‘పవర్’ సినిమాతో దర్శకుడిగా పవర్ ఫుల్ ఎంట్రీ ఇచ్చాడు కె.ఎస్.రవీంద్ర అలియాస్ బాబీ. ఆ సినిమాతో మెగా ఫోన్ పట్టడానికి ముందే ‘బలుపు’ సహా కొన్ని సూపర్ హిట్ సినిమాలకు రచయితగా పని చేసి ఇండస్ట్రీలో మంచి పేరే సంపాదించాడు బాబీ.
ఐతే దర్శకుడిగా మారిన వాళ్లందరూ దాదాపుగా ఆ లక్ష్యంతోనే ఇండస్ట్రీలోకి వస్తారు. కానీ బాబీ మాత్రం ఏం కావాలో నిర్ణయించుకోకుండా ఇండస్ట్రీలోకి వచ్చేశాడట. అల్లు అర్జున్ తొలి చిత్రం ‘గంగోత్రి’తో అతను నటుడిగా పరిచయం కావాల్సిందట. కానీ ఆ సినిమా కోసం నిక్కర్ వేసుకోవాలని చెప్పడంతో తాను అందులో నటించలేదని తాజాగా ఓ ఇంటర్వ్యూలో వెల్లడించాడు బాబీ.
ఒకప్పుడు గుంటూరులో చిరంజీవి అభిమాన సంఘం అధ్యక్షుడైన బాబీ.. ‘ఇంద్ర’ సినిమా రిలీజ్ టైంలో తమ ఊరికి వచ్చిన రచయిత చిన్నికృష్ణ మాట వరసకు హైదరాబాద్కు వచ్చినపుడు కలవమని అన్నారని.. ఐతే ఆ మాట పట్టుకుని కొన్ని రోజుల్లో నిజంగానే ఆయన ఇంటికి వెళ్లినట్లు తెలిపాడు.
అప్పటికి చిన్నికృష్ణ ‘గంగోత్రి’ సినిమా చేస్తున్నారని.. సినిమాల్లో ఛాన్స్ కోసం ఆయన వెంట పడటంతో రాఘవేంద్రరావు దగ్గరికి పంపినట్లు బాబీ చెప్పాడు. తాను రాఘవేంద్రరావు వద్దకు వెళ్లగానే.. అసిస్టెంట్ను పిలిచి హీరో పక్కన ఉండే పాత్ర కోసం నిక్కర్ కొలతలు తీసుకోమన్నారని.. ఐతే నిక్కర్ వేసుకుని నటిస్తే గుంటూరులో తన పరువు పోతుందన్న ఉద్దేశంతో ఆ సినిమా చేయలేదని తెలిపాడు.
ఆ తర్వాత మళ్లీ చిన్నికృష్ణ దగ్గరికెళ్లానని, నటించకపోతే ఏం చేం చేస్తావు అని అడిగితే.. కథలు రాస్తా అని చెప్పానని.. కొన్ని రోజులకు ‘గంగోత్రి’లో ఒక కష్టమైన సన్నివేశం రాసి, రెండు రోజుల్లో తీసుకురమ్మని చెప్పారని.. కానీ తాను మధ్యాహ్నానికే ఆ సీన్ రాసి ఇచ్చేశానని.. అది నచ్చి తన రైటింగ్ టీంలోకి తీసుకున్నారని.. ఆ తర్వాత కొన్నేళ్లకు కోన వెంకట్ దగ్గర.. ఆపై దిల్ రాజు దగ్గర.. ఇలా చాలా చోట్ల పని చేసి రచయితగా ఓ స్థాయి అందుకున్నాక ‘బలుపు’ సినిమా చేస్తుండగా ఆ సినిమా హిట్టయితే దర్శకుడిగా అవకాశం ఇస్తానని రవితేజ మాట ఇచ్చాడని.. ఆ సినిమా పెద్ద హిట్టవడంతో అన్నట్లే ‘పవర్’ చేసి దర్శకుడిగా తనకు లైఫ్ ఇచ్చాడని బాబీ వెల్లడించాడు.
This post was last modified on July 11, 2021 3:41 pm
ఉస్తాద్ భగత్ సింగ్ కౌంట్ డౌన్ సంవత్సరాలు, నెలల నుంచి కేవలం ఏడు రోజులకు వచ్చేసింది. ముందు రోజు ప్రీమియర్లు…
అత్యంత కీలకమైన అసెంబ్లీ బడ్జెట్ సమావేశాలకు డుమ్మా కొట్టిన జగన్…ఆ తర్వాత అడపాదడపా మీడియా ముందుకు వచ్చి వెళుతున్న సంగతి…
వైసీపీ అధినేత జగన్ బాబాయి, మాజీ మంత్రి వివేకానంద రెడ్డి దారుణ హత్య కేసు తీర్పు 4 వారాల్లో రానుంది.…
బీఆర్ఎస్ పార్టీ మాజీ నాయకురాలు, మాజీ ఎంపీ, తెలంగాణ జాగృతి అధినేత్రి కల్వకుంట్ల కవిత గత రెండు రోజులుగా నిరవధిక…
కొత్త తరం దర్శకులతో పని చేసేందుకు చిరంజీవి పరుగులు పెడుతున్నారు. కొంచెం ఆలస్యంగా అయినా రజనీకాంత్ రూటు పట్టి విజయాలు…
మాజీ మంత్రి, బీఆర్ఎస్ ఎమ్మెల్యే మల్లారెడ్డి ఇరు తెలుగు రాష్ట్రాలలో బాగా పాపులర్. ఇక, సోషల్ మీడియాలో అయితే మల్లారెడ్డి…