అన్షు.. తెలుగులో ఈ అమ్మాయి చేసింది రెండు సినిమాలే. కానీ తెలుగు ప్రేక్షకులు అంత సులువుగా ఆ అమ్మాయిని మరిచిపోలేరు. తన తొలి చిత్రంతో ఆమె వేసిన ముద్ర అలాంటిది మరి. మన్మథుడు సినిమాలో సోనాలి బింద్రే కూడా చక్కటి పాత్రతో మెరిసింది కానీ.. ఫ్లాష్ బ్యాక్లో వచ్చే మహేశ్వరి పాత్ర యువ హృదయాల్లోకి చొచ్చుకుపోయింది. ఆ పాత్ర కోసమే పుట్టిందా అన్నట్లుగా ఎంతో సున్నితమైన అందం, నటనతో అన్షు అందరినీ ఆకట్టుకుంది.
రెండో సినిమా రాఘవేంద్ర ఫ్లాప్ కావడంతో అన్షు ఉన్నట్లుండి టాలీవుడ్ నుంచి అదృశ్యం అయిపోయింది. తర్వాత ఇంకెక్కడా కూడా కనిపించలేదు. ఆమె చాలా ఏళ్ల కిందటే పెళ్లి చేసుకుని వ్యక్తిగత జీవితంలో సెటిల్ అయిపోయింది. ఐతే మన్మథుడు వచ్చిన 17 ఏళ్ల తర్వాత ఆమె టాలీవుడ్లోకి రీఎంట్రీ ఇవ్వబోతున్నట్లుగా ఓ ఆసక్తికర కబురు చక్కర్లు కొడుతోంది.
తన రచనతో మన్మథుడు సినిమాను క్లాసిక్గా నిలబెట్టిన త్రివిక్రమ్.. ఇప్పుడు తన దర్శకత్వంలో తెరకెక్కబోయే కొత్త సినిమాలో ఓ కీలక పాత్రకు అన్షును తీసుకుంటున్నట్లు వార్తలొస్తున్నాయి. గత ఏడాది అల వైకుంఠపురములో సినిమాతో నాన్ బాహుబలి హిట్ కొట్టిన మాటల మాంత్రికుడు.. ఇక అప్పట్నుంచి ఎన్టీఆర్తో సినిమా కోసం ఎదురు చూస్తున్న సంగతి తెలిసిందే. ఆ చిత్రం మేలో మొదలయ్యే అవకాశముంది. ఇందులో ఎన్టీఆర్ అక్కగా సినిమాలో కీలక పాత్రకు అన్షును అడిగారట.
సినిమాల మీద ఆసక్తే లేనట్లు వెళ్లిపోయిన అన్షు.. ఈ క్రేజీ ప్రాజెక్టులో చేయడానికి ఒప్పుకున్నట్లు చెబుతున్నారు. ఆమె ఈ సినిమాలో నటిస్తే మన్మథుడు సినిమాను మధుర జ్ఞాపకంగా మార్చుకున్న ఎంతోమంది ప్రేక్షకులకు ఒక నోస్టాల్జిక్ ఫీలింగ్ వస్తుందనడంలో సందేహం లేదు. మరి వార్త ఎంత వరకు నిజమో చూడాలి.
ప్రపంచమంతా ఒక సినిమా కోసం ఎదురు చూడటం చాలా అరుదు. క్రిస్టోఫర్ నోలన్ దర్శకత్వం వహించిన ది ఒడిస్సీ ఈ…
మహారాష్ట్రలో భారీ పాల కల్తీ కుంభకోణం వెలుగులోకి వచ్చింది. ధారాశివ్ జిల్లా భూమ్ తాలూకాలో పోలీసులు, ఆహార భద్రత-ఔషధ పరిపాలన…
ఊరు వాడ పేరుతో ఎన్టీఆర్ అభిమానులు చేపడుతున్న సేవా కార్యక్రమాల వ్యవహారం ఇటీవల ఆంధ్రప్రదేశ్లో హాట్ టాపిక్గా మారిన సంగతి…
న్యాయస్థానంలో సాక్ష్యాధారాలే కీలకం. మూఢనమ్మకాలతో చట్టాన్ని ప్రభావితం చేయలేరు... అయితే అమాయకత్వమో.. మరి ఏమో కానీ తీర్పు తనకు అనుకూలంగా…
సినీ రంగంలో గొప్ప స్థాయికి చేరుకున్న చాలామంది దర్శకులు ఒకప్పుడు అనామకులే. ఇండస్ట్రీలోకి అడుగు పెట్టి అవకాశాల కోసం కాళ్లరిగేలా…
ఒకే రోజు ఏపీలో రెండు ఘటనలు.. ఒకటి ప్రకాశం జిల్లా సింగరాయకొండ. మరొకటి పల్నాడు జిల్లా వినుకొండ. రెండు ప్రాంతాలు…