కేసీఆర్ మ్యాజిక్ ప్యారడైజ్ కు కలిసొచ్చిందా?

నాని, శ్రీకాంత్ ఓదెల కాంబోలో వచ్చిన ప్యారడైజ్ థియేటర్లలోకి వచ్చేసింది. నిన్నటి స్పెషల్ ప్రీమియర్స్ నుంచే సినిమాకు సాలిడ్ ఓపెనింగ్స్ స్టార్ట్ అయ్యాయి. అయితే రిలీజ్ కు ముందు నాని పెట్టిన పర్మిషన్ ట్వీట్ కు సీఎం రేవంత్ రెడ్డి ఇచ్చిన రిప్లై సోషల్ మీడియాలో ఎంత వైరల్ అయిందో తెలిసిందే. డైరెక్టర్ ను మెచ్చుకుంటూనే సేఫ్టీ రూల్స్ గురించి ఆయన ఇచ్చిన రిప్లై సినిమాకు మంచి బజ్ తీసుకొచ్చింది.

కానీ తీరా సినిమా చూసిన తర్వాత థియేటర్లలో ఆడియన్స్ కు ఒక ఊహించని సర్ ప్రైజ్ తగిలింది. ముందే KCR రోల్ ఉన్నట్లు టాక్ వచ్చింది.. కానీ రూమర్ అని ఎవరు అంతగా పట్టించుకోలేదు. డైరెక్ట్ గా చెప్పలేదు కానీ ప్రియదర్శి చేసిన ఎమ్మెల్యే శంకరన్న క్యారెక్టర్ మాజీ సీఎం కేసీఆర్ ను గుర్తుకు తెస్తుంది. డ్రెస్సింగ్, నడిచే స్టైల్, పక్కా తెలంగాణ స్లాంగ్.. ఇలా ప్రతిదీ ఆయన మేనరిజమ్స్ ను దించేశారు. దానికి తోడు ఆ పాత్రకు స్క్రీన్ మీద ఎలివేషన్స్ కూడా పడ్డాయి.

దీంతో ఆన్లైన్ లో మీమర్స్ కు ఫుల్ మీల్స్ దొరికినట్లు అయింది. సినిమాలో అచ్చం కేసీఆర్ లాంటి పాత్ర ఉందని, పైగా ఆ క్యారెక్టర్ కు మంచి మాస్ ఎలివేషన్ ఉందనే విషయం రేవంత్ కు ముందే తెలుసా అని నెటిజన్లు కామెంట్స్ చేస్తున్నారు. తెలిసే ప్యారడైజ్ కు అంతలా సపోర్ట్ చేస్తూ సీఎం పోస్ట్ పెట్టారా అంటూ రకరకాల సెటైర్లు వేస్తున్నారు.

వాస్తవానికి సినిమా స్టోరీలో ఏముందో, ఏ నాయకుడి రిఫరెన్సులు ఉన్నాయో సీఎం స్థాయి వ్యక్తికి తెలియాల్సిన అవసరం అస్సలు ఉండదు. నాని అడిగిన పబ్లిక్ సేఫ్టీ ఇష్యూ మీదే ఆయన పాజిటివ్ గా రెస్పాండ్ అయ్యారు. పైగా తెలంగాణ బ్యాక్ డ్రాప్ లో తెలంగాణ దర్శకుడు అని ఆయన పాజిటివ్ గానే ప్రత్యేకంగా ఓ పోస్టర్ కూడా వేశారు. కానీ పొలిటికల్ గా చూస్తే ఇలాంటి వ్యవహారాల్లో నాయకులు సేఫ్ గా ఉంటారు. జనాల్లో రియాక్షన్స్ ఎలా ఉంటాయో అనే ఆలోచన ఉంటుంది. ప్రస్తుతం జనాల్లో అయితే ఇది హాట్ టాపిక్ గా మారింది. ఇప్పుడు ఈ శంకరన్న ఎపిసోడ్ బయటకు వచ్చింది. ఇది చూసి రేవంత్ టీమ్ ఏమనుకుంటుందో చూడాలి. ప్యారడైజ్ కు మాత్రం ఈ పొలిటికల్ రచ్చ భలే కలిసొచ్చింది. ఫ్రీ పబ్లిసిటీ గట్టిగానే దొరికేసింది.