నయన్ సినిమాకి రూ.15 కోట్ల ఆఫర్!

దక్షిణాది స్టార్ హీరోయిన్ నయనతార, దర్శకుడు మిలింద్ రావు కాంబినేషన్ లో తెరకెక్కిన చిత్రం ‘నెట్రికన్‌’. మొన్నామధ్య ఈ సినిమాకి సంబంధించిన టీజర్ ని విడుదల చేశారు. కొరియన్ థ్రిల్లర్ ఆధారంగా ఈ సినిమాను తెరకెక్కించారు. ఇందులో నయనతార అంధురాలిగా కనిపించనుంది. రీసెంట్ గా ఈ సినిమా ఫస్ట్ సింగిల్ ను రిలీజ్ చేశారు. ఇదిలా ఉండగా.. ఈ సినిమా ఇప్పుడు థియేట్రికల్ రిలీజ్ స్కిప్ చేసి ఓటీటీలో నేరుగా రిలీజ్ కాబోతుందని సమాచారం.

ప్రముఖ ఓటీటీ సంస్థ డిస్నీ హాట్ స్టార్ ఈ సినిమా రైట్స్ కోసం ప్రయత్నిస్తున్నట్లు తెలుస్తోంది. దీనికోసం రూ.15 కోట్లు ఆఫర్ చేసినట్లు సమాచారం. ప్రస్తుతం చర్చలు చివరి దశలో ఉన్నాయి. ఒక్కసారి డీల్ క్లోజ్ అయితే జూలైలో ఈ సినిమాను ఓటీటీలో విడుదల చేయాలని ప్లాన్ చేస్తున్నారు. ఈ సినిమాను నయనతార బాయ్ ఫ్రెండ్ విఘ్నేష్ శివన్ నిర్మించారు. నయన్ కూడా పెట్టుబడులు పెట్టిందని కోలీవుడ్ వర్గాల సమాచారం.

పెట్టిన బడ్జెట్ తో పోల్చుకుంటే హాట్ స్టార్ సంస్థ మంచి డీల్ ఆఫర్ చేసిందని అంటున్నారు. త్వరలోనే అగ్రిమెంట్ పై సంతకం చేయబోతున్నారని సమాచారం. గతేడాది నయన్ నటించిన ‘అమ్మోరు’ సినిమాను కూడా హాట్ స్టార్ లోనే రిలీజ్ చేశారు. ఇప్పుడు ఆమె నుండి మరో సినిమా రాబోతుంది. ఈ సినిమాపై మంచి అంచనాలే ఏర్పడ్డాయి. ఇందులో నయన్ తో పాటు అజ్మల్, మణికందన్ ముఖ్యపాత్రలు పోషించారు.