్యమూర్తి’ కాన్సెప్ట్ టీజర్ అయితే సరదాగానే అనిపిస్తోంది. మరి సినిమా ఎలా ఉంటుందో చూడాలి. మహేంద్ర క్రియేషన్స్ అనే బేనర్లో తెరకెక్కిన ఈ చిత్రానికి చైతన్య కొండా అనే కొత్త డైరెక్టర్ దర్శకత్వం వహించాడు.
This post was last modified on August 18, 2021 1:23 pm
https://www.youtube.com/watch?v=uy8tkUFAsnA రెగ్యులర్ కాన్సెప్ట్స్ జోలికి వెళ్లకుండా విభిన్నంగా ట్రై చేసే హీరోగా సుహాస్ కి మంచి గుర్తింపు ఉంది. ఒక్కో…
విశాఖపట్నం ఎంపీ అభ్యర్థిగా పోటీ చేస్తున్న జైభారత్ నేషనల్ పార్టీ అధ్యక్షుడు, సీబీఐ మాజీ జాయింట్ డైరెక్టర్ వి.వి. లక్ష్మీనారా…
రెండేళ్ల నిరీక్షణకు తగ్గట్టు టిల్లు స్క్వేర్ రూపంలో అద్భుత ఫలితం అందుకున్న సిద్ధూ జొన్నలగడ్డ తర్వాత చేయబోయే సినిమాల విషయంలో…
తెలుగు దేశం పార్టీ జాతీయ ప్రధాన కార్యదర్శి, మాజీ ఎంపీ, మాజీ ఎమ్మెల్సీ నారా లోకేష్, మంగళగిరి అసెంబ్లీ నియోజకవర్గం…
సినిమా విడుదల ప్లానింగ్ సమయంలో పోటీ ఎంత ఉందనేది చూసుకోవడం చాలా ముఖ్యం. ఊరికే డేట్ వేసుకున్నామని తొందరపడితే బ్రేక్…
శాసనసభ ఎన్నికల్లో ఓటమితో బీఆర్ఎస్ పార్టీ పార్లమెంట్ ఎన్నికలలో ఎలాగైనా సత్తా చాటాలని ఉవ్విళ్లూరుతున్నది. నాలుగు నెలల కాంగ్రెస్ వైఫల్యాలను…