తమిళ అగ్ర దర్శకుడు శంకర్ను ఎప్పట్నుంచో వెంటాడుతున్న ఓ వివాదం ఇప్పుడు అతడిని ఇబ్బందికర పరిస్థితుల్లోకి నెట్టింది. అతడికి కోర్టు నాన్ బెయిలబుల్ వారెంట్ జారీ చేసే పరిస్థితి తలెత్తింది. పదేళ్ల కిందట విడుదలైన శంకర్ మాస్టర్ పీస్ రోబోకు సంబంధించిన వివాదంలో అతనిప్పుడు చిక్కుల్లో పడ్డాడు. ఇంతకీ విషయం ఏంటంటే..
సూపర్ స్టార్ రజినీకాంత్ ప్రధాన పాత్రలో శంకర్ రూపొందించిన సైన్స్ ఫిక్షన్ మూవీ రోబో 2010లో విడులై ఎంత పెద్ద విజయం సాధించిందో తెలిసిందే. శంకర్, రజినీ కెరీర్లలో ఇది బిగ్టెస్ట్ హిట్గా నిలిచింది. సౌత్ సినిమా స్థాయిని ఎంతో పెంచిన చిత్రమిది. ఐతే రోబో కథ తనదే అంటూ అరుర్ తమిళ్ నందన్ అనే రచయిత సినిమా రిలీజైన కొత్తలో శంకర్పై కేసు వేశాడు. తాను రాసిన జిగుబా అనే కథను కాపీ చేసి దర్శకుడు శంకర్ రోబో చిత్రాన్ని తెరకెక్కించాడని అరుల్ ఆరోపించాడు.
1996లో అరుర్ రాసిన ఈ కథ ఓ తమిళ మ్యాగజైన్లో ప్రచురితమైంది. ఆ తర్వాత 2007లో దీనిని ఓ నవలగా కూడా ముద్రించారు. అరుర్ కేసు ఎన్నో ఏళ్లుగా కోర్టులో నానుతోంది. ఐతే ఈ కేసుకు సంబంధించిన విచారణకు హాజరు కావాలని చెన్నైలోని ఎగ్మోర్ మెట్రోపాలిటిన్ మేజిస్ట్రేట్ కోర్టు పలుమార్లు ఆదేశించినప్పటికీ శంకర్ అస్సలు స్పందించలేదు. దీంతో ఆగ్రహించిన కోర్టు శంకర్కు నాన్ బెయిలబుల్ అరెస్ట్ వారెంట్ను జారీ చేస్తూ కేసును ఫిబ్రవరి 19కి వాయిదా వేసింది.
శంకర్ ముందే స్పందించి ఉంటే, లేదా రచయితతో రాజీ కుదుర్చుకుని ఉంటే ఎప్పుడో వివాదం సమసిపోయేది. కానీ అతను ఈ కేసును పట్టించుకోకపోవడంతో సినిమా రిలీజైన పదేళ్ల తర్వాత కాపీ వివాదం కేసులో నాన్ బెయిలబుల్ వారెంట్ అందుకోవాల్సి వచ్చింది. మరి ఇప్పుడు శంకర్ ఏం చేస్తాడో, ఆరోపణలపై ఎలా స్పందిస్తాడో చూడాలి.
This post was last modified on February 1, 2021 7:55 am
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…