పెద్ద దర్శకులు కొందరు తమ టెక్నీషియన్ల విషయంలో చాలా పర్టికులర్గా ఉంటారు. తమతో బాగా సింక్ అయ్యే, కోరుకున్న ఔట్ పుట్ ఇచ్చే వాళ్లతోనే పని చేస్తారు. ముఖ్యంగా సంగీత దర్శకుల విషయంలో ఇంకో ఆప్షన్ ఆలోచించకుండా ఒక్కరితోనే పని చేస్తూ వచ్చిన దర్శకులు టాలీవుడ్లో ఇద్దరున్నారు. ఒకరు రాజమౌళి అయితే.. ఇంకొరు సుకుమార్. జక్కన్న మొదట్నుంచి కీరవాణితోనే ప్రయాణం సాగిస్తుంటే.. సుక్కు ఏమో దేవిశ్రీ ప్రసాద్ను వదిలిపెట్టలేదు.
వీళ్లిద్దరూ సినిమాలు తీసినంత కాలం ఆ ఇద్దరు సంగీత దర్శకులతోనే సాగిపోతారని అంతా అనుకున్నారు. కానీ ఇప్పుడు సుకుమార్ మాత్రం.. దేవిని వదిలేస్తున్నట్లు జోరుగా ప్రచారం జరుగుతోంది. రామ్ చరణ్తో తన కొత్త చిత్రానికి అనిరుధ్ రవిచందర్ను సంగీత దర్శకుడిగా ఫిక్స్ చేసినట్లు ఓ వార్త హల్చల్ చేస్తున్న సంగతి తెలిసిందే. ఐతే దీనిపై మిశ్రమ స్పందన వస్తోంది.
సుకుమార్.. దేవి స్థానంలో ఇంకొకరితో పని చేయాలనుకుంటున్నట్లు వార్తలు వచ్చినపుడు ఆయన కొత్త సౌండ్ కోరుకుంటున్నాడని, రెగ్యులర్ కమర్షియల్ సినిమాల మ్యూజిక్ వద్దనుకుంటున్నాడని భావించారు అందరూ. ఈ క్రమంలోనే ‘దురంధర్’ సంగీత దర్శకుడు శశ్వత్ సచ్దేవ్ పేరు తెరపైకి వచ్చింది. ఇంకా ఏవో పేర్లు కూడా ప్రచారంలోకి వచ్చాయి. శశ్వత్ అంటే ఒక డిఫరెంట్ సౌండ్ వినబోతున్నామని అంతా అనుకున్నారు. కానీ ఇప్పుడేమో అనిరుధ్ను ఫిక్స్ చేసినట్లు వార్తలు వస్తున్నాయి. అదే నిజమైతే.. సుకుమార్ అసలేం మార్పు కోరుకుంటున్నాడనే ప్రశ్న తలెత్తుతోంది.
అనిరుధ్ సంగీతం దేవితో పోలిస్తే కొంచెం భిన్నమే కానీ.. అతడి మ్యూజిక్ కూడా కమర్షియల్ మీటర్లోనే సాగుతుంది. ఈ మాత్రం మ్యూజిక్ దేవి ఇవ్వలేడా అన్నది ప్రశ్న. గతంతో పోలిస్తే దేవి పనితనం కొంత తగ్గినప్పటికీ.. సుకుమార్ అంటే అతను ప్రత్యేక శ్రద్ధ పెడతాడు. ప్రాణం పెట్టి పని చేస్తాడు. దేవితో సుక్కుకు ఉన్న సింక్, తనతో ఉన్న సౌలభ్యం ఇంకెవరితో అయినా కుదురుతుందా అన్నది ప్రశ్న.
సుకుమార్ మనసు తెలుసుకుని మ్యూజిక్ ఇచ్చే దేవిని ఆయన ఎలా వదిలిపెట్టాడా అని ఇప్పటికీ ఫ్యాన్స్ ఆశ్చర్యానికి గురవుతున్నారు. చరణ్ సినిమాకు అనిరుధ్ మ్యూజిక్ డైరెక్టర్ అనే వార్త నిజం కాకపోతే బాగుండని, దేవితోనే పని చేయాలని వీళ్లిద్దరి మ్యూచువల్ ఫ్యాన్స్ కోరుకుంటున్నారు.
This post was last modified on October 12, 2026 12:15 pm
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…