టాలీవుడ్లో తండ్రీ కొడుకులతో రొమాన్స్ చేసిన హీరోయిన్లు చాలా కొద్దిమందే. అందులో కాజల్ అగర్వాల్ ఒకరు. ఆమె ముందు మెగా పవర్ స్టార్ రామ్ చరణ్తో జోడీ కట్టింది. వీళ్లిద్దరి కలయికలో మగధీర, నాయక్, గోవిందుడు అందరివాడేలే సినిమాలు వచ్చాయి. తర్వాత ఆమె చిరంజీవితో ఖైదీ నంబర్ 150లో జోడీ కట్టింది. కొంత తర్జనభర్జన తర్వాత కొడుకు హీరోయిన్ను తన సినిమాలోకి తీసుకున్నాడు చిరు. ఇప్పుడు ఆచార్యలోనూ చిరుకు జోడీగా కాజల్ నటిస్తున్న సంగతి తెలిసిందే.
కాగా కాజల్ మరో సీనియర్ హీరోతో జోడీ కట్టబోతున్నట్లు తాజా సమాచారం. ఆ హీరో మరెవరో కాదు.. అక్కినేని నాగార్జున. చందమామ ఇప్పటికే దడ సినిమాలో నాగచైతన్యతో రొమాన్స్ చేసిన సంగతి తెలిసిందే. ఇప్పుడు చైతూ తండ్రి నాగ్ సరసన సినిమా చేయబోతోందట.
త్వరలోనే వైల్డ్ డాగ్తో ప్రేక్షకులను పలకరించనున్న నాగ్.. ప్రవీణ్ సత్తారుతో ఓ సినిమా చేయనున్న సంగతి తెలిసిందే. ఇందులోనూ ఆయన అండర్ కవర్ పోలీసాఫీర్గానే కనిపించనున్నాడు. ఈ థ్రిల్లర్ మూవీలో నాగార్జునకు జోడీగా కాజల్ను ఎంపిక చేసినట్లు సమాచారం. కాజల్ పెళ్లి తర్వాత కూడా జోరుగానే సినిమాల్లో నటిస్తోంది. కాకపోతే ఇంతకుముందులా యంగ్ హీరోలకు పరిమితం కావడం లేదు. తెలుగులో చిరుతో, తమిళంలో కమల్ హాసన్తో ఆమె సినిమాలు చేస్తోంది.
ఇప్పుడు నాగ్ రూపంలో మరో సీనియర్ హీరో ఆమెతో రొమాన్స్ చేయనున్నాడు. ఇలా ఈ తరంలో ఇద్దరు యంగ్ హీరోలతో.. వారి తండ్రులతో నటించిన అరుదైన కథానాయికగా కాజల్ రికార్డు సృష్టించబోతోంది. ఒకప్పుడు తన తండ్రి ఏఎన్నార్తో జోడీ కట్టిన శ్రీదేవితో నాగ్ కలిసి సినిమా చేశాడు. ఇప్పుడు కొడుకు హీరోయిన్తో రొమాన్స్ చేయబోతున్న అరుదైన ఘనత ఆయన సొంతం కానుంది.
This post was last modified on March 17, 2021 10:25 am
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…
లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…